Arno & Sias se Stylvolle Troue in die Paarl

In hierdie artikel deel ons graag Arno en Sias se stylvolle troue in die Paarl met Mooi Troues se lesers. Hulle het in ŉ asemrowende venue getrou met ŉ prentjiemooi uitsig oor die Du Toitskloofberge—ŉ perfekte agtergrond vir enige paartjie se droomdag.

Arno en Sias het albei pragtige donkergroen troupakke gedra. Hulle het ŉ prominente en unieke kleur vir hul groot dag gekies, en ons dink die groen was absoluut gepas. Beide het elegante gedroogde boutonnières gedra, en ons is dol oor Arno se unieke strikdas, versier met pragtige gedroogde fyn blommetjies—ŉ ware meesterstuk.

Down to Earth Jewellery het gesorg dat hul trouringe perfek pas by hul persoonlikhede en styl. ŉ Trouring is so betekenisvol, want dit is iets wat paartjies elke dag dra—ŉ simbool van hul verbintenis.

Die buitelug seremonie was pragtig, omring deur familie en vriende in die rustigheid van die natuur. Ons is heeltemal verlief op die onthaal se dekor styl. Die kombinasie van verskillende blomme en die geriffelde, donker kerse het nie net ŉ moderne gevoel geskep nie, maar het ook ŉ romantiese atmosfeer in die lokaal gebring.

Die houttafels was met ligte materiaal lopers gedek, wat perfek gekomplementeer is deur die wit stoele. Groen elemente in die blomme en servette het ŉ natuurlike gevoel bygevoeg. Die dekor styl was ŉ elegante mengsel van eenvoud, moderniteit en klassieke sjarme—vir ons absoluut pragtig.

Rol af om meer te lees oor Arno en Sias se liefdesverhaal en om die pragtige foto’s, geneem deur Alex + Chris Photography, te sien.

Paartjie se Uitrustings:

Ons wou iets hê wat stylvol lyk en ŉ kleur gebruik wat prominent en uniek is, maar ook ekonomies werk met die aankoop omdat ons nie gereeld pakke dra nie.

Ons het ná baie gesoek ons pakke by ŉ plaaslike verskaffer in Kenilworth gekry, en na dit verstel is, was dit perfek.

Vir die boutonnières het ons Anja gebruik van Bloeme gebruik om iets unieks te maak. Dit het vir seker die kreatiewe aspek van die troue gekomplimenteer.

Paartjie se Liefdesreis:

Ons het op 3 Desember 2022 verloof geraak op Matjiesfontein, Wes-Kaap. Arno kom van die Karoo af en Matjiesfontein was nog altyd een van ons gunsteling plekke in Suid-Afrika. Sias het Arno gevra – met baie kort kennisgewing!

Sias het die Woensdag na maande se gewag die ring gekry by die ontwerper. Met die gevoel van ŉ boksie wat in sy sal brand en die wete dat jy min kan wegsteek vir Arno, moes hy vinnig ŉ plan beraam sodat die geheim nie uitlap nie. Sit by dat komende naweek Arno se verjaarsdag was, en jy kon nie vir ŉ meer tydige oomblik vra nie.

Oppad terug het hy sy aanstaande skoonma gekontak en so het hulle vinnig-vinnig ŉ groot verrassing gereël. Hulle het die naweek gaan kuier en ontbyt gereël by die Lord Milner Hotel. Sias het vroeër weggeglip en vir Arno gaan wag in die Karoo tuine. Daar was ŉ piekniek met platters en baie sjampanje.

Verloof- en Trouringe:

Arno se ring was ontwerp met drie wingerdstokke in gedagte wat elk die drie van hulle gesinnetjie verteenwoordig. (Arno, Alexander and Sias). Daartussen is eike blare wat groei, oorvloed, gesondheid en hoop voorstel. Die steen is ŉ sout-en-peper diamant en dui aan dat die vlekke en onvoorspelbaarheid van lewe eintlik kan bydra tot die skoonheid daarvan. Alles is geset in silwer as gevolg van die reflektiewe en sensitiewe kwaliteite daarvan, wat empatie illustreer.

Sias se ring was ontwerp as ŉ refleksie daarvan, maar meer rigied en reflekteer die kontrasterende nature van die paartjie, met Sias as bestendig en Arno as liberaal.

Meer oor Down to Earth Jewellery:

Down to Earth Jewellery is ’n aanlyn juwelierswinkel wat fokus op koper en natuurlike edelstene. Die winkel bied ook pasgemaakte ontwerpe aan in enige metaal of edelsteen. Rethea, die talentvolle ontwerper met meer as 25 jaar ondervinding, is beskikbaar vir konsultasies in die kreatiewe werkswinkel in Blouberg. Hier word kliënte se juweliers drome verwesenlik met vriendelike en professionele diens. Kontak gerus Down to Earth Jewellery vir al julle trou juweliersware.

Trou Dekor en Styl:

Ons wou graag fynbos met ŉ twist hê. Die fokus was om die blomme en die tafels stylvol en eenvoudig hou. Ons het besluit op kleure soos maroen, pienk, groen en wit. Ons het proteas, fynbos, alwyne en verskillende orgideë gehad- nie ŉ algemene kombinasie nie. Jana van Decoflow (Bloemis) het al ons interessante idees gevat en dit bymekaar gesit – sy’t ons verras op die dag met ŉ paar tulpe op ons tafels.

Drosberg in Paarl was ons eerste keuse as trouvenue. Arno het hulle op Facebook gesien en na ons besoek op een van hulle opedae het ons net daar besluit dis die plek vir ons. Met ŉ ongelooflike uitsig van die Du Doitskloof berge as jou agtergrond tydens ŉ buitelug seremonie, het ons gedink dit sal die ‘wow’ faktor wees tydens die troue. Meeste van ons gaste was ook van buite die Wes-Kaap, so ons wou graag die mooi Kaapse wynlande vir hulle wys – en daar is nêrens beter as Paarl om dit te doen nie!

Trou Begroting en Beplanning:

Ons troue het 70 gaste gehad en ŉ begroting van R200 000. Ons was twee jaar verloof, en die eerste jaar het ons spandeer aan die versamel van idees, gesprekke, en navorsing oor verskillende trou-aspekte. In die tweede jaar het die werklike beplanning begin, waar ons eerste die venue en fotograaf bespreek het en daarna ons idees verfyn het tot konkrete planne. Ons het die hulp van ŉ troubeplanner ingeroep om alles perfek saam te stel.