Akoestiek is ʼn bruilofsduo uit die hartjie van Centurion in Pretoria uit, wat dit geniet om bruilofsfeeste met akoestiese verwerkings en oorspronklike musiek in te kleur en om ʼn gepaste atmosfeer te skep om die fokus op die mooi van die huwelik te vestig.

‘Ons is lief daarvoor om oorspronklike en bekende wysies in akoestiese weergawes te omskep. Ons sing liefdespsalms – van dié soort wat jou ʼn knop in die keel gee, tot dié wat jou voete laat jeuk om te skoffel.’

Werner en Rozanne Kahts het mekaar jare gelede in die kerk-orkes ontmoet, saam musiek begin maak en sedertdien nog nie opgehou om die pad saam te bly stap nie. Hulle is in 2012 getroud en het die voorreg dat ‘n pragtige amper 3 jarige dogtertjie, hulle Pappa en Mamma noem. Alhoewel beide van hulle heeltemal ander rigtings gaan studeer het, maak hulle graag saam musiek as Akoestiek, Ruth Music SA en is die eienaars van ‘Good Morning Sweet Songbird’ ‘n klank-opname studio, met die hart om die gemeenskap deur musiek te bedien en jong musikante asook onafhanklike kunstenaars, soos hulself, ‘n plekkie te bied waar hulle hulself kan uitleef en kan behoort. Werner staan die rol as musiekvervaardiger vol terwyl Rozanne lief daarvoor is om musiek te komponeer en te skryf.

Akoestiek bied akoestiese musiek wat spesiaal vir troues, tydens die Seremonie en Canapés uitgeknip is. Vir meer inligting oor hulle speellys, musiek en video’s, loer gerus na hulle webtuiste.

Rozanne en Werner is ongelooflik goed en baie betroubaar. Ons het voor die troue saam met hulle gaan koffie drink en dadelik besef dat hulle ʼn passie vir hul werk het en sommer baie moeite vir hul kliënte doen.  Ons kan getuig dat Akoestiek die ekstra myl gaan en ons sal hulle met die grootste liefde vir enige paartjie aanbeveel.  Hulle is hartsmense!

★★★★★

Gerhard & Charlene

28 September 2019