Gerhard & Leonè se Naweek Bruilofsfees

Gerhard en Leonè se naweek bruilofsfees in Gansbaai is die perfekte balaans tussen rustiek en klassiek. Opsoek na inspirasie vir julle naweek troue? Dan moet julle nie dié paartjie se bruilofsfees mis nie. Die paartjie het by die populêre De Uijlenes getrou, ŉ trou bestemming wat bekend is vir hulle naweek troues.

Die talentvolle trou fotograaf, Ruth and Co Photography het die paartjies se troudag vasgevang in die mooiste foto’s. Met die mooiste natuurskoon as die agtergrond en ŉ bokkie wat graag wou deel wees van die paartjies se herinneringe is dit foto’s wat jy baie sal geniet.

Die paartjies se trou naweek het sommer afgeskop met ŉ lekker Vrydag aand braai by die venue. Hulle kon kwaliteit tyd spandeer saam met hul trou gaste, beide plaaslik en internasionaal wat van elke hoek van die wêreld gereis het om hy troue by te woon.

By De Uijlenes se Nightjar-venue het ŉ dinamiese naweek troue ontvou. Die aandagtige personeel van De Uijlenes het Saterdag die trou reëlings noukeurig hanteer en ŉ ontspanne, vreugdevolle viering vir Gerhard en Leonè verseker.

Hulle trou dekor was eenvoudig om die venue se rustieke gevoel en die natuurskoon omgewing te komplimenteer. Vir hul blom ontwerpe het hulle ŉ kombinasie van Proteas en ander blom soorte gebruik. Liggies wat die oop hout balke van die venue versier het en ŉ kaggel vuur het die perfekte romantiese en warm atmosfeer geskep.

Leonè het pragtig gelyk in haar trourok met die bors vol pêrel detail. Die trourok was noupassend onder en vir die seremonie het Leonè ŉ oorrok gedra met meer materiaal wat volume gebied het. Ons is mal oor oor die idee dat al die Strooimeisie-rokke dieselfde skakering groen was, maar elke een sy eie unieke styl en snit.

Rol af en geniet Gerhard en Leonè se naweek bruilofsfees.

Paartjie se Liefdesreis:

Ons storie het in 2014 begin waar ŉ gimnastiek afrigter en Maties gimnas ontmoet het. Dié verhaal het verander van afrigter en gimnas, na kollegas en toe het ons lewens begin saam knoop. Gerhard en Leonè het baie tyd saam spandeer as goeie vriende en in 2017 het hulle vir die eerste keer verlief geraak. Dit was ŉ lang en stadige paadjie, want in 2020 het Gerhard gekies om vir Leonè vir die laaste keer sy meisie te maak nadat sy die wêreld gaan toer het. Op 10 Februarie 2023 het Gerhard saam met Leonè Helderberg gaan uitklim en op een knieg af gegaan en haar die mooiste vraag gevra … Leonè was heeltemal sprakeloos, en Gerhard was asemloos!

Verloof- en Trouringe:

Gerhard se goeie vriend, Daniël, is ŉ juwelier en het die ring saam met Gerhard ontwerp en gemaak. Leonè se gunsteling blom is ŉ protea, so die ring is in die vorm van ŉ protea, met ŉ elegante kurwe wat ŉ vorm van ŉ ‘S’ maak vir Swiegers. Dié verloof ring is toe voltooi met twee ekstra diamantjies en nog ŉ sagte kurwe vir die troudag. Gerhard se ring is Titanium, so sterk en solied soos Gerhard, dit is ŉ donker grys en silwer patroon.

Paartjie se Uitrustings:

Leonè het heelwat rokke gaan aanpas. Elouise Roode het ŉ baie soortegelyke idee gehad wat Leonè mal was oor. Die rok was onvoltooid in haar boutique, maar ons het aan hom gewerk en het hom verander om perfek te wees vir die groot dag. Leonè het styf gegaan oor die heupies met ŉ baie plain materiaal, sy het ŉ lae rug agter, en daar was so klein bietjie sjarmante aantrekking na die buste, die glas pêrels het haar soos ŉ feetjie laat lyk. Daarby het sy ŉ oorrok aangehad wat sy gedra het by die kerk seremonie, wat toe later af gedans is saam met haar bruidsmeisies in ŉ baie prettige dans. Oorbelle het sy geskenk gekry en albei se skoene was self gekies.

Gerhard het two-toned gegaan met sy manne en sy pak was gekoop uit ŉ winkel.

Meer oor Ruth & Co.

Die Ruth & Co.-fotografie span, gebaseer in Brackenfell, strewe daarna om spesiale oomblikke te verewig. Hulle glo liefde en kuns kan nie nagemaak word nie. Ruth & Co sal daar wees om die oomblik vir altyd vas te lê in pragtige fotos vir julle om te deel met jul nageslagte.

Trou Dekor en Styl:

Die kleur skemas was ŉ perske pienk, sage en champagne. Die Protea, ons gunsteling blom, was gebruik vir meeste van die dekor, asook pragtige Babies Breath, pienk/perske rosies en vreeslik baie eukaliptus. Ons het minimalisties gegaan om elke stukkie detail te kon raak sien en geniet. Ons het die tafels bietjie volume gegee met ŉ ekstra platform en mooi champagne kleurige bottels met blomme in. Feetjie liggies het die saal opgelig en daar was groenigheid uit die dak gehang. Ons het natuurlik ook ŉ vuurtjie in die kaggel aangesteek vir ŉ warm atmosfeer en om die liefde te deel.

Meer oor De Uijlenes:

De Uijlenes, ŉ plaas trou-venue in Gansbaai, Wes-Kaap, bied unieke, driedaagse feestelike troues in ŉ verfynde rustieke omgewing. Die opgeknapte plaasgeboue straal oorspronklike sjarme en luuksheid uit, en gee die voorkeur aan gaste gerief met skilderagtige uitsigte oor berge, fynbos, strome en voëllewe. De Uijlenes, wat vir eeue as ŉ werkende plaas bedryf is, is sedert 1717 in dieselfde familie, wat ŉ verwelkomende ruimte vir byeenkomste en vieringe bevorder.

Hierdie inklusiewe venue maak voorsiening vir verskeie trou style — hetsy whimsical, rustiek, feestelik of onkonvensioneel—wat paartjies in staat stel om hul ervaring te verpersoonlik. Spesialiseer in driedaagse troues, De Uijlenes verskaf verblyf en personeel om te verseker dat daar aan gaste se behoeftes voldoen word, insluitend selfsorg-opsies. Hulle bied aanpasbare pakkette en spyseniering om aan verskillende voorkeure te voldoen, met die doel om onvergeetlike en genotvolle troues te maak wat in lyn is met paartjies se toekomsverwagtinge.

Met twee afsonderlike venues te midde van pragtige platteland, orkestreer De Uijlenes stresvrye geleenthede, met die klem op kwaliteit tyd vir paartjies en hul geliefdes. Hulle fokus bly daarop om blywende herinneringe te skep en oomblikke van vreugde tydens die viering te fasiliteer, wat ŉ onvergeetlike ervaring by hierdie geskiedkundige en skilderagtige ligging beloof.

Trou Diensverskaffers wat uitgestaan het vir die paartjie:

Beslis die fotograwe: Ruth and Co Photography
Die Platejoggie: Rhythm Divine
Blomme en Dekor: Husband Wife team
Spitbraai die Vrydagaand: Karoo Spitbraai (Die sjef was fantasties)

Trou Venue:

Ons het van die begin af geweet ons wou ŉ naweek fees hê. Ons is albei mal oor die buitelig en die natuur. Hermanus tot Gansbaai lê baie na aan ons harte. Die venue was perfek, die oomblik wat ons daar ingestap het. Dit was die eerste venue wat ons besoek het en ons het op hom besluit. Die diere, dammetjie, waterval en die algehele uitleg was net asemrowend! Ons het in die Nightjar getrou.

Gunsteling herinneringe van die paartjie se troudag:

Elke liewe oomblik, veral toe die ringe aan mekaar se vingers geplaas was en daardie eerste soen. Baie na-aan hierdie herinneringe is toe ons instap by al ons gaste wat vir ons hande klap en baljaar omdat ons nou werklik die Swiegers is. Ons eerste dans was só perfek en aangenaam dat ons nie wou stop nie! Ons gaste sê tot vandag toe dit was die beste troue waarby hulle was. Die musiek, die verspotte foto hoekie episode, die kos, die tema en al die klein verrassings. Daar was ŉ bokkie op die plaas wat ons oral gevolg het en ons sprokiesverhaal voltooi het. Ons het gaste gehad van Dubai, New Zeeland, Engeland, Duitsland, Namibië, Maldives en Australië.

Eerste Dans:

Timbaktu – Riana Nel

Raad aan paartjies wat nou besig is met hul trou reëlings:

Geniet die hele proses, dit is DIE beste tyd om te doen wat net jy wil! Jy het een kans, moet nie stres en oorwerk voel nie. Gebruik mense en familie om jou, hulle wil help. Spandeer minder geld op die klere en meer op wat jy wil doen. De Uijlenes is die beste waarde vir geld in elke opsig!