Reinhardt en Christine se troue is baie besonders juis oor die plek waar hul die viering van hul troue gehou het, die plek lyk soos ‘n Middeleeuse Kasteel.
Die plek waar die paartjie verloof geraak het was ook baie besonders.
Hul gee ook baie goeie advies aan paartjies wat nog moet trou.
Gaan kyk na die mooi foto’s en lees oor Reinhardt en Christine se liefdesverhaal.
Hoe het julle die eerste keer ontmoet?
Ons het eenkeer vlugtig op Hoërskool by ‘n dam naby Ladybrand ontmoet waar Reinhardt vriende was met Christine se nefie. Ons het nooit weer kontak gehad nie, alhoewel ons ouers mekaar geken het en ons altyd by die dieselfde plek vakansie gehou het. Lank na skool en universiteit het ons mekaar weer raakgeloop en dit was “love at first sight”. Christine, wat op daardie stadium in Johannesburg woonagtig was het geweet Reinhardt is haar man en het haar lewe in Johannesburg opgegee en binne 3 maande Tweespruit toe getrek om nader aan Reinhardt te wees!
Hoe het julle verloof geraak?
In ‘n bitter koue mistige winter in 2014 het Reinhardt net gewag vir ‘n dag wat hy vir Christine teen Tafelberg kon opvat. Die dag was so spesiaal vir ons gekies, die mis het oopgetrek en ons kon Tafelberg se uitsig geniet. Net nadat Reinhardt die Ja – woord gekry het het Tafelberg weer toegetrek en kon ons met ‘n warm koppie koffie die realiteit van ‘n verloofde paartjie geniet! Wat dit nog meer spesiaal gemaak het is dat Christine se ouers 35 jaar gelede op dieselfde plek verloof geraak het!
Hoe lank was julle saam voordat julle getrou het?
Ons was amper 3 jaar saam voordat ons getrou het.
Advies wat julle aan ander paartjies kan gee?
In terme van ‘n verhouding en huwelik, dit bestaan uit drie bene, julle 2 asook die Here. Geen huwelik sal suksesvol wees sonder die Here se teenwoordigheid nie. En dan moet daar elke dag aan die verhouding gewerk word, mens kan slegs uit ‘n verhouding haal wat julle daar insit.
In terme van troues, dis goed om na voorstelle te luister maar op die ou einde van die dag, gaan ‘n troudag oor die bruid en bruidegom, dit moet julle persoonlikhede weerspieël, mense wat regtig vir julle omgee sal dit verstaan.
Moenie bang wees om vir verskaffers presies te sê wat julle van julle troudag verwag nie, ‘n mens trou net eenkeer.
Probeer alles so vroeg moontlik beplan sodat daar nie te veel geskarrel moet word ‘n week voor die troue nie.
Maak ‘n punt daarvan om gedurende die dag, vir ‘n oomblik te “pause” en net alles in te neem, die tyd vlieg verby.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Kobus Tollig
- Venue: By Grace Alone
- Rok: Casper Designer Wear
- Videograaf: Henlo Cronje
