Gerhard en Annemi is ‘n mooi paartjie was besluit het om hul verlowing fotosessie in ‘n woud te hou terwyl hul piekniek. Talentvolle fotograaf, Charl van der Merwe, het die oomblikke op sy kamera vasgevang. In die foto’s beleef ons die romanse van die dag.
Vertel ons van jul ontmoeting en die eienskappe wat julle na mekaar aangetrek het?
Ons het mekaar aanvanklik geken van sien via gemeenskaplike vriende maar is nooit amptelik voorgestel nie. Tot een aand wat ons altwee by een vriend se kuier was. Geen kontak is gedurende die aand gemaak. Gert was braaf genoeg om die eerste stap te vat en homself te kom voorstel. So het ons begin saam kuier en ons was baie goeie vriende. Hy het een aand op my hand sy handtekening gemaak en gesê ” Ek merk jou vir die res van my lewe!” Omdat hy altyd vol grappies is, het ek gedink hy maak weer net ‘n grappie. Ons altwee was daarna in ‘n ander verhouding, maar dit het nie uitgewerk vir een van ons nie. Gerhard het toe sy humor gelos en my een aand kom uitvra.
Vertel ons meer van jul verlowing
Gerhard het my gesê in Julie 2015 dat hy wil Desember verloof raak. Hy het tot op die nippertjie gewag om die toestemming te kry by my pa. My pa het ja gesê en die volgende dag het hy dadelik werk gemaak om die ring te gaan koop. Hy het my die middag kom haal om saam sy vriend na ‘n eetplek op die berg te gaan eet, daar gekom het ons bo gaan sit waar ons alleen was met ‘n bottel wyn. Daar het hy op sy knie gegaan en my gevra om sy vrou te word.
Vertel ons die inspirasie agter die verlowing fotosessie
My pa is in die bosbou bedryf en het plase met plantasies op, hy ken al die mooi plekkies en hy en my boetie het ons gaan wys waar ons kan fotos neem, omdat hulle die area ken, die plantasies is ook maar eie aan ons omgewing waarvoor ek en Gerhard baie lief voor is.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Charl van der Merwe Photography
