Ryan en Sonnika het ʼn baie mooi troudag gehad wat ons bly s dat ons dit vandag met julle kan deel. Lees onder die paartjie se liefdesverhaal wat gelei het tot dié mooie dag.
Hoe het julle die eerste keer ontmoet?
My boetie het ons voorgestel aan mekaar. Ons het altwee pas uit verhoudings gekom wat sleg geëindig het, maar op die eerste aand wat ons ontmoet het was dit alles vergete! Ons kon nie afskeid neem van mekaar nie. Almal het huis toe gegaan, en ons het nog gekuier.
Toe ons eindelik huis toe wou gaan is die selfoon se battery pap en ons kan nie ons geleentheid bel nie! Ons het huis toe geloop daai aand – ek onthou my skoene het my seergemaak en daar was ʼn stadium wat Ryan my gedra het!
ʼn Interessante eerste aand!
Hoe het julle verloof geraak?
Ons was vir ʼn paar dae by Stormsrivier. Ons het die Otter wandelpad geloop, en onder die waterval verloof geraak. Dit was baie romanties, daar was niemand toe Ryan my gevra het nie, en net daarna het ander mense opgedaag net betyds om ʼn paar fotos van ons te neem in die oomblik.
Hoe lank was julle saam voor jul getrou het?
Ons is so 4 jaar saam toe ons verloof geraak het, en daarna net oor twee jaar verloof!
Dit was ʼn lang verhouding aangesien ons albei nog studeer het toe ons ontmoet het, en toe moes spaar vir die troue.
Advies wat julle aan ander paartjies kan gee?
Ons advies sal wees om nie te ‘settle’ nie.
Met ons trou beplanning het ons baie keer die antwoord gekry “mens kry dit nie in P.E. nie”. Ons wou byvoorbeeld elektriese kandelare vir ons onthaal gehad het, en dit het baie tyd en afsprake met verskaffers geneem om reg te kry. Ons is so bly dat ons aanhou soek het, en op die ou einde die troue van ons drome gehad het. Ook, die klein goedjies maak saak, en mense sal agter kom as jy moeite en tyd daaraan spandeer het.
Dit gebeur net een keer, maak dit spesiaal!
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Beplanning, blomme en dekor: Hayley Howarth, Wedding Belles
- Rok: Stella York, Olivelli
- Bruidegom se pak: Morne Originals
- Koek: Ginger Pops
- Venue: The Plantation – Exclusive Wedding & Function Venue, Port Elizabeth
- Fotograaf: Wesley Vorster
- Uitnodigings en Skryfbehoeftes: Papermaster
- Grimering: Iris Gomez
- Juweliersware: Jenni Gault International Jewellery Design
