Robert en Elaine se verlowing was soos ‘n sprokies verhaal. Op 14 September 2013 het hulle met Robert se pa se geel 1947 Piper Cub na ‘n vakansie-oord buite die Kruger Nasionale Wildtuin gevlieg. Aan die einde van die aanloopbaan staan ‘n tafel vol eetgoed spesiaal vir die verliefde paartjie. Op daardie stadium het Elaine toe nog niks vermoed nie. Rob sê toe vir Elaine dat hy nog een laaste verrassing vir haar het en sy moes toe haar rug na hom draai. Toe Elaine omdraai is Robert op sy knie en vra haar om te trou met die volgende woorde: “Ek is moeg om voor te gee dat ek nog nie reg is vir trou. Sal jy my ‘co-pilot’ wees vir die res van my lewe?”
Wat het julle dag so spesiaal gemaak?
Daar is so baie liefde op jou groot dag – tussen bruid en bruidegom, familie, vriende, en bo alles van ons Hemelse Vader wat al daardie liefde moontlik maak. ‘n Mens voel werklik bonatuurlik geseënd op jou troudag.
‘n Baie spesiale oomblik was toe ek in die paadjie afstap en vir Rob sien met trane wat oor sy wange rol. Geen woorde kan die emosie binne mens op daardie oomblik beskryf nie.
Dit is bevredigend om te sien hoe alles waaraan mens die laaste paar maande so baie tyd, geld en energie bestee het uiteindelik bymekaar kom om die prentjie te vorm waaroor jy nog altyd gedroom het. Al die harde werk werp vrugte af!
Raad vir ander paartjies wat hul troue beplan
Alles is baie oorweldigend, so moet nie paniekerig word as jy nie reg van die begin weet presies wat jy wil hê nie. Net om te weet watter ‘look’ jy nie wil hê nie is alreeds ‘n baie goeie begin.
Gaste spandeer baie tyd en geld om julle spesiale dag by te woon – maak seker om al julle gaste te bedank, of dit per kaartjie, e-pos of oproep is.
Min gebeure is so spesiaal soos jou troudag. Wees rustig en koester elke oomblik. Die dag gaan so gou verby so moet nie een sekonde verby wens nie.
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Lilac Photography
- Grimering: Anmar van Anuk
- Rok: Ilse Roux Bridal
- Bykomstighede: LilyBlue
- Platejoggie: LMH Productions
- Dekor: Fina Prinsloo Décor and Flowers
- Koek: Susan Smith
- Venue: Waverley Hills
