Estian & Mariske se selfdoen vintage troue

Estian beweer hy het met ʼn plan gewerk om Mariske te ontmoet, maar lees self meer oor die paartjie se ontmoeting wat gely het tot hul troudag.

Hoe het julle die eerste keer ontmoet?

Ek en Estian het in 2011 op my eerstejaars kamp van universiteit ontmoet. Hy was ʼn leier en het in die band gespeel. Die laaste aand van die kamp, was hy besig om klank op te pak en ek het alleen gesit en wag vir ʼn vriendin,toe het hy met my kom gesels.( hy sê ek het dit so beplan, maar dis verseker nie waar nie!) Daarna bevriend ek hom op Facebook… En die res is geskiedenis!

Hoe het julle verloof geraak?

Op ons 3 jaar herdenking het het ek klas gebank en hy het by die werk verlof gevat. Ek het hom die oggend verras met ʼn gedig genaamd “Jy is trou materiaal” , min wetend wat nog aan die einde van die dag vir my wag. Buite het ek die tuin omskep in ʼn foto paradys met ʼn lieflike ontbyt. Ons het daarna Houtbaai toe gery vir die dag, lekker geëet en koffie gedrink. Ons gunsteling ding om saam te doen is om in Mugg & Bean koffie te drink en boek te lees, so vir die laaste deel van die dag het hy my na Mugg & Bean in die Paarl geneem. Ons het koffie bestel, toe my koppie daar kom, lig ek dit op en toe is my plek matjie verander na die Bybelvers Genesis 2:24. En hier gaan hy toe op sy knieë…. En ek het natuurlik ja gesê!

Hoe lank was julle saam voor jul getrou het?

3 jaar en 9 maande

Advies wat julle aan ander paartjies kan gee?

Probeer om goed self te maak so ver moontlik! Ons het baie gespaar!

Begin vroeg beplan en vra raad vir mense wat al daar deur is.

Kry ʼn e-pos adres spesiaal vir trou reëlings, werk goed vir gaste en verskaffers.

Mans- Los die dekor vir die vrou! En vrou: Vra die man se mening, hulle stel meer belang as wat jy dink! En bly uit die wittebrood reëlings!

Lag jou trou dag deur! Dis die beste dag ooit!