Mia en Iaan het vir die heel eerste keer in 1994 ontmoet by hulle kleuterskool in Graaff Reinet, min te wete dat na 20 jaar hulle man en vrou gaan wees. By Mooi Troues is ons gek oor ‘n plaas troue en dit is presies wat Mia en Iaan se troue weerspieël, ‘n plaas troue met moderne dekor elemente. Die onthaal lokasie is perfek vir die regte platteland paartjie omring deur die mooie natuur, bossies en grondpad. Ons weet sommer jy sal hierdie troue baie geniet.
Hoe het julle verloof geraak?
Op 26 Januarie 2014 het die griep Iaan plat getrek, maar dit het hom nie gekeer om Baukerskop, ‘n koppie in Queenstown,te gaan uit klim nie, konsuis sodat ek mooi fotos kan gaan neem in die natuur. Ek het eers gehuiwer om te gaan omdat hy so siek was, maar ek het dit baie romanties gevind dat hy ‘n geleentheid geskep het om dit waarvan ek hou, saam met hom te kan geniet.
Met die pragtige sonsondergang as agtergrond het hy sy liefde vir my verklaar, op sy knieë gegaan en my gevra om met hom te trou!
Hoe lank was julle saam voor julle besluit het om te trou?
9 uit die 20 jaar wat ons mekaar ken was ons ‘n paartjie. Op Laerskool wou ek nie ja se as hy my die “kys” gevra het nie…eers ‘n paar jaar later, Graad 11, het ons begin uitgaan. Ons het ook vir ‘n ruk ‘n lang afstand verhouding gehad, gedurende universiteit dae en in die begin stadiums van die lewe as werkende persoon, totdat ek werk gekry het in dieselfde dorp as hy. Daarna was alles perfek, dinge het in plek geval en ons het na 11 maande verloof geraak en 9 maande later getrou!!
Julle advies vir ander paartjies:
Probeer ten alle tye in liefde optree, en wys jou liefde oral. Daar is niks lekkerder om lief gehê en gewaardeer te voel nie, dit bring vreugde, respek en vrede. Ook baie belangrik, “A family that pray together, stay together.”
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Bloemfontein Venue
- Hare: Zurita
- Grimering: Lucille
- Spyseniering: Celest Spyseniering
- Koek: Megan
- Videograaf: Raising Flags
- Platejoggie: Fanie Sound
- Bruid Rok: Odette Designs
- Bruidsmeisies: Odette Designs
- Bruidegom pak: Heinz In Style
