Ons is baie opgewonde om Phillip en Danica elegante verlowing fotosessie met julle te kan deel. ʼn Verlowing fotosessie kan so stylvol gedoen word en ons deel dié inspirasie met ons lesers. Ons weet sommer julle sal baie van die paartjie se verlowing fotosessie hou.
Die paartjie het twee heeltemal verskillende uitrustings gehad. Eers begin het albei bo wit en onder ʼn denim gedra. Vir hul tweede uitrusting het Danica ʼn pragtige vloeiende rok aangehad en Phillip het dapper gelyk in ʼn grys broek en wit knopies hemp.
ʼn Verlowing fotosessie kan soveel pret wees en dis ʼn goeie proeflopie om gemaklik te raak met jou fotograaf. Jou fotograaf kan julle help met verskillende foto opsies vir die dag van jul troue. Dit help julle om gewoond te raak om iemand in julle spasie te hê. Mens kan onmiddellik agterkom as ʼn paartjie wel ʼn verlowing fotosessie gehad het voor hul troudag. Dit help om ʼn stresvrye fotosessie te hê op die dag van jou troue.
Trek mooi aan vir julle verlowing fotosessie en dan het jul sommer foto’s vir julle huis, album en trou webtuiste. Baie paartjies implementeer hul verlowing foto’s by hul uitnodigings en trou skryfbehoeftes.
Is jy verloof? In Mooi Troues se Trougids lys ons fantastiese diensverskaffers vir jou troue. Alles wat jy benodig om jou troudag ʼn sukses te maak en stresvry as moontlik. Geniet Danica en Phillip se elegante verlowing fotosessie hieronder.
Die paadjie wat gelei het tot die verlowing:
Dit is geen gewone storie nie, Phillip en Danica was kennisse deur vriende en het maar altyd kontak gehou op sosiale media. Daar was nooit regtig gepraat van ʼn eerste ontmoeting nie maar altyd net so ʼn vinnige geselsie. Op ʼn dag het Danica en haar vriendinne ʼn rugby byeenkoms bygewoon.
Soos God dit wou hê, het hulle mekaar raak geloop. Phillip was eers so verbaas dat iemand hom op sy naam geroep het, en dit nou nog ʼn meisie ook. Hy was vas oortuig sy misgis hom vir iemand anders, al het sy vir hom gewys hoe hulle al vir mekaar boodskappe gestuur het.
Na die rugby byeenkoms het Phillip probeer kontak hou, maar Danica wou niks weet nie. Dit was sy verdiende loon! Sewe maande later het sy in gegee en hulle was uit vir ʼn ete. Danica het natuurlik sy ore doof gepraat en hy het maar net geantwoord “O” en “OK”.
Sy was seker dat sy hom nooit weer gaan sien nie en het nie haar hart daarop gesit nie. Min het hulle geweet dat in ʼn jaar en ʼn half se tyd, sou hulle by die kansel staan.
Die groot vraag:
Dit was ʼn wonderlike en fyn beplande dag wat ek nie vooraf gesien kom het nie. Ons was oorspronklik oppad na sy beste vriend se troue toe in die Kaap. Hy het aan gedring dat ons ʼn lekker spa dag het by 12 Apostels in Kampsbaai.
Danica was mooi vertel om die geel rokkie en vlees kleur skoene aan te trek. My hare mooi te maak want dit is ʼn 5-ster hotel. Ons het toe die oggend aan gekom. Hy het seker gemaak ek sluk my koffie baie vinnig, want ons is laat, vir wat weet ek toe nou nie.
Na die gejaag het hy natuurlik Danica laat berg klim met die yslike hakskoene. Dit saam met ʼn gids wat so vinnig loop dat hulle kort kort moes stop om Danica te help. Toe ons uiteindelik bo op die berg kom is daar die mooiste piekniek uit gesit. Daar was ook mense wat wag met vonkelwyn.
Toeriste met kameras:
Ek sien toe twee mense sit met kameras. Danica dink toe vir haarself, “watter simpel toeriste sal op ʼn Vrydag oggend voëls afneem” en gelukkig het Danica dit nie hard op gesê nie.
Lang storie kort. Danica moes toe weer ʼn klip uit klim met daardie vreeslike skoene. Phillip het toe die vraag gevra. Ons het toe die spa dag geniet. Oppad terug huis toe se hy vir Danica dat hy vreeslik jammer is dat haar ouers nie daar kon wees nie maar sy het verstaan en hom gerus gestel.
Toe ons by die huis kom, het ons almal gegroet en tot Danica verrassing het haar ouers om die hoek gestap en gevra “gaan jy nie ons ook groet nie”, Phillip het to haar ouers ook af gevlieg om die naweek saam hulle te spandeer. Dit was besonders en onvergeetlik.
Hoekom ons mekaar liefhet:
Danica: Phillip se goedhartigheid wat vir niks stil staan nie. Hy stel my en ons gesin se behoeftes altyd eerste en hou ons altyd op die regte pad.
Phillip: Sy het altyd ʼn glimlag en sien die positiewe in enige situasie.
Tydperk voordat die knoop deurgehak word:
Ons sal ʼn jaar en ʼn half verloof wees voor ons sal trou.
Die verloofring:
Wel, ek is bietjie vol nonsens maar hy het goed verstaan wat ek wil hê en ons het die beste ontwerper gehad. Ons het saam na die ontwerper toe gegaan maar ek het nie ʼn idee gehad hoe dit gaan lyk nie.
Rede vir die verlowing fotosessie:
Dit het ons die geleentheid gegee om ʼn verhouding te bou met ons fotograaf, wat baie belangrik is. En ook mekaar te leer ken voor die kamera.
Inspirasie agter die verlowing fotosessie:
Ons het geweet dit is ʼn groot geleentheid en dat mens net een keer die geleentheid kry. Daarom wou ons hê dat die foto’s weerspieël wie ons is is as mense. Klassiek, elegant en dol verlief op mekaar.
Verwagtinge en vrese vir die verlowing tydperk :
COVID-19 het natuurlik ons uit ge-stres want ons het nie geweet of die troue nog gaan plaasvind nie. Nou gaan dit wel voort, maar nou dat dit wel voort maar weet nie hoe die familie dit gaan aanvaar dat ons net 5-80 mense kan nooi op die meeste nie. Want ons het ʼn gastelys van 150 mense gehad, so dit is vir ons ʼn groot vrees.
Visie vir droomtroue:
Eerstens geen probleme nie. Ek dink dit is elke bruid se droom, maar op die ou einde sal dit vir ons baie beteken dat die dag met God se genade goed en rustig sal verloop. Dat alles sal uit werk soos ons dit beplan het. ʼn Spierwit troue met vreugde en geluk om die onthaal te vul.
KOVID 19 se uitwerking op jul trou reëlings:
Ek kan nie almal nooi wat ek graag wou nie. Dit is hartseer en dit ontstel mens se familie en vriende maar dit is realiteit.
[section=Klik hier vir diensverskaffers]
- Fotograaf: Hello Linden
- Fotosessie Venue: Shepstone gardens
- Verloofring: Franchan Diamonds
