Enrico en Carike is ‘n pragtige paartjie en ons by Mooi Troues is opgewonde om vandag hul selfdoen strand troue met ons lesers te deel. Enrico was heel emosioneel toe hy Carike sien aangestap kom na hom waar hy voor die kansel gestaan het. Die paartjie het se trou fotosessie was ook ‘n goeie kontras met trein spore en sand-duine waar die water die mooiste refleksie gemaak het met die sonsondergang. Hul gaste was bederf met Seekos pot op ‘n oop vreugdevuur wat hul geniet het in die venue wat mooi opgemaak is deur die paartjie en familie. Geniet hierdie paartjie se troue.
Hoe het julle die eerste keer ontmoet
Ons het saam gewerk en Enrico het my eendag gevra of ek wil gaan koffie drink. Ons het net gekliek, voor ons ons oë kon uitvee was ons verlief en verlore en soos hul sê, “Die res is geskiedenis”!
Hoe het jul verloof geraak?
Ons het n lang naweek weg gereël Clarens toe. Enrico het my op een van die berge in Golden Gate, 2 jaar voor dit uitgevra en ons wou op die datum dit weer herleef. Ek het hom natuurlik n paar keer gevra of hy enige planne het vir n verlowing maar hy het vol gehou nie die naweek nie. Teen Sondag het ek gedink daar is geen kans nie en toe daarvan vergeet. Ons het die Sondag oggend Golden Gate toe gegaan en wou piekniek nadat ons gaan stap het, maar die wind was so sterk ons het op die berg gestop en agter in die bakkie gesit en piekniek. Na n rukkie het ek geloop om fotos te neem en toe ek terug kom toe staan Enrico buite die bakkie reg met n groot drukkie (en hy het my opgetel en reg gedraai na die kamera wat in die bakkie besig was om n video te neem). Toe hy my neersit het ek gedraai om my hare uit my gesig te bind en toe ek terug draai toe sit hy op een knie. Ek het gehuil en was so stom geslaan hy moes weer vra wat my antwoord is. Dit was die perfekte plek en perfekte oomblik!
Hoe lank was jul saam voor julle getrou het?
Ons was 2 jaar saam toe ons verloof geraak het en 11 maande verloof.
Advies wat julle aan ander paartjies kan gee?
Daar is so iets soos ware liefde en Sielsgenote. Partykeer moet mens eers jou kop stamp voor jy weet wat jy wil hê maar vertrou op God en weet dat sy tyd reg is. Mens moet mekaar elke dag laat spesiaal voel en doen moeite met mekaar. Wees Sielsgenote teenoor mekaar. Praat mooi en as jy moet raas probeer dit op n regverdige manier doen. Luister na jou maat en sy/haar behoeftes. Probeer om hulle liefdes-taal te verstaan. Staan bymekaar al raak dinge moeilik. Opgee is maklik, dis die moeilike tye saam wat n huwelik maak werk.
Ons het vreeslik baie van die goedjies vir die troue self gemaak en gedoen. My swaer het die tafels gedoen, blomme rangskikkings en die trou koek gepak. Ons lampies is uit koffie bottels gemaak en die bootjies het ons ook self gemaak. Ons is seker soos almal anders baie trots met hoe mooi ons troue was en dankbaar vir ons familie wat gehelp het.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue & Kos: De Vette Mossel Groot Brak
- Blomme: Proteas- Bofberg Flowers, Ruiker-Lilly & Lime (George)
- Rok: Vintage rok-Fairytale Dresses
- Dekor: Fancy Functions (Mosselbaai) Lampies, Boodjies en ander goedjies self gemaak
- Fotograaf: Dawid Botha Photography
- Grimering- Self gedoen
- Hare- Trone Brand (Skoon Sus)
- Troukoek: Donuts van Loerie Bakkery (George) Self rangskik
- Skryfbehoeftes: Self gedoen
- Gastehuis: Two Sunsets Guest House – Outeniquastrand
