Die mooi paartjie Andrew en Nicole se liefdes storie is die met geloof as ‘n fondament. Albei se liefde vir reis het Andrew die kans gegee om romanties vir Nicole te vra om te trou. Die fotos van die verlowing fotosessie is sag en klassiek en die paartjie kan dit aan hul kleinkinders eendag wys en terug dink aan die oomblikke wat vasgevang is in kiekies.
Hoe het julle ontmoet?
Ek en my verloofde was in dieselfde skool, Garsfontein Hoërskool, maar ‘n jaar uit mekaar uit. Ons het mekaar glad nie geken nie. Ek was een aand saam ‘n vriendin na ‘n selgroep genooi en Andy was die leier van die selgroep. Toe ek hom sien was my knieë lam. Hy het my op ‘n afspraak gevra en dinge het net beter geword van daar af. Ek was maar 16 toe ons ontmoet, regte Hoërskool liefdes.
Hoe het julle verloof geraak?
Ek en Andy was oppad na ‘n troue toe in Kokstad. Ons het besluit om die hele naweek sommer af te “road trip” aangesien ons mal is om te reis. Ekt nie verwag hy gaan my vra nie aangesien ons op pad was na ‘n troue toe. Ons het in Clarens gestop. Dit was reënerig en baie snoesig in die klein dorpie. Die aand het hy my na ‘n warm kroeg gevat en hy kon nie meer wag nie, hy het my sommer daar en dan gevra. Dit was die beste dag van my lewe.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Clareece Smit
