Almal hou van goeie musiek by ʼn troue en platejoggies geniet dit om julle trou gaste te vermaak met musiek wat julle en die gaste geniet. Jul kan nou ʼn Gratis liedjie versoek Kaartjie vir julle troue gratis aflaai. Ons almal hou van ʼn liedjie wat vir ons spesiaal is of net mens se voete aan die dans laat kry. Hierdie gratis liedjie versoek kaartjie is perfek vir jul trou gaste om liedjies te versoek. Gee vir elke gas ʼn kaartjie waar hulle dan elk ʼn kans het om ʼn liedjie van hul keuse te versoek.
Gaste kan dan die kaartjie vir die platejoggie gee om liedjies te versoek. Indien die platejoggie die liedjie het en kan speel, sal dit dan in die lys van liedjie versoeke kom. Dit verhoed gaste om die platejoggie onnodig te pla en met die persoon te staan en gesels. Daar is niks meer versteurend as iemand die heeltyd om die platejoggie is en sê speel die en speel daardie liedjie. Hierdie kaartjie is klein en kompak.
Julle kan ʼn klein liedjie versoek tafel hê met die kaartjies op en ʼn pen waar gaste die naam van die liedjie en die sanger kan opskryf. Anders as julle wil kan julle die kaartjies op gaste tafels sit met ʼn pen en gaste kan liedjies neerskryf by hul tafels en dit net neem na die platejoggie toe.
Rol af om julle gratis liedjie versoek kaartjie af te laai.
Meer oor Skryfbehoeftes op Mooi Troues
Trou skryfbehoeftes speel ʼn belangrike rol in jou troudag. Daarom deel Mooi Troues weekliks trou skryfbehoefte inspirasie van ons bydraers. Hulle is professionele grafiese ontwerpers met ondervinding in die trou bedryf. Die bydraers verstaan waarna die moderne bruidspaar opsoek is en ken die nuutste tendense. Mooi Troues het ʼn groot verskeidenheid skryfbehoeftes aanlyn, wat ontwerp is deur talentvolle grafiese ontwerpers.
Die trou uitnodiging is een van die eerste indrukke wat jou gaste van jou troue sal kry. Wanneer gaste die venue binnekom, is die eerste dinge waarna hulle soek die sitplek kaartjie, asook die naamkaartjies op die tafels. Wanneer jou gaste by hul sitplek sit, is almal gewoonlik nuuskierig om te weet wat hulle gaan eet. Dus sal die spyskaart op die tafel ook deel wees van jou gaste se eerste indruk van die onthaal.
Is jy opsoek na trou skryfbehoeftes vir jou grootdag? Mooi Troues bied gratis trou skryfbehoeftes inspirasie, beskikbaar aanlyn. Elke bruidspaar wat opsoek is na iets uniek vir hulle troue, sal by Mooi Troues iets vind.
Ons het ook ʼn groot verskeidenheid gratis aflaaibare trou skryfbehoeftes beskikbaar. Jy kan gratis vanaf Mooi Troues aflaai, laat druk en vir jou troudag gebruik. Klik hier om te kyk na ons gratis skryfbehoeftes.
Jy kan kies en keur tussen honderde verskillende trou uitnodigings, spyskaarte, naam kaartjies en vele ander items. Indien jy opsoek is na skryfbehoefte ontwerpers wat Mooi Troues aanbeveel, klik hier om ons Trougids te besoek.
Mooi Troues hoop jy geniet die bron van inspirasie wat ons vir jou troudag bied.
Artikel Krediet:
- Ontwerp: Mooi Troues
