Ná net vier jaar sedert sy stigting is Bulb Flowers reeds ’n gevestigde en betroubare naam in die blommebedryf.

“Ja,” sê Zahn Rust, die stigter-eienaar en gesig van die maatskappy, “vir my is daar net twee belangrike begrippe: integriteit en kliënt”.

Van Bulb Flowers sal jy nie ’n stokstywe rangskikking ontvang nie, eerder blomme kuns.  Zahn het ’n meestersgraad in visuele kuns en 15 jaar se ervaring in die bedryf, onder meer by Okasie op Stellenbosch waar sy op blomme verlief geraak het.

“Om as kunstenaar en kreatiewe persoon met blomme te werk, sien ek elke kleur en stam soos ek dit op doek sou skilder. Dit maak my rustig en gelukkig wanneer ek die perfekte blomrangskikking vir daardie spesiale geleentheid skep,” sê Zahn.

Of sy en haar span jou troublomme rangskik of jou ruiker maak, vir jou vriendin of jou ma ’n rangskikking stuur, of een vir ’n begrafnis maak, alles dra Zahn se persoonlike stempel. Dié passievolle en energieke kunstenaar het al van Kaapstad en Stellenbosch tot by Franschhoek en Hopefield troues in kuns omskep.

Zahn loop inderdaad daardie ekstra myl. Sy moes op ’n keer ’n hele troue binne ’n dag reël. “Ná so iets, is niks meer ’n krisis nie,” sê sy laggend.

Bulb Flowers soek hul blomme met die hand uit.  Of jy ’n spesiale roos, tulp of peonie benodig, jou behoefte is al wat tel.  Gehalte is haar wagwoord.  Van die blomme word ingevoer en egpare staan dikwels verstom. Soos ’n bruidegom dit op haar webblad (www.bulbflowers.com) stel: “Zahn het ’n ongelooflike werk met die blomme op ons troue gedoen. Dit het skouspelagtig gelyk en ook die tema gekomplementeer.  Ek sal haar beslis aanbeveel.”

Nog ’n kliënt voeg by: “My vriendin was omtrent in haar skik met haar blomme! Almal op kantoor was in ekstase oor die blomme so groot is.  Hulle was ook mal oor die blombolle. Welgedaan en dankie baie. Ons sal jou beslis in die toekoms aanbeveel.”

’n Gelukkige kliënt is waarna Bulb Flowers streef. “Ek hoop om my hart, my kreatiwiteit en my waarheid met elke persoon wat ek op hierdie reis raakloop, te deel,” sê Zahn.

Geen resensies op die oomblik nie.