Ruan & Linda se Buitelug Bosveld Troue

Ons is kinderlik opgewonde om Ruan en Linda se buitelug bosveld troue met Mooi Troues se lesers te deel. Dié buitelug bosveld troue in Limpopo was ŉ ware fees vir die oë, met die warm Afrika-son wat deur die bome dans en die natuurskoon wat ŉ onvergeetlike agtergrond geskep het vir die gelukkige paartjie se geloftes.

Linda het absoluut asemrowend gelyk in haar trourok. Die minimalistiese ontwerp het haar moeiteloos komplimenteer. Ruan het net so fraai gelyk in sy unieke pak. Dit het só mooi by die algehele tema van die buitelug bosveld troue gepas.

Ons is mal oor die betowerende paartjie fotosessie. Die sagte sonlig het ŉ warm glans oor die paartjie gewerp terwyl hulle hand aan hand deur die bospaaie gewandel het. Die natuurskoon het hulle omring met ŉ idilliese agtergrond, terwyl die geluide van die wild en die ruis van die bome die perfekte harmonie geskep het. Elke foto het die opregte vreugde en liefde tussen die twee weerspieël.

Die sierlike natuur van die omringende bosveld het gesorg vir ŉ indrukwekkende agtergrond, en die sorgvuldig gekose dekor elemente het net die skoonheid en rykdom van die natuurskoon aangevul. Die minimalistiese benadering het dit moontlik gemaak om die natuur in sy volle glorie te laat skitter. Dit was ŉ viering van eenvoud en die aarde se oorgenoeg, en dit sal vir altyd in hul harte voortleef.

George & Co. het ŉ pad geloop saam die paartjie. Die foto- en videograwe het Ruan en Linda verlowings foto’s en video geneem in Pretoria saam met hulle Schnauzer honde en ook hul troudag op foto en video vasgevang vir vir ewige herinneringe.

Rol af om meer te lees oor die paartjie se buitelug bosveld troue en om meer te lees oor hul liefdesreis.

Paartjie se Liefdesreis:

Ons heet ontmoet in 2018, ek was net uit hoërskool uit. Ek voel lang mense is automaties aangetrokke na mekaar 😂 Ons albei het toevallig ŉ netbal wedstryd by my toe oud-hoërskool gaan kyk en kon van oorkant die baan nie ons oë van mekaar af hou nie. Hy het daarna my via Instagram gekontak om hom glo met “Rekeningkunde” te help.

Ons het verloof geraak 22 Oktober 2021 – op ŉ koppie, waar ons gaan piekniek hou het en die sonsondergang kyk in Kleinsee.

Trourok:

My trourok was net ŉ love at first try on gewees. Ek was by Wedding Boutique en wou eintlik ŉ all bling rok gedra het, maar die plein en eenvoudig van die eenskouer rok het meer by my gepas, en het my laat mooi voel.

Meer oor George & Co.:

George & Co. maak visuele narratiewe wat met die hart aanklank vind. Hul spesialiseer in trou fotografie en -videografie. Die span bring lewe in oomblikke en skep gekoesterde herinneringe wat standhou. Hul lens vang nie net gebeurtenisse nie, maar emosies, en verander glimlagte in ewige stories. Met ŉ span wat ervare is in die kuns van storie vertel, voeg hul kreatiwiteit, professionaliteit en passie in elke oomblik.

Of dit nou ŉ bosveld troue onder die Afrika-lug is of ŉ intieme verlowing, hul dienste omsluit die essensie van die oomblik. Die span bied persoonlike ervarings, om te verseker dat elke geleentheid uniek is. Van die vasvang van die liefde in ŉ paartjie se oë tot die lag wat die lug vul, kureer hul visuele verhale wat boekdele spreek. Met George & Co. word jou herinneringe nie net bewaar nie; hulle word omskep in tydlose kuns, wat jou kosbaarste oomblikke vasvang.

Raad aan paartjies wat nou besig is met hul trou reëlings:

Hou dit eenvoudig. Almal onthou net
1. die kos
2. of julle op julle gemak was
3. hoe lekker julle gedans het.

As jy twyfel om iemand te nooi – moet dit nie doen nie. Troues is duur.

Trou Diensverskaffers wat uitgestaan het vir die paartjie:

Ons enigste diensverskaffer was eintlik maar net George & Co wat ons fotos geneem het. EN dit was elke sent werd. Ons het ons blomme gaan koop by Tia’s Flower Hyper en alles self (danksy familie lede wat ingespring het) aanmekaar gesit by die venue.

Gunsteling herinneringe van die paartjie se troudag:

Ons gunsteling herinner moet wees, toe ons bietjie vroeër klaar maak met ons foto sessie en vir 10 minute terwyl die gaste na die onthaal toe aangery word, net kon stil sit en alles wat gebeur in neem.

Verloof- en Trouringe:

Ruan was op toer in Europa to hy besluit het om my te vra om te trou, ek het binne 4 weke van toer (via epos) my ring wat hy een keer op Pinterest gesien het en mal oor was, ontwerp. Hy het terug gekom van die toer af en my daai volgende naweek gevra om te trou. Ruan se ring was mooi (hout, titanium en swart) wat ons laat maak het met die gravering – “love you 3000” – ŉ verwysing na End Game van die Avengers. Hy kon egter weens ;n verstuite vinger nog nie weer sy ring dra nie en dra ŉ plastiek een.

Trou Venue:

Ons was dadelik verlief op Monate Game Lodge toe ons hulle Instagram profiel sien. Ons het so gewens hulle gaan ŉ spasie vir ons hê, want dit was albei van ons se droom om in die bos te trou. Hulle het net 2 oop naweke gehad om van te kies. So dit was “meant to be” to ons ons datum beskikbaar kon kry.

Trou Dekor en Styl:

Ons styl, kleure en dekor het alles gegaan om so eenvoudig as moontlik te wees, en die fokus te los op die natuur. Dit was vir ons die belangrikste te wees.

Eerste Dans:

By jou – Theuns Jordaan

Trou Begroting en Beplanning:

Ruan en Linda het ŉ totaal van 90 gaste by hul troue gehad. Die kostes was ongeveer R1 800 per persoon. Hulle het self vir 7 maande aan die troue beplan.