Marcé & Jéan se buitengewone & stylvolle troudag

Mooi Troues se lesers wat graag ‘n buitengewone en stylvolle troue wil hou sal vreeslik baie trou inspirasie vanaf Marcé & Jéan se troue kry. Die gevoel van die venue in Mpumalanga is moderne Europeërs met ‘n tuinhuis en glas geïnspireerde kapel wat ‘n unieke kenmerk is. Marcé en Jéan het swart kleur troudekor gekies. Die fotograaf se styl fotografie het alles pragtig komplimenteer en soveel drama bygevoeg. Die kleur swart was ten volle gebruik; Dit was tot in die spyseniering geïmplementeer! Dié troue is definitief ‘n móét sien en ons vra Mooi Troues se lesers om dit met almal te deel.

Rol af en geniet die buite gewone troue wat so vreeslik stylvol gedoen was.

Troudatum en ouderdom van paartjie op troudag:

10 November 2018 en albei 28 jaar oud

Hoe het julle mekaar ontmoet en wie het wie gevra om te ontmoet?

Ons is jare al familie vriende wat albei vakansie hou in die Natalse Suidkus. In Desember 2014 het Marcé vir Jéan oorgenooi vir ‘n braai en hulle het daardie aand op die stoep gesit en gesels tot die son opkom. 4 dae later was ons smoorverlief.

Op 10 Desember 2016 het Marcé, met die hulp van Jéan se vriendinne, haar onder valse voorwendsels na die Cape Royale Hotel in Groenpunt, Kaapstad gelok waar hy haar in ‘n pak ingewag het en op sy knieë gegaan het om die ja-woord te vra. Daarna het ons sjampanje en sushi by die hotel se dak kroeg geniet. Uit die bloute het van ons beste pêlle Jéan verras en saam met ons die res van die aand gefeesvier.

Vertel ons meer oor hoekom die bruid haar spesifieke trourok gekies het:

Soos met alles van ons troue, was ek verseker opsoek na iets ongewoon en uniek – ‘n formele, elegante rok met ‘n Europese gevoel. Die vol-kant rok van ‘Emma’ (die naam van my rok) was onbeplan omdat my smaak oor die algemeen redelik gewoon is. Ek was onmiddellik verlief om die tipe kant en die snit van die rok. Emma was aanvanklik te koop met dun bandjies, maar ek wou van die begin af ‘n rok met ‘n hoë hals en petmoue gehad het en het dus ekstra kant bestel vir hierdie verstellings. Ek lief elke detail van my rok – die verstellings het dit so uniek en ek gemaak.

Vertel ons meer van julle ringe:

Jéan se ring – Marcé het Jéan se oudste suster ingespan om haar ring grote vas te stel. Sy het tydens ‘n familie naweek een van Jéan se ander ringe in ‘n tydskrif afgetrek en die spesifieke tydskrif en bladsy geheimsinnig vir Marcé agtergelaat. Marcé het toe skelm ondersoek ingestel op Jéan se Pinterest borde om uit te vind waarvan sy hou. Saam met die talentvolle Taig Marshall Jewelery het ons die ontwerp vir weke aaneen oor en weer gestuur en veranderinge aangebring. Omdat Jéan baie lief is vir Roosgoud, is die pand en details rondom die diamante Roosgoud. Haar troupand is ook deur Taig Marshall ontwerp en gemaak, maar ek was heel gelukkig (en verlig) dat sy dit self gekies het.

Marcé se ring – Marcé se ring is ook deur Taig Marshall Jewellery gemaak. Dit is ‘n dun Roosgoud pand met ‘n ‘gehamerd’ gevoel.

Vertel ons meer oor die fotograaf en videograaf:

Ons fotograaf Juné Joubert skiet gereeld troues by ons venue en sy is so aan ons bekendgestel. Na die opweeg van vele ander fotograwe was Juné verseker ons gunsteling. Sy deel ons persoonlike styl en het die vermoë om beide formele portrette en leefstyl foto’s in ‘n stylvolle en moderne manier vas te vang. Ons trou foto’s het al ons verwagtinge oortref.

Bravo & Thatcher was ons videograwe. Ons het ook na vele oorwegings op hulle besluit. Ons mal was oor die moderne en realisties manier waarop hulle hulle video’s saamstel. Hulle was deurlopende baie professioneel en op die troudag self ook baie geduldig.

Wat was die mees merkwaardigste oomblik van die dag en wat sou julle verander?

Die oomblik toe ons mekaar die eerste keer in die trougang gesien het. Ook gedurende die koor gedeelte van ons eerste dans toe al ons gaste onbepland en uit die bloute saam ons begin dans het. Ons sou niks aan ons dag verander het nie.

Hoe het julle die venue gekies en wat was die inspirasie vir julle dekor?

Nadat ons die besluit gemaak het om Gauteng toe te verhuis van die Kaap af, het ons daarmee saam die besluit om eerder nader aan die huis te trou, het ons op pad terug van ‘n Kruger Wildtuin vakansie af ons droom-venue teëgekom. Dit was die eerste venue waarna ons gaan kyk het in die area en ons was onmiddellik verlief op die agtergrond en die moderne, Europese styl. ‘n Groot beslissende faktor was die eienaar Michelle Erichsen se werk deur haar maatskappy Blomster – sy het die vermoë om ‘n verbeelding, beskryf in ‘n paar idees en prentjies, in ‘n dekor-sprokie te omskep.

Ons inspirasie vir die dekor was formele, donker kleure met ‘n romantiese Europese gevoel. Ons het van die begin af met Michelle saamgewerk om elke detail van ons troue eiesoortig en ‘buite die gewone boks’ te maak.

Wat was julle begroting en hoe het julle daarby gehou?

Ons was bevoorreg genoeg dat ons en beide ons ouers bygedra het tot die troue. Ons het van die begin af vaste bedrae gekry wat almal wou bydrae en ‘n volledige begroting opgestel om seker te maak ons bly deurlopend binne die begroting.

Wat is julle advies vir ander paartjies wat besig is om hul troue te beplan?

Jéan – tydens die beplanning kan mens op gevang raak in die klein details wat veroorsaak dat mens nie die beplanning ten volle geniet nie – ek het besef as ek aanhoudend gaan in fokus op elke klein detail gaan ek ook bewus wees van elke klein detail op die dag – ek het begin delegeer en die beplanning begin geniet. Ek sal ook alle bruide ‘n aanduiding gee van al die kostes rondom die laaste skoonheid behandelings wat mens voor die troue doen en nie noodwendig van die begin af voor begroot nie.

Marcé – Doen soveel as moontlik voor die tyd sodat jy die dag voor die troue en die troudag self kan geniet. Ons het ‘n ete gehou die Vrydag aand voor die troue by die venue saam met ons gesinne en bruids gevolg – en dit was moontlik vir ons om dit te geniet, omdat ons grotendeels alles vooraf afgehandel het.

Vertel ons meer van julle Wittebrood:

Marcé het dit reggekry om die wittebrood ‘n geheim te hou en het alles self beplan tot op die laaste detail. ‘n Paar weke voor die troue moes ons vir visa aansoek doen en dit was onvermydelik dat Jéan hierdie afspraak moes bywoon. Dit het daartoe gelei dat Marcé oor ‘n glas wyn met baie opwinding aan Jéan die nuus gebreek het dat ons Parys, Venice en Dubai toe gaan.

In Parys het ons onsself behoorlik toeriste gehou en al die museums en kultuur beleef – alles van die Paleis van Versailles, die Louvre, aandete in die Eiffeltoring, tot gesit vir ‘n potloodskets van onsself (wat soos vreemdelinge lyk) in die korrelbed straatjies van Mont Mart. In Venesië het ons te veel geëet en drink in die Italiaanse kosse en drankies – van Bellini’s voor die Basilica in St Marco Square, pasta en pizza snye in boksies by die straatkafee’s en middagtee in die bekende Café Florian. Dubai was daar vir ons om te rus by die Atlantis Resort, waar ons die dae langs die swembad met skemerkelkies deurgebring het. Dit was ‘n onvergeetlike vakansie.

Vertel ons meer van julle eerste dans:

Ons eerste dans was op die dekking van I’m Gonna Be (500 Miles) vanaf die Sunshine On Leith klankbaan. Die liedjie het ‘n romantiese inleiding waarop ons alleen gedans het en tydens die koor gedeelte en al ons gaste onverwags en uit volle bors begin saam dans. Ons eerste dans was pret, spontaan en ongeoefen – beste van albei wêrelde.

Trourok: Timeless Bridal Couture

[section=Klik hier vir meer diensverskaffers]

Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ŉ internet konneksie het en ŉ toestel wat gekonnekteer is tot ŉ aktiewe internet konneksie, wees dit jou slimfoon, skootrekenaar of ŉ rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.

Is jy ŉ diensverskaffer wat op Mooi Troues wil adverteer? Klik hier vir ons advertensie kostes.

Artikel Diensverskaffers: