Marlin en Carlynn se troue in die wynland is definitief ʼn prentjie-mooi moderne plaastroue wat jy nie moet misloop nie. Hierdie paartjie se troue tik al die boksies as dit kom by ʼn mooi troue. Van Carlynn se pragtige trourok en haar ruiker wat uit orgideë bestaan. Marlin het net so deftig gelyk in sy goed gepaste troupak en strikdas wat perfek by die belt en skoene gepas het.
Die paartjie se trou dekor, wat skakerings van pienk was het so mooi uitgestaan in die venue. Met die deurskynende stoele wat die deursigtige gevoel van die venue deur trek werk perfek met die moderne gevoel. Die rou hout tafels gee dit ʼn rustieke kontras teenoor die moderne elemente en dit werk perfek saam!
Ligte wat vanuit die dak hang trek jou aandag. Dit gee ook ʼn romantiese gevoel as die son besig is om weg te sak en die maan opkom. ʼn Aand onder die sterre met kerse en pragtige ligte wat vanuit die venue se dak hang. Dit is nie al nie! Die spyseniering by die venue lyk heerlik.
Rol af om meer te lees oor Marlin en Carlynn se troue in die wynland en oor hul liefdesreis.
Paartjie se Liefdesreis:
Ons het slegs drie huise van mekaar af gewoon. Sedert ons ongeveer sewe of agt jaar oud was. Vreemd genoeg het ons mekaar eers ontmoet toe ons uiteindelik in dieselfde hoërskool was.
Na ʼn lang reis saam het ons uiteindelik besluit om die knoop vas te maak. Destyds het Marlin se vriend, Marvin, ʼn pragtige wynlandgoed in Stellenbosch besoek. Hulle het ʼn afgesonderde piekniek gereël (jy moet eintlik twee rigting radio’s gebruik om die personeel te roep!). Daar was baie vonkelwyn en die ring wat die sjef gehad het. Die ring was verseël in ʼn klein sjokolade-blik.
Die Verlowing Tydperk:
Baie kort! Marlin het op 1 Desember 2019 die Ja-woord gevra en ons is op 8 Februarie 2020, net meer as twee maande later, getroud. Ons het altyd ʼn kort verlowing beplan.
Na onverwagte nuus dat een van ons ouers laat Februarie sou moes opereer word, het ons besluit om regtig te fokus om die troue te te beplan en ons het alles in twee maande gereël.
Ons het nie ʼn troubeplanner gehad nie. Dit het gehelp dat Au d’ Hex amper ʼn eenstopwinkel is wat venue, spyseniering, akkommodasie, dekor en blomme betref.
Au d’Hex se eie dekor onderneming, Baie Goeters het die dekor gereël. Nicola van Baie Goeters was ongelooflik behulpsaam. Dit het gevoel asof ons, ons eie troubeplanner gehad het.
Merkwaardigste Oomblikke:
Marlin:
Dit klink miskien cliché, maar die merkwaardigste oomblik vir my was om Carlynn by die trougang te sien af loop. In die week voor die troue het ek hierdie oomblik waarskynlik al meer as 100 keer voorgestel. Toe ek haar uit eintlik sien, het dit meer as al die beelde in my kop oortref. Ek het dit ook geniet toe ons voorgestel word as Mnr. en Mev Keating en die venue binne gegaan het met “99 Problems” deur Jay Z.
Carlynn:
Dit is moeilik om te kies. Onmiddellik na die seremonie toe ons binnenshuis gegaan het om die handtekeninge te doen, het ons vonkelwyn gehad, net ons twee. Ek is ʼn introvert en het tot dusver almal se oë op my gehad. Om daardie oomblik saam met Marlin te hê was fantasties. Net om asem te skep en alles in te neem, was een van die oomblikke wat vir my uitgestaan het.
Finansiële Aspekte:
Ons sou aanvanklik ʼn heel ander styl troue hê. Gedink aan ʼn kleinerige stedelike skemerkelkie partytjie. Ons het ook ʼn kleiner begroting in gedagte gehad.
Uiteindelik het ons die meer tradisionele roete gevolg. Met ons groot gesinne en ʼn totale gastelys van 150 mense, het ons meer bestee as wat ons oorspronklik wou spandeer.
Ons was egter baie gelukkig dat ons ouers ʼn deel van die koste moes inboet.
Albei van ons is gelukkig genoeg om uiters talentvolle vriende in die bedryf te hê. Dit het ons kostes op die videografie (Chad Hendricks van Chadolfski Media) en die die troukoek (Bryony Petersen AKA, die Cannoli-koningin), verminder.
Dit het beslis gehelp dat ons ʼn hele paar van die belangrikste uitgawes teen afslagpryse kon kry. (Byvoorbeeld die venue, dekor en selfs die trourok).
Ons het ook ʼn paar kostes besnoei aan dinge wat ons self kon doen. Byvoorbeeld: Marlin het ʼn klein elektroniese skyfie-uitnodiging op sy foon gedoen wat ons via Whatsapp aan gaste gestuur het.
Die ‘nie-so-perfek’ oomblikke:
Marlin:
Dit was ongelooflik warm op die dag van ons troue. Ons het daarteen besluit om ʼn tent op die dek te hê waar die seremonie plaasgevind het. Daar is ʼn paar foto’s waar dit lyk asof ek huil, maar dit is eintlik sweet wat vanuit my oë drup.
Carlynn:
Dit is meer ʼn grap as enigiets anders, maar ek het Marlin se ring in my kamer vergeet! Dit besef ek eers halfpad deur die seremonie. Daar is eintlik ʼn foto van hom wat met my ʼn grap maak tydens die preek, nadat ek dit vir hom gefluister het. Ek het daarin geslaag daarin om die boodskap oor te gee aan my strooimeisie. Sy het toe uitgestorm en dit vir my gekry voordat ons die ringe moes uitruil.
Venue & Dekor:
Die glas venue is ʼn stelling op sy eie. Dit maak dat jy nie veel nodig het wat die dekor betref nie. Daar is ook gloeilampe wat aan die plafon hang, wat gepaard gaan met die minimalistiese en moderne voorkoms waarna ons gemik het. Ons het ʼn paar eenvoudige blomme en kerse bygevoeg. Geïnspireer deur ʼn video op Confetti Daydreams. Van die blomme was saam met die bolle oor die hooftafel gehang.
Advies aan toekomstige bruide & bruidegomme:
Wees baie duidelik met verskaffers oor wat jy wil hê en nie wil hê nie. Ons het ʼn paar ervarings met 1 of 2 diensverskaffers gehad. Veral waar ons gedink het dat ons duidelik sou wees, maar na die tyd moes ons beslis meer vasbeslote wees oor ons verwagtinge.
Ons is bly ons het besluit om van die byeenkomste wat ons regtig nie wou hê nie, oor te slaan het. Byvoorbeeld: ʼn eerste dans; en die ou tradisie dat net die enkel-lopende vriende die ruiker en kousband vang. Doen wat jy wil en nie wat ander wil hê nie.
[section=Klik hier vir diensverskaffers]
- Fotograaf: Charlie Jay Photography
- Venue: Au d’ Hex Estate
- Bruidegom-pak: Spaghetti Mafia
- Strikdas en sakvierkant: WEEF
- Dekor: Goeters
- Grimering: Tamika Marlio MUA
- Hare: Roxanne Joshua
- Huweliksbevestiger: Carol Piedt
- Trouring: Dear Rae
- Troukoek: Cannoli Queen
- Platejoggie: Carl Kennedy – Epic Sound
- Trourok: Calegra Bridal House
- Videograaf: Chadolfski Media
