Snyman & Marike se Sprokies Troue met Sagte Kleure

Snyman en Marike se sprokies troue in Stellenbosch is soos ‘n sprokies verhaal met al die pragtige sagte kleur skakerings van die paartjie se troudag.

Marike het só mooi gelyk in haar baie stylvolle trourok. Ons is mal oor die wit krale detail op die trourok en die fyner detail van die trourok. Die mou gedeelte van haar trourok is vir ons besonders mooi, omrede dit beide die skouer kan toe hou of mooi los hang en die skouers oop hê. Dit is ‘n klassieke, maar tog ook so elegante voorkoms. Snyman het net so deftig gelyk in sy grys pak met tikseltjies bruin elemente soos die belt, das en skoene.

Snyman en Marike se buitelug onthaal in die trou venue se pragtige versorgde groen tuine was soos iets vanuit ‘n sprokies verhaal. ‘n Groot kleurvolle blomme blomme boog struktuur het alle oë na die paartjie getrek.

Wow! Ons is totaal en al versot op hul pragtige dekor. Die onthaal lokaal se wit geverfde baksteen mure en grys konkreet vloere skep die perfekte lee doek vir die paartjie se trou onthaal. Hul trou tafels was bedek met wit tafeldoeke, wat daardie meer formele voorkoms gee.

Die prentjie mooi blom ontwerpe in skakerings van pienke, perske, witte en laventel, staan só mooi en helder uit teen die wit tafeldoeke en mure van die onthaal lokaal. Die res van die dekor elemente was so mooi simplisties soos die fyn kers staanders en die klein potjies waarin die blomme was. Kleurvolle kerse het die warm en romantiese gevoel aan die onthaal gegee.

Is jul besig om aan jul eie sprokies troue te beplan? Maak seker jul besoek Mooi Troues se Trougids vir fantastiese diensverskaffers.

Rol af om meer te lees oor Snyman en Marike se sprokies troue en hul liefdesreis as paartjie.

Trourok:

Ek het die Myrtus-Trourok gekies. Sprankelende wit krale vang die lig vanuit alle hoeke, met ŉ effense tikkie fuchsia onder die wit. Die kraal korset is ontwerp met jou lyf in gedagte, en kan saam met verwyderbare gerimpelde moue gedra word.

Paartjie se Liefdesreis:

Snyman vertel graag die storie van hoe hy na die eerste uitgaan met Marike geweet het dat hy eendag met haar wil trou. Hierdie gevoel het hom gely om op die tweede ontmoeting vir haar te vra waar sy eendag wittebrood sal wil hou en op die vierde ontmoeting selfs vertel het hoe hy haar nie eendag sal vra om te trou nie. Buiten al hierdie het Marike iets in Snyman gesien en na ŉ paar maande van uitgaan het Snyman gedink dit is tyd om hul verhouding amptelik te maak. Hy het ŉ pragtige verrassings-piekniek op die strand beplan en vir Marike, sonder enige twyfel, gesê dat hy heeltemal in hul verhouding belê is. Hy wou hê sy moet weet dat hy beplan om eendag met haar te trou.

Getrou aan sy woord het Snyman op 13 Augustus 2023 nog ŉ verrassing vir Marike beplan, hierdie keer by ŉ wynplaas in ŉ vat-kamer. Snyman het die mooiste verlowing gereël, vir Marike ŉ ring gegee en haar DIE vraag gevra… Nie een van hulle kan die presiese woorde onthou wat gesê is nie, hulle onthou net baie drukkies, soene en trane.