Dit is met groot opwinding wat ons Louis en Nadia se Weskus verlowing fotosessie met Mooi Troues se lesers deel. Ons is mal oor hierdie romantiese fotos in die mooiste ligging!
Die paartjie het te pragtig gelyk en mekaar só mooi komplimenteer in hul maroen uitrustings. Met die asemrowende strand agtergrond en goue ligging kon die fotos nie beter uitdraai nie. Ons is veral gek oor die sonsondergang fotos.
ʼn Verlowing fotosessie speel ʼn belangrike rol in ʼn paartjie se trou beplanning proses. Dit help die paartjie om meer gemaklik te wees voor die kamera, sodat hulle ʼn stresvrye fotosessie kan hê op hul troudag. Die paartjie kry ook die geleentheid om hulle trou fotograaf beter te leer ken, indien dit die selfde fotograaf is wat julle troue gaan afneem. Ons raai aan dat julle ʼn verlowing fotosessie doen met julle trou fotograaf, sodat julle die fotograaf beter kan leer ken.
Mooi Troues se Trougids is vol professionele trou fotograwe regoor Suid Afrika. Besoek gerus ons trougids om die perfekte trou fotograaf vir julle verlowing fotosessie en troue te bespreek. Rol af om Louis en Nadia se aanskoulike Weskus verlowing fotosessie te bewonder.
Die paadjie wat gelei het tot die verlowing:
Ons het ʼn wonderlike storie om te vertel. Ek en Louis gee albei al 8 jaar in die Middel-Oos skool. In 2019, het ek vir hom ʼn Facebook boodskap gestuur en min geweet dit gaan my man wees. Louis het eers gedink ek stuur hom ʼn boodskap omrede ek werk soek in die UAE. Ons lag vandag daaroor omrede hy sê soveel dames het hom boodskappe gestuur om vir hulle werk te kry in die UAE. Ek en Louis het op ʼn koffie afspraak gegaan kort daarna, en daar het ons avontuur begin. Ons het April, 2023 in die Maldives verloof geraak.
Die groot vraag:
Louis het my na ʼn sandbank gevat in die Maldives en mense gekry om ʼn drone video te vat. Ons het gestap op die sandbank en hy het gesê sal jy die pad stap saam met my vir die res van ons lewens. Toe ek weer sien, toe gaan die man op sy knie. Dit was ʼn verskriklike mooi oomblik wat ek altyd sal onthou.
Hoekom ons mekaar liefhet:
Sy sin vir humor. Haar mooi omgee hart. Sy manier om altyd mense te help in nood. Haar manier wat sy altyd die mooi in als sien.
Tydperk voordat die knoop deurgehak word:
1 Jaar, ons trou 6 April 2024.
Die verloofring:
Louis het die verloofring self gekies. Hy weet waarvan ek hou.
Rede vir die verlowing fotosessie:
Fotos vir Save the Date, en om gewoond te raak voor die kamera vir die groot dag.
Inspirasie agter die verlowing fotosessie:
Louis het onlangs ʼn huis laat bou in Shelley Point in die Weskus. Dit is ʼn verskriklike mooi plek.
Verwagtinge en vrese vir die verlowing tydperk :
Altyd gelukkig te wees en respek te toon vir mekaar.
Visie vir droomtroue:
Klein intieme troue. Wit en goud.
- Fotograaf: Linda Vos
- Grimering: Leoumé Vos Hair and Make-up
