Kontemporêre Trou Inspirasie vir enige seisoen

Hierdie gestileerde fotosessie wat beplan is deur die fotograaf.  Sy wys jou hoe om ʼn troue te hê wat perfek is vir enige seisoen.  Die koraal kleurskakerings is so mooi.  Alles pas perfek by bymekaar.  Die modelle se klerestyl en die tafel dekor is perfek gekies vir mekaar.  Baie paartjies beplan ʼn troue vir ʼn spesifieke seisoen.  Hierdie fotosessie fokus op ʼn troue wat jy enige tyd van die jaar kan hou.

Die model se trourok is perfek vir ʼn somer troue met die oop arms.  Vir herfs en winter kan jy net ʼn mooi skouer baadjie kry wat jou warm sal hou.  Die bruidegom kan ook sonder ʼn baadjie ʼn meer informele styl hê.  Vir kouer dae kan hy ook ʼn baadjie aantrek om warmer te kry en ook meer formeel voor te kom.

Ons is mal oor die koraal blomme skakerings en groene.  Dan is daar die kontemporêre swart kerse.  Prentjie mooi trou inspirasie vir die kontemporêre paartjie.  Indien jy iemand is wat opsoek is na kontemporêre trou inspirasie, dan sal jy baie van die fotosessie hou.

By Mooi Troues glo ons dat jy ʼn wonderlike troue kan beplan as jy diensverskaffers het wat goed saamwerk.  Besoek ons Trougids vir fantastiese diensverskaffers vir jou troue.

Wie het die fotosessie gereël?

Ek, die fotograaf, Jeanine van Evergreen Photography.

Inspirasie vir die fotosessie?

Ek het ʼn sterre kroon gesien op Pinterest en het as gevolg van dit die idee gekry vir hierdie fotosessie.

Hoekom is die span diensverskaffers gekies om saam te werk?

Ek het hierdie groep diensverskaffers gekies omdat ek geïnspireerd was deur hulle werk en die missie agter hulle besigheid.

Agter die skerms inligting:

Die mooiste gestileerde fotosessie wat ek al ooit gedoen het.  Dit was vir my soos om amper ʼn hele troue te reël.  Om seker te maak almal pas in by die idee van die fotosessie.  Om op die regte plek op die regte tyd te wees.  Ek het al die rekwisiete gemaak en moes die blomme voor die fotosessie gaan haal.

Al die opstelling het ek self doen, met die hulp van my ma en man.  Dit was baie harde werk.  Maar, dit was die moeite werd gewees.  Ek het soveel geleer uit hierdie fotosessie en is opgewonde vir die volgende een.

Wat was vir jou die spesiaalste deel van die fotosessie?

Vir my was dit so spesiaal om saam met al die diensverskaffers te werk.  En ook dat hierdie fotosessie ʼn begin van Evergreen vir my gesimboliseer het.

Advies wat aan paartjies gegee kan word wat die inspirasie wil volg?

Hierdie tema vir ʼn troue is wonderlik vir enge tyd van die jaar!  My grootste raad is om groot te gaan.  Veral met die skaal van die maan en sterre sodat dit definitief die effek gee wat jy wil hê!