Ons weet ons lesers is mal oor doen-dit-self troues en vandag se troue is baie mooi en vol inspirasie.
Die troue was gehou by Langkloof Roses wat met vele fotografie plekke spog – Berge in die agtergrond, ʼn woud langs ʼn dam en wingerde.
Hoe het julle die eerste keer ontmoet?
In September 2013 het ʼn groep van Fairmont Hoërskool vertrek om liefdadigheidswerk in Zimbabwe te gaan doen.
Liaan en Elsabe (ma van die bruid) het alreeds 5 jaar saam gewerk op daardie stadium. Saidi se ma het haar oorreed om die optog saam na die Noorde aan te pak. Die marathon busrit van 20 uur en die harde werk in die versengende hitte, het nie juis veel gedoen om die twee aan mekaar bekend te stel nie.
Terug in Suid-Afrika moes dinge vinnig gebeur het, want op 14 Desember 2013 vra Liaan vir Saidi om sy meisie te wees.
Hoe het julle verloof geraak?
Liaan het met fyn beplanning gereël dat Saidi saam met haar vriendin die berge sou invaar op ʼn perd se rug op Rhebokskloof Landgoed in die Paarl. Terwyl Liaan oënskynlik haar pa help “om ʼn paar goedjies kantoor toe te trek”. Saidi se vriendin “daag toe nie op vir die ekspedisie nie”. Die gids saal in elk geval ʼn perd vir Saidi op en hulle galop die berge in, min-wetend dat Liaan by die uitkykpunt bo-op die berg vir haar sit en wag. By die uitkykpunt het Liaan bordjies opgesit wat eindig met “wat dink jy van hierdie idee…Ek en jy vir altyd?”
Hoe lank was julle saam voor jul getrou het?
Ons was 1 jaar en 26 dae saam voordat ons getrou het.
Advies wat julle aan ander paartjies kan gee?
Op die troudag – Neem “mental” fotos . Staan stil ʼn paar keer. Kyk om jou en langs jou en besef hoe ongelooflik gelukkig jy is. Heel belangrikste, wat baie paartjies vergeet, onthou asseblief om verlief te wees op mekaar op jou troudag.
Daar is ʼn miljoen klein dingetjies wat jy kan doen, maar moenie jouself moeg maak en perspektief verloor nie. Kies 5 gunsteling idees vanaf webtuistes en doen daardie 5 goed ordentlik, eerder as wat jy oor ʼn klomp goed bekommerd is.
Vir verhoudings – Die Here moet altyd eerste kom in jul verhouding. As ʼn paartjie loop ons saam ʼn pad met die Here. Dit is belangriker dat ons individuele verhouding met die Here sterk en gesond moet wees.
LAG BAIE. Vir jouself en vir mekaar!
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograwe: Ilse de Klerk en Kikitography
- Videograaf: Tehillah Films
- Venue: Langkloof Roses
- Beplanning: bruid
- Blomme & dekor: DIY bruid en familie
- Trourok: Bride & Co
- Bruidegom pak: Markham
- Hare en grimering: Marnel Toerien
- Koek: Bruid se Ouma
- Platejoggie: Davin Marais (DJ Dav)
- Spyseniering: Langkloof Rose Plaas se Anri Diener
