Ons deel vandag Tiané en Pieter se pragtige en baie klassieke troue met ons lesers. Tiané se trourok en die geselekteerde dekor van die troue het bygedra tot die outydse tema wat dié paartjie wou uitbeeld.
Die tafelversierings, net soos Tiané se rok, het uit baie detail bestaan. Hierdie foto’s kan mens vir lank besig hou, omdat daar só baie goedjies is om raak te sien. Dié verliefdes was lekker gemaklik voor die kamera en het sommer die tydjie voor die kamera gate uit geniet.
Wat het jou trou dag só spesiaal gemaak vir jou?
Ek het gedink dat liefde vir ander mense beskore is, en dat ek liefde nooit sal vind nie. Dit was juis met die lui van die klok op 14 Desember 2013 wat ek geweet het dat ek nou op die drumpel staan om met die liefde van my lewe te trou. Die dag was net soos ek dit wou gehad het. Daar was ‘DIY,’ daar was boeke, daar was harte en ‘n roomys karretjie en natuurlik roomys vir ons troukoek! Al die dekor by die troue was ‘n weerspieëling van my persoonlikheid.
Enige raad wat jy vir paartjies, wat ook hul troue beplan, kan gee?
Gebruik Trou Idees op Facebook. Jy kan vra vir verskaffers en mense beveel aan wie hulle gebruik het. Moet nie net vir ‘n verskaffer gaan omdat dié reeds naam gemaak het nie – hulle is baie duurder as ander.
Beskryf jou troue in 10 woorde.
My troue was soveel meer as waarvoor ek gehoop het.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: 5 Talents Photography
- Trourok: Maria
- Hare en grimering: Lynette van Zyl
- Skryfbehoeftes: Toast and Tassels Event Stationary
- Blomme: Liesel du Preez
- Dekor: Die Akker
- Trou koerant: Droomontwerpe
- Roomys vir troukoek: WhiskAway Ice Cream and Sorbet
- Platejoggie: 4 Seasons Mobile Disco
