Ruan & Monita se Romantiese Sonsak Fotosessie op Bloubergstrand

Ruan en Monita se romantiese sonsak fotosessie op Bloubergstrand tydens sonsak bied tonne inspirasie vir paartjies wat op soek is na idees vir hul eie fotosessie.

Just Frame Me Photography het die paartjie se spesiale oomblikke pragtig vasgevang. Elke foto straal romantiek uit, veral met die goue sonlig van die sonsak wat ŉ intieme en betowerende atmosfeer skep. Dit is perfek vir so ŉ pragtige paartjie se fotosessie.

Daar is geen rede hoekom paartjies nie ŉ fotosessie behoort te hê nie. Dit is ŉ wonderlike manier om julle reis as paartjie vas te vang en elke oomblik te koester. Foto’s is ŉ fantastiese manier om terug te kyk na die spesiale oomblikke en dit oor en oor te herleef.

Dit is duidelik dat Monita en Ruan hul fotosessie terdeë geniet het. Hulle het gemaklik voor die kamera voorgekom, wat ŉ groot verskil maak vir natuurlike en egte foto’s. As julle ŉ fotosessie beplan, kies ŉ plek waar julle albei gemaklik voel en wat vir julle spesiaal is. Dit sal julle help om natuurlik en ontspanne voor die kamera oor te kom. Ruan en Monita het albei swart hemde gedra, wat die foto’s net nóg meer treffend gemaak het.

Die tyd vlieg vinnig verby, en dit is maklik om te vergeet om tyd te maak vir spesiale herinneringe soos foto’s. Ons kan paartjies nie genoeg aanmoedig om saam foto’s te neem nie. So, waarvoor wag julle? Kry vir julle ŉ talentvolle fotograaf soos Just Frame Me Photography, bespreek julle fotosessie, kies ŉ plek waarvan julle hou, trek stylvol aan en geniet elke oomblik van die ervaring.

Rol af om meer van Ruan en Monita se pragtige fotosessie op Bloubergstrand te sien en om meer te lees oor hul reis as paartjie.

Meer oor Just Frame Me Photography:

Just Frame Me Photography is ŉ Kaapstad-gebaseerde internasionale dokumentêre trou- en lewenstyl fotografie maatskappy, wat spesialiseer in kraam, tuis geboortes, en ‘fresh 48 session’, sowel as gesins-, paartjies- en verlowing fotosessies, verassing verlowings, troues en mode-redaksies.

Karien, die maatskappy se stigter, besturende direkteur en hooffotograaf, kom uit ŉ lang reeks ‘kreatiewes’ – haar ouma was ŉ trourok ontwerper en haar ma ŉ wêreldbekende kunstenaar. Terwyl sy haar loopbaan in die regte begin het, met ŉ BSc-graad in Strafreg en ŉ BA-graad cum laude in Gemeenskapsveiligheid en Sosio-Regsstudies, met ŉ spesialisering in Oortreder-profilering, lê Karien se passie in Fotografie. Met ŉ Diploma in Fotografie het Just Frame Me Photography in 2015 gestig, en leef sedertdien haar droom uit.

Just Frame Me Photography het talle plaaslike en internasionale toekennings gewen, is in verskeie nasionale en internasionale tydskrifte gepubliseer, en was al in verskeie galerye regoor die wêreld uitgestal.

Die eerste ontmoeting:

Ons is nou al twee jaar in ŉ verhouding. Ruan het my altyd by die gym gesien en van my gehou. Toe kom die COVID-inperking, en ek plaas ŉ pos op Facebook – ek dink ek het gevra oor die gym se tye, en wanneer mens kan gaan gym tydens die inperking. Hy het dit gesien, my herken, en op my berig geantwoord. Daarna het hy vir my ŉ boodskap gestuur, en so het ons begin gesels.

Ons het mekaar eintlik vir die eerste keer in Pick ŉ Pay ontmoet, snaaks genoeg. Ons het gaan inkopies doen daar omdat ons, weens die inperking, nie by mekaar se huise wou kuier nie. Dit was vreeslik ongemaklik, maar van daardie dag af het ons gereeld op afsprake gegaan en mekaar beter leer ken. Vandag is ons amptelik twee jaar saam, vanaf die dag wat hy my amptelik gevra het.

Gunsteling eienskappe van mekaar:

Ons gunsteling eienskappe van mekaar – hy sê altyd hy hou daarvan dat ek altyd positief is, dryfkrag het, en altyd vriendelik en gelukkig is. Die eienskappe wat ek van hom waardeer, is dat hy ongelooflik lojaal is, en ŉ regverdige mens. Hy het baie respek vir vroue, en hy het respek vir almal om hom. Hy is net een van die mees opregte mans wat ek nog ooit ontmoet het.

Drome as paartjie:

Ons drome as ’n paartjie is om saam ’n power couple te wees, suksesvol te wees en mekaar op te bou en te ondersteun. Ons drome vorentoe is regtig net om gelukkig saam te wees. Dit is eintlik ŉ moeilike een, maar ons is baie minimalistiese mense – die kleinste dinge maak ons gelukkig. Ons gedeelde drome is dus net om saam suksesvol te wees en in ons eie huis in te trek – ons sien baie uit daarna.

Dinge wat die paartjie hou van om saam te doen:

Ons hou daarvan om motorfiets te ry – dit is ons “go-to” ding, veral op Sondae. Ons ry rond en hou piekniek, en verken sommer die hele Kaap. Dit is ons gunsteling aktiwiteit. Ons geniet dit ook om saam te gaan gym – ons gym elke oggend saam.

Rede vir die fotosessie:

Ons het besluit om dit te doen omdat nie een van ons nog ooit ’n fotosessie gedoen het nie, so dit was ons heel eerste fotosessie ooit. Ja, dit was ’n ongelooflike ervaring saam met Karien. Dit het ons regtig nader aan mekaar gebring.

Inspirasie agter die fotosessie:

Ek het baie van die plek en die styl van die foto’s gehou, want ons is mal oor die see! Die see en die berge – ons waardeer sulke dinge so baie. Sonsondergange is vir ons regtig belangrik – om saam na sonsondergange te kyk – so die ligging waar die foto’s geneem is, was ongelooflik, en die styl daarvan was presies ons tipe styl – daardie vintage voorkoms.