'n Wittebrood by De Hoop Collection

Is julle opsoek na ‘n oulike wegbreek plek vir jou wittebrood? Dan moet julle by De Hoop Collection gaan kuier. Ons was ‘n naweek daar en het dit gate uit geniet! De Hoop is ‘n wêreld-erfenis gebied, geleë langs een van Suid Afrika se grootste mariene beskermde gebiede.

Ons het in Cloete Suite nommer een gebly. Daar is ‘n bad en stort in die badkamer en luukse Charlotte Rhys produkte. Ons was ook vertel dat die Cloete Suites eers De Hoop se restaurant en kroeg area was, maar hul het in 2015 ‘n verwoestende brand gehad en kon hul toe daarna restoureer en die ou gebou na sy vorige glorie bring.

Akkommodasie

Die reservaat het ‘n groot verskeidenheid van akkommodasie beskikbaar vir alle grootte begrotings. Die rondawels is hul intreevlak verblyf en ons was verbaas oor die standaarde van die akkommodasie. De Hoop is geleë in die Overberg distrik en is ‘n gemaklike rit van slegs drie uur of 233km vanaf Kaapstad. Dit is ook die perfekte oornag stop as jy op pad is vanaf Kaapstad na die Tuinroete. ‘n Minimum van twee aande verblyf word voorgestel aangesien die reservaat op ‘n afgeleë plek is.

Wittebrood by De Hoop Collection

De Hoop Collection is die perfekte wegbreek plek vir jou wittebrood as jy opsoek is na ‘n ontspanning plek waar jy kan vergeet van die stad se gejaag en die natuur om jou ten volle geniet en luister na die natuur geluide.

De Hoop Collection se wittebrood pakette is ontwerp om jou wittebrood onvergeetlik te maak.

Wittebrood in die Otter Suites en Cloete Suites: Bly in ‘n Otter Suite naby aan die vlei, of ‘n Cloete Suite op die Opstal Courtyard vir twee nagte. Die pakket sluit in akkommodasie, heerlike aandete en ontbyt vir die verliefde paartjies, twee, een-uur masserings by die De Hoop Spa en ‘n gratis bottel vonkelwyn. Jy mag ook gebruik maak van twee fietse vir een dag.

Wittebrood in ‘n Toegeruste Kothuis: Stylvol en bekostigbaar en is geleë in die hartjie van die reservaat vir twee nagte. Die pakket sluit in akkommodasie, heerlike aandete en ontbyt vir die verliefde paartjies, twee, half-uur kruie masserings by die De Hoop Spa en ‘n gratis bottel vonkelwyn. Jy mag ook gebruik maak van twee fietse vir een dag.

Wittebrood in ‘n Rondawel

Hierdie opsie is vir paartjies wat opsoek is vir ‘n meer bekostigbare wittebrood opsie. Verblyf vir twee nagte. Die pakket sluit in akkommodasie, heerlike aandete en ontbyt vir die verliefde paartjies, twee, half-uur kruie masserings by die De Hoop Spa en ‘n gratis bottel vonkelwyn. Jy mag ook gebruik maak van twee fietse vir een dag.

Vir wittebrood pakette se pryse, kontak De Hoop Collection direk by 021 422 4522.

Die personeel by De Hoop Collection, van die ontvangs, die restaurant tot die gidse wat ons op die aktiwiteite geneem het, was baie vriendelik en behulpsaam.

De Hoop Spa

Doen jouself ‘n guns en boek vir jou ‘n spa sessie as jy inboek by De Hoop. Die swembad by die spa is iets wat jy nie sommer sal sien nie. Dit laat ons bietjie dink aan Griekeland in die bosveld. Dit maak nie regtig sin nie, maar die foto’s sal dit self verduidelik. Die potblou water wat oor die vlei en reservaat se bosveld en wilde diere uitkyk is definitief iets uniek. Die spa self het ‘n groot verskeidenheid spa behandelings waarvan jy kan kies. Günther het ‘n halfuur rugmassering gehad en Jaun ‘n halfuur gesigsbehandeling. Jy voel sommer onmiddellik ontspanne die oomblik as jy by die Spa in loop.

Fig Tree Restaurant

Die Fig Tree Restaurant was stap afstand geleë van ons Cloete Suite en dit was ‘n baie aangename ervaring gewees om by hierdie oulike restaurant te eet. Hulle het ‘n vasgestelde drie-gang maaltyd spyskaart vir aandete met twee opsies van voorgereg, hoofgereg en nagereg. Elke aand is die spyskaart ook anders as die vorige aand, so jy hoef nie bang te wees dat dit dieselfde gaan wees nie. Dit is altyd vir ons ‘n lekker ervaring om te beleef as restaurante wat so afgeleë is soos The Fig Tree Restaurant sulke heerlike kos kan maak met so min as moontlik hulpbronne naby hulle. Dit was vir ons ongelooflik oor die puik dienslewering van ‘n plek wat so af geleë is.

Etes

Hulle ontbyt is net so heerlike gewees met kase, pappe, koue vleise en vars vrugte by die koue ontbyt en dan kan jy ook ‘n volle Engelse ontbyt bestel as jy lus is vir ‘n warm ontbyt.

Daar is ook middagete beskikbaar as jy ‘n bietjie van ‘n hongerte kry voor aandete.

De Hoop Collection Trou Venue

Vir die paartjies wat nog nie ‘n trou venue het nie, dan sal jy definitief moet kyk na De Hoop Collection as een van jou eerste opsies. Nini het ons deur die verskillende trou onthaal opsies geneem by De Hoop Collection en vir ons was die trou onder die groot en lae vye bome die mooiste en beste opsie. Hulle het ook ‘n venue beskikbaar wat tot-en-met ‘n 120 gaste kan akkommodeer. Dit is definitief ‘n unieke plek om by te trou en jy het geen stres vir ekstra verblyf spasie nodig nie, want De Hoop Collection het oorgenoeg verblyf beskikbaar vir jou trou gaste om in te bly met gemaklikheid. Al jou gaste is lekker bymekaar en julle kan sommer ‘n hele naweek van julle troue maak. Klik hier om meer te lees oor De Hoop Collection se trou opsies.

Aktiwiteite by De Hoop:

Ons het die Vulture Experience gedoen – ‘n nuwe aktiwiteit wat definitief een is wat baie populêr gaan raak. Dit is omtrent so ‘n uur se stap op teen ‘ Potberg na die uitkyk punt waar die aasvoëls rond sweef. Dit is definitief iets wat jy nie elke dag sien nie en veral nie so ‘n klomp op ‘n slag nie. Soos met alles anders by De Hoop Collection, het hulle vir ons die heerlikste piekniek sak gepak gevul met kase en lip-lek-lekker koue vleise en ‘n vars rolletjie. Dit is ‘n redelike stappie, so jy moet meer aan die fiks kant wees wanneer jy hierdie aktiwiteit boek.

Ander aktiwiteite sluit in: Voël-kyk geleenthede, Fynbos staproetes, uitgebreide stap- en bergfiets-roetes ; tennis of boulers . Winter tyd is Walvis seisoen by De Hoop, so maak seker jy boek jou winter akkommodasie vroegtydig om hierdie pragtige diere in hulle natuurlike habitat te aanskou. Daar is ook akkommodasie opsies met winter afslag beskikbaar jaarliks.

De Hoop Natuur Reservaat het die duine en die bosveld alles in een. Dit is nie iets wat jy alledaags sal beleef nie. Daar is meer as 260 voël spesies en ander diere te sien sluit in die eland, bontebok, bobbejane, Kaapse bergsebra, grys reebok, duiker, steenbok, en ook volstruise.

De Hoop Collection het oopgemaak in De Hoop Natuur Reservaat in die Wes-Kaap in 2007 onder die kreatiewe en entrepreneurskap hande van Carl Trieloff en William Stephens, bekend vir die suksesvolle Madikwe Game Reserve ontwikkelings.

In ‘n skouspelagtige omgewing, met bewarings aspekte wat deur CapeNature bestuur word kan jy ‘n omgewing van baie natuurskoon verwag.

Boek jou wegbreek nou by De Hoop Collection. Besoek hulle webtuiste hier: http://www.dehoopcollection.com