Gavin & Gishla se Intieme Buite Troue

Gavin en Gishla se intieme buite troue was ŉ pragtige informele troudag wat hul geniet het met ŉ intieme groep familie en vriende. Skakerings van emerald groen, wit en tikseltjies goud kan regdeur die paartjie se troue gesien word.

Gishla se trourok gee ŉ dromerige gevoel en is versier met die mooiste kant en fyn detail orals op die trourok. Die trourok gee ŉ meermin styl gevoel na onder en die rug gedeelte van die trourok is so mooi. Gavin se trou uitrusting het ook ŉ meer informele gevoel gehad, maar nogsteeds baie stylvol met die strikdas. Die kombinasie van sand kleurige chino broek en die donker groen formele baadjie is ŉ wenner.

Gishla en Gavin het by ŉ pragtige trou venue getrou in Kempton Park in Gauteng, maar die tuine by die trou venue het mens laat voel of hul iewers in die Kaapse wynlande getrou het.

Hulle onthaal was buite onder ŉ afdak wat bedek is met rankplante en ligte wat skitter tussen deur die hout balke en rankplante. Dit gee ŉ baie romantiese atmosfeer aan die trou tafel. Daar was ook net een lang tafel bedek met ŉ groen tafelloper in die middel. Wit blom ontwerpe en kerse skep ŉ romantiese voorkoms. Die rottang plekmatjies met die groen servet en goue tikseltjies van die onder bord werk baie goed saam en gee die tafel ŉ warm en romantiese atmosfeer.

As julle besig is om ŉ troue te beplan, besoek gerus Mooi Troues se oulike aanlyn trougids. Hier sal julle fantastiese trou diensverskaffers vind vir julle troudag, maak nie saak waar julle in Suid-Afrika trou nie.

Rol af om meer te sien van Gavin en Gishla se intieme buite troue en om te lees oor hulle liefdesreis as paartjie.

Paartjie se Liefdesreis:

Ek en Gavin het ŉ paar jaar terug ontmoet by die werk. Ons het aan die begin nie baie met mekaar gepraat nie. Hy het my begin gesels uit die bloute oor die pynappel bier. Ons het ŉ vriendskap aangeknoop in September 2020.

Hy het my amptelik gevra Maart 2021 om sy meisie te wees. Ons het verloof geraak April 2022 by Avianto tydens ŉ sprokies piekniek wat hy gereël het.

Trourok:

Trourok is gekoop by Bride & Co. – Ontwerper: Viola Chan Bridal – AVA

Vroulik en romanties, hierdie dromerige trourok is versier met sequin blomme kant. Hierdie trourok is met gaas gevoer wat ŉ ondersteunende, figuur vleiende pasvorm verseker en is afgewerk met ŉ kant af gewerkte trein.

Verloof- en Trouringe:

My verloofring is ŉ Roosgoud marquise gesnyde diamant van Nevin Sher – “The Diamond Guy”. Die enigste keuse wat ek gehad het was die diamant snit en kleur van die metaal. Verder het Gavin die ring ontwerp en ek is elke dag nog verlief of my ring. My trou pant is ŉ roosgoud vintage styl pant van Daniella’s Fine Jewellery Manufacturers.

Gavin se ring is ŉ swart tungsten ook van Daniella’s Fine Jewellery Manufacturers.

Gunsteling herinneringe van die paartjie se troudag:

Die oomblik toe ek by die trougang afloop en hom sien, my asem was weg geslaan.
Ons eerste dans onder die sterre as man en vrou.
Al ons familie en vriende wat die dag saam met ons spandeer het.

Trou Diensverskaffers wat uitgestaan het vir die paartjie:

Ons was absoluut gelukkig dat ons trou venue die meeste aan ons verskaf het. Sera en Precilla van ons venue was absoluut ongelooflik! Ons moet net die troukoek en blomme bring. Verder is alles verskaf deur die venue.

Die blomme was verskaf deur ŉ familie lid en ons kon nie vir ŉ beter uitkoms nie, dit was net soos wat ek dit wou hê, blomme was oorheersend op die tafel.

Ons platejoggie was ŉ aanbeveling deur die venue en definitief een van ons beste keuses.

Raad aan paartjies wat nou besig is met hul trou reëlings:

My raad is, soek ŉ venue wat jou meer bied. Met ons venue wat die meeste van die eetgerei, tafels, stoele ens. voorsien, was die meeste van ons stres nie daar nie. Hulle het ons gehelp met ons uitleg die oggend van ons troue.

Trou Venue:

Ons wou ŉ klein en intieme troue gehad het onder liggies. Toe ons die venue gaan besoek het, was ons dadelik verlief. Dit het gevoel asof ons in die Kaap trou – Kaaps-Hollandse styl venue geleë in Glen Marais Kempton Park.

Trou Dekor en Styl:

Ons styl was simplisties – Wit, emerald groen en bietjie goud. Ons wou ŉ informele uitleg hê, een lang tafel waar almal saam kan kuier.

Die dekor was lang wit blomme ruikers op die tafels, met wit kerse, bruin plekmatjies, groen servette, glase en goue sjampanje glase onder ŉ afdak met fairylights.