Ons by Mooi Troues deel Curtis en Jurica se stylvolle troue by die moderne Whispering Thorns venue in Mpumalanga. Ons is gaande oor die paartjie se trou styl. Al die verskillende elemente pas so mooi saam en skep ʼn luukse en pret troue saam met familie en vriende. Jurica het inspirasie vir hul trou tema gekry op Mooi Troues, dit maak altyd ons harte bly om dit te hoor.
Whispering Thorns is ʼn pragtige kapel en venue wat se hartklop gevul is met passie vir wat hul doen. Ons is mal oor die gebruik van die wit en blou elemente, soos die blompotte en die gekleurde wyn glase. Die dekor elemente gebruik met die pragtige blomme ontwerpe en groot palmboom-blare is prentjie mooi. Dit gee die dekor ʼn donker, maar tog helder kleur wat so mooi pas by alles anders. Whispering Thorns het ook die blomme en dekor gedoen.
Dan is daar die kos by die paartjie se troue. Sjoe dit was omtrent ʼn feestelike viering as dit kom by die kos. Alles het so heerlik gelyk en was gemaak deur die venue. Almal hou van lekker eet en mens besef nie aldag hoe belangrik lekker kos is by ʼn troue nie. As gaste lekker eet, dan voel hulle sommer goed en geniet die partytjie.
Jurica en Curtis het hulself bederf met ʼn wittebrood na die Maledive-eilande. By Mooi Troues is ons mal oor ʼn lekker wittebrood. Ons reis ook graag om jou te vertel waar die beste wittebrood opsies is. Lees meer oor ons wittebrood reisie hier.
Inspirasie:
Ons het die “inspirasie” tab gebruik op Mooi Troues se webblad of ʼn tema te kry waarvan ons altwee hou asook ‘n paar behulpsame wenke gekry waarop die MC moet fokus.
Paartjie se Liefdesreis:
Ons het in 2011 ontmoet by Tukkies, waar ons altwee op die Huis Komitee gedien het. Ons HK’s het ʼn funksie saam gehad een aand en toe ons mekaar ontmoet was dit Skoenlappers van toe af 🙂 Curtis het in 2018 by die Dubai Creek Harbour op Valentyns dag my gevra om te trou 🙂 Hy het ons gunsteling liedjies gespeel, my gevra om te dans en toe af gegaan op een knieg en vir my die mooiste ring ooit gegee, natuurlik kon ek nie nee se nie,
Die Verlowing Tydperk:
Ons was vir 14maande verloof, Ek (Jurica) het meeste van die beplanning gedoen , maar het baie hulp van familie en vriende gehad toe dit kom by DYI. Ons trou koördineerder (Marinda) het seker gemaak dat al by die Venue perfek was en op die dag seker gemaak als loop soos beplan.
Finansiële Aspekte:
Ons was baie bevoorreg om finansiële bystand te kry by al ons ouers. Elke bietjie het gehelp en ons kon na die tyd so klein bietjie geld spaar. Ons het als mooi dop gehou op ʼn Excel sigblad. Ons het in totaal 160 gaste daar gehad.
Finansiële advies:
Moet nie skik op jou fotograaf en videograaf nie. Die foto’s beteken meer na die ty den moet die beste kwaliteit wees.
Merkwaardigste Oomblikke:
Bruidegom:
Die hele dag op die einde, maar daardie oomblik voor my Bruid afgestap het, het sy ʼn kort stemnota gespeel wat my onkant gevang het, en die oomblik net soveel meer spesiaal gemaak het.
Bruid:
Ons Pastoor se boodskap was ongelooflik mooi en van toepassing op ons. Maar die Bruidegom se toespraak was besonders.
Paartjie se styl:
Ons het nie ʼn spesifieke styl gehad nie, maar as mens nou iets daarop moet sit was dit seker Minimalistiese Moderne sjiek.
Die Besluitnemingsproses:
Meeste van die kere het die Bruid die besluite gemaak, maar nooit sonder om die Bruidegom vir sy opinie te vra nie.
Die ‘nie-so-perfek’ oomblikke:
Baie 🙂 Ons naamplaatjies se drukwerk was verkeerde kleur en het nie op die Perpex gewys nie. My tannie moes die Saterdag oggend ʼn plek vind wat alles vir ons kon oor druk. Ons Welkom bord het ook gebreek die oggend van (Perspex) en ons Platejoggie het ʼn week voor die tyd gekanselleer. Klomp klein goedjies, maar dit het nie die dag bederf nie.
Venue & Dekor:
Ons het die Venue deur ʼn Blog gesien, maar dit was tydens hulle opknappingswerk. Op die webtuiste kon mens nie die nuwe saal sien nie, maar die kapel het ons aandag gevang. Ons het deur geskiet Wit Rivier toe, en ons was verstom toe ons inry. Ons wou ʼn eenvoudig tog stylvolle troue gehad het, en die Venue het nie veel dekor nodig gehad nie. So die dekor was eenvoudig, maar ons het bietjie groter gegaan met die blomme.
Gunsteling Diensverskaffers:
Ons sal ons fotograaf en Videograaf voorstel asook ook ons Venue. Hulle was almal uitstekend.
Eerste Dans:
Ja , Ons het– I love you always forever from Donna Lewis gekies, ‘n goue oue wat baie vir ons altwee beteken en die lirieke is ‘n ware prentjie van ons verhouding: “I love you always forever , near or far , closer together , Everywhere I will be with you, Everything I will do for you.” Ons het geen lesse geneem nie, omdat ons al vir 8 jaar saam dans, ken ons mekaar redelik goed en is baie gemaklik. Ons het wel een “move” van Dirty Dancing in gesit om meer te begin.
Wittebrood:
Ons was Maldives toe vir ons wittebrood, Meeru Resort. Dit was ongelooflik en ons sal enige dag weer terug gaan! Ons het op pad terug van Maldives af in Dubai gestop en weer ons verlowings plek besoek, net om die hele reis af te rond 🙂
Advies aan toekomstige bruide & bruidegomme:
Bruid:
Gaste onthou die diens, die kos en die dans. Moet nie te veel stres oor al die klein details nie. As iets verkeerd loop, gaan net aand en geniet die dag.
Bruidegom:
Maak seker jy geniet elke oomblik en spandeer soveel tyd as moontlik saam jou gaste.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ʼn diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Rok: Calegra Bridal House & Ontwerper: White Lilly Bridal
- Bruidegom Pak: Woolworths & Dasse: His Apparel
- Juwele: Lovisa, Fossil & Pandora
- Ringe: African Diamonds & Jewellery
- Fotograaf: Pritti
- Videograaf: Suzanne Swart
- Geskenke vir Gaste: The Lollipop League
- Grimering +Hare: Ikon Image
- Venue +Blomme + Dekor + Spyseniering: Whispering Thorns
- Koördineerder: Marinda
