Mark & Rochelle se Troufees in Mpumalanga

Met opgewondenheid deel ons Mark en Rochelle se troufees in Mpumalanga met Mooi Troues se lesers. Hierdie pragtige paartjie het ŉ trou fees gehad by die pragtige trou venue, Smitsfield. As julle opsoek is na trou inspirasie vir julle plaastroue, dan is hierdie een wat julle nie wil mis nie.

Rochelle en Mark het ŉ pragtige buitelug trou seremonie onder eikebome gehad, omring deur die versorgde tuine van Smitsfield trou venue.

Ons is totaal en al verlief op die paartjie se fotosessie. Mona-Liza Photography, ŉ trou fotograaf gebaseer in Nelspruit, Mpumalanga het die paartjie se troue só pragtig vasgevang. Die foto’s met die plaas landskappe in die agtergrond en die plaasdiere is só mooi.

Hulle trou dekor was aards en neutraal, wat perfek pas by die pragtige trou venue. Smitsfield is ŉ moderne trou bestemming geleë langs die Vaalrivier. Hulle onthaal saal is ŉ moderne gebou met ŉ industriële gevoel tot dit. Die neutrale en sagter trou dekor elemente skep die perfekte kontras tussen die trou venue se moderne interieur en industriële gevoel. Dekor elemente op die trou tafels was eenvoudig gehou met verskillende blompotte en skakerings van aardse kleure. Die dahlias en rustieke droë blomme op die trou tafels bring bietjie kleur elemente in en werk perfek saam met die meer neutrale kleurskema.

Die bruid se trourok het ŉ klassieke en meer eenvoudiger styl, wat perfek inpas by hul troue se voorkoms. Ons hou so baie van haar kleurvolle handruiker wat haar voorkoms perfek komplimenteer. Die bruidegom se sand kleurige troupak met sy bruin das met die wit hemp werk perfek met die kleurskema.

Rol af om meer te lees oor Mark en Rochelle se troufees in Mpumalanga en oor hul liefdesreis.

Paartjie se Liefdesreis:

Dit het alles op Stellenbosch begin met ŉ goeie vriendskap, Vida e koffie en goeie geselsies tot 04:00 in Mark se Datsun bakkie. Dit het geëindig op die plaas waar hy my gevra het om te trou in die middel van die sojaboon lande waar ons besig was om te oes.

Trourok:

My trourok het ŉ baie spesiale storie. Ek het vir ŉ paar passings by bruidswinkels gegaan, en ek het geweet waarna ek soek nadat ek baie rokke gepas het. Ek sien toe ŉ trourok waarvan ek baie hou op een van die meisies wat ek van Stellenbosch af ken, en het haar gevra waar sy dit gekry het, want ek was net absoluut mal daaroor! Sy het toe aangebied om dit aan my te verhuur en dit het my perfek gepas!

Gunsteling herinneringe van die paartjie se troudag:

Ek sou sê die trou seremonie – ons het ŉ buite-seremonie onder die eikebome gehad. Die wind het 20 minute na die trou seremonie begin waai en jy kon die storm sien nader kom. Dit het toe begin reën en almal van ons het na die trou venue gehardloop om uit die reën te kom. Ons kon nie ons geloftes sê óf ons trouringe vir mekaar gee nie, maar dit was só spesiaal, want ek het so kalm gevoel toe my man net begin lag het en geweet het dat die reën seëninge bring (so het ek vir myself bly sê).

Verloof- en Trouringe:

Ek het altyd vir Mark gesê dat ek nie ŉ spoggerige ring, of ŉ regte diamant in my verloofring wil hê nie, want ek verloor gereeld goed (veral juwele). Hy het toe ŉ verloofring gemaak met ŉ vyfde generasie diamant wat hy van sy Ma gekry het (geen druk). Die trilogie-ring herinner my gedurig aan ons en God se hand oor ons huwelik. Ek het ŉ rustieke silwer ring vir Mark gekies, net soos hy daarvan hou.

Trou Dekor en Styl:

Ek het geweet ek wil verskillende kleure hê en ook nie dieselfde kleure op elke gaste tafel nie, terselfdertyd was ek mal oor die Laeveld se droë blomme. So ek het vir Dahlias en rustieke droë blomme gegaan wat my Skoonma in die veld gepluk het. Ek was gelukkig genoeg om ŉ plaaslike Dahlia-verskaffer en ŉ Skoonma met goeie smaak en styl te hê. So ek het dit in haar hande gelos om te doen wat sy ook al wou doen.

Trou Diensverskaffers wat uitgestaan het vir die paartjie:

The Scene – hulle het ons trou video gemaak. Hulle was so tegemoetkomend en vriendelik.

Meer oor Mona-Liza Photography:

Mona-Liza is ŉ internasionale trou en leefstyl fotograaf, gebaseer in Nelspruit, Mpumalanga, maar reis graag reg oor die wêreld om pragtige troues af te neem.

Mona-Liza se trou fotografie styl is baie natuurlik en spontaan en mens kan sien dat paartjie gemaklik is voor haar kamera. Haar foto’s het ŉ baie sagte, maar tog skerp gevoel tot dit, wat dit ŉ baie werklike gevoel gee.

As julle opsoek is na ŉ talentvolle trou fotograaf in Mpumalanga of regoor Suid-Afrika, maar seker Mona-Liza Photography is op jou kortlys.

Trou Venue:

Ons plaas is gebaseer 10km vanaf Smitsfield trou venue. Een van my eerste besoeke in Ermelo was toe ek Smitsfield trou venue sien, my Skoonma het vir my die trou venue gewys net omdat dit iets was om te sien as jy Ermelo besoek. Ek onthou dat ek weggestap en vir haar gesê het ek sal nie omgee om op Smitsfield te trou nie. Vier jaar na daardie besoek het ons getrou by hierdie spesiale trou venue, wat ek ook nou my voltydse werk noem. Ek werk saam met die eienaars op die venue en dit was só spesiaal om ons troue hier te kon hou.

Meer oor Smitsfield:

Smitsfield is ŉ bestemming trou venue, wat spesialiseer in naweek troues. Geleë in die hoëveld van Mpumalanga 2,5 uur se ry vanaf Pretoria of Johannesburg, op ŉ plaas oos van Ermelo. Geniet eksklusiewe naweke troue, genoeg opstel tyd, geen haas en ŉ stresvrye trou-ervaring.

Smitsfield se nuutgeboude onthaalsaal, geïnspireer deur die industriële fabriek styl van die 1900’s, beskik oor ŉ pragtige glas ingang, diamantagtige houtkappe en ŉ glinsterende kandelaar. Die venue bied ŉ skoon palet wat verskeie trou style komplementeer, van klassiek tot modern, rustiek tot simplisties. Die venue kan tot 350 gaste akkommodeer.

Smitsfield bied ŉ baie unieke akkommodasie-ervaring, met gerestoureerde hout treinwaens wat uit die 1950’s dateer en moderne enkel staande suites, wat uitkyk oor die Vaalrivier. Hul kan 38 gaste op die eiendom akkommodeer.