In dié inskrywing deel ons Ian en Alex se buitelug troue in Botrivier met Mooi Troues se lesers. Hierdie paartjie het ʼn pragtige troue gehad op hulle familie plaas, omring deur die mooiste natuurtonele. Hulle seremonie was bo op die berg en die uitsigte was die perfekte agtergrond vir die paartjie se spesiale seremonie.
Alex se trourok was besonders mooi met die lang moue en details daarop. Haar blommekroon en pragtige handruiker het haar voorkoms só mooi komplimenteer. Ian het ʼn baie mooi bruin pak aangehad, met ʼn tan kleur belt en skoene. Alex se strooimeisies het verskillende helder kleurige strooimeisierokke aangehad wat só goed gepas het by die hele styl van hulle troue.
Ons hou van die troue se gevoel. Die verskillende kleur helder blomme staan só mooi uit teen die groen bome en sagte sonlig in die agtergrond. Hulle onthaal was buite tussen die bome in ʼn pragtige woud. Dit is besonders mooi om so na aan die natuur te trou. Die reuke van die natuur en geluide van die diertjies wat jy in die verte hoor.
Alles is moontlik met fantastiese trou diensverskaffers. Besoek Mooi Troues se Trougids om al julle trou diensverskaffers te vind vir julle troudag.
Hulle fotosessie tussen die bome, met die mooi natuurskoon in die agtergrond en sagte sonsak lig is prentjiemooi. Die helder kleure van die blomme skep die perfekte kontras en vertoon perfek in die paartjie se trou foto’s.
Ian en Alex se troue was ʼn lekker gesellige kuier saam met familie en vriende.
Rol af om meer te lees oor Ian & Alex se Buitelug Troue in Botrivier en hul liefdesreis as paartjie.
Paartjie se Liefdesreis:
Alex vertel:
Haar weergawe:
Om ʼn lang storie kort te hou was daar ʼn meisie wat haar nagraads in Stellies kom voltooi het. Sonder haar wete het sy met die eerste ontmoeting van haar nuwe “baas” haar aanstaande man ontmoet. Met die eerste oogkontak was sy vasgevang in sy skitterende groen/blou oë se hipnotiserende kyk en lam gemaak deur sy vreeslike aantreklike kuiltjie-glimlag. Om eerlik te wees kan sy nie mooi onthou wat hy vir haar geantwoord het nie, maar sy onthou wel wat sy na die tyd aan haar ouers in die kar gesê het: “Sjoe, maar my nuwe baas is bietjie aantreklik hoor!” min geweet dat sy eendag die man sou trou.
Vir beter kon ek nie vra nie … Hy was my baas en nou is ek sy baas ;). Grappie … ons voltooi mekaar in alle aspekte en hy maak my ʼn veel beter mens as wat ek is. “Ek wil veraltyd vir jou alles doen Bum!”
Sy weergawe:
Op ʼn dag stap ʼn meisie by die werk in met ʼn pragtige glimlag, ʼn glimlag wat die kamer gevul het. Gelukkig vir my was ek toevallig die een agter die toonbank met wie sy oë gesluit het. ’n Eenvoudige vraag van waar sy moet wees vir die begin van die jaar die volgende dag en ek het geweet ek is in die moeilikheid. Ek was gevra deur kollegas wie dit was en ek het gesê een van ons honneursstudente (maar in my gedagtes het ek gedink dis moeilikheid vir my). Ek wou nie hê sy moet weggaan nadat sy gegroet het nie, maar ek sal jok as ek sê ek geniet dit nie om te sien hoe sy wegstap nie.
Haar pragtige glimlag was maar net die oppervlak van wat ek mettertyd sou leer. Elke dag saam met haar maak my ʼn beter mens en bring die beste uit my. Vir ʼn beter vriend kon ek nie vra nie. “Ek sal vir altyd in jou skuld wees omdat jy my agterstewe gered het Bum!”
Klein bietjie agtergrond:
Oeh-oeh-oeh … maak gereed vir die mees romantiese en deurdagte storie OOIT! So hier het sy besluit, nadat sy die liefde van haar lewe, die man van haar drome ontmoet het en haar werklikheid beter gemaak het as haar fantasieë … om oorsee te gaan. Ja, vir nege maande het sy op die cruise ships gaan werk, soos hy baie jare gelede gedoen het en glo jy my daar was en is glad nie spyt nie, maar die lang afstand en die tydsverskil tussen hulle twee was nie maklik nie! Alles behalwe!
Nie eers ʼn jaar saam nie en hulle moes groet en die verhouding op die proef stel. Hulle het sterker as ooit en goed uitgekom … uit haar oogpunt is sy nog meer lief vir hom! Die mans in haar lewe het haar man elke dag buitengewoon gemaak en laat aanbid en waardeer! Daar kan net niemand naby jou kom nie, Mnr. Ian George Rainsford!! Okei-okei, laat ek uitkom hoe hy my gevra het om te trou. Hou vas aan jul hoede, want hy gaan jul gedagtes blaas!
Lang afstand:
So op haar reis op die oop waters rondom Oos-Australië het Mnr. Morantic (moerse moranties) besluit om vir haar die beste Kersgeskenk ooit te stuur, ses briewe wat op die 8ste van elke maand wat kom oopgemaak word. Hulle maandelikse herdenking val op die 8ste, net terloops. Hou haar opgewonde en haar te herlaai vir die lang werksure, die hawedae, die seedae en vaart tot vaart; hierdie briewe het hulle op ʼn onuitgesproke manier laat verbind.
Elke brief het ʼn eerste afdeling gehad waar hy sy liefde aan haar uitgespreek het, tesame met ʼn tweede deel waar sy die oomblik moes raai. Eers op die dag, is sy toegelaat om hulle oop te maak (baie gehoorsaam, sy het gedoen wat hy gesê het) en met die laaste een om te sê: “Datum om aangekondig te word”. Nou het dít haar aan die gang gesit (ʼn bietjie in die versoeking om die minste te sê, wanneer ʼn mens gereed is om terug te keer huis toe, was dit nie ʼn maklike ding om te hoor nie)! Uiteindelik het hy gesê dat sy die laaste brief op 8 Mei mag oopmaak, die enigste probleem was dat sy toe reeds terug sou wees by die huis. “Wat de fudge???” – was haar presiese woorde.
Hoe Ian vir Alex gevra het om te trou:
Tyd het verbygegaan, planne is gemaak, reise is geneem, ʼn lopie is gedoen en ʼn vraag is gevra! Die briewe het almal gelei tot die groot finale, waar hy sy liefde verklaar het en belowe het om haar vir die res van sy lewe lief te hê. Geen Engels kon uit haar kom nie, geen Afrikaans het uit hom gekom nie, maar ʼn begrip was daar ten spyte van die bietjie misverhoor van die vreeslik hard gereageerde antwoord van haar kant af! “YES I will…YES YES YES…now, tomorrow and forever, I will choose you over and over again!” Terloops dit is nie soos ek geantwoord het nie, maar nogal bedoel het.
Al haar vriende op die skepe was in ekstase oor die nuus, want hulle het natuurlik alles van die briewe geweet en sy het die “Dink jy hy sal jou vra wanneer jy terugkeer of gaan jy met Bum trou” baie op die skepe gekry, soos waaaay te veel keer! Ek kon nooit ʼn antwoord gee nie, maar het altyd geïmpliseer dat ons eendag sal. Nou gaan ons voort om ons liefdesverhaal langs mekaar te skryf met ʼn goue reël dat ons nie vir meer as ʼn week alleen mag reis of apart van mekaar mag wees nie, besigheid sal die week uitsondering wees. We are absolutely smitten and for now … tha tha tha that’s all folks!
Die Verlowing Tydperk:
Sou ʼn jaar wees, maar a.g.v. Covid moes ons uitstel 2021 toe (dus sê ons trougeskenke se boodskap 2020 en nie 2021 nie). My sussie, Daneé Brand, het die hele troue saam my, bruid, beplan.
Trou Begroting:
Begroting:
Ons het nie ʼn definitiewe begroting gehad nie, maar as ons een gehad het, was dit ook in elk geval nie baie groot nie. Ons het daarby gebly deur meestal alles self te doen, en klein en intiem te gaan.
Dit help ook om jou eie familie plaas te hê as ʼn venue. So ons het van die begin af beplan om te spaar waar ons kon, soos om van familie gebruik te maak waar ons kon, byvoorbeeld.
Ons het begin met 200 mense en probeer sny (ons wou klein en intiem van die begin af, maar groot families maak dit effens onmoontlik). Darem was Covid ʼn blessing in disguise wat dit betref en moes ons toe sny tot ʼn 100. Na die tweede golf moes ons nóg meer sny en het ons opgeëindig met omtrent 65 in totaal. Waarvan net 30 plus-minus bo op die berg was by die seremonie. Dit was a.g.v. die moeilike pad (4×4) ens.
Advies:
Damilie kos is baie lekker, altyd! Maak dit uniek deur kreatiwiteit van jou familie te gebruik (ons het borde, speletjies, skryfbehoeftes, tafels, dekor ens alles self gemaak).
Die Besluitnemingsproses:
Die bruid het maar meeste besluite geneem, my man het baie probeer en my familie het dit maak gebeur.
Merkwaardigste Oomblikke:
Ian:
Toe ons alleen bo op die berg was saam met die fotograaf en my vrou my gevra het om haar rok los te maak. Daar het ek eers besef dat die rok twee lae het.
Alex:
Sjoe, dis eintlik baie moeilik want die hele troue was definitief soos wat ek dit in my kop beplan het. Dit was sowaar, uit en uit, ʼn feeverhaal! So, ek dink toe ek nou alles gesien het die dag/en aand bymekaar kom en hoe magies mooi dit was, was definitief ʼn hoogtepunt vir my.
Dan was daar ook my boekie/brief van my man af, wat my natuurlik in trane gehad het voor alles nog eers begin het. Die grootste ding was die LIEFDE, liefde kon orals gevoel en gesien word. Dit was soos Liewe Jesus se liefde wat die dag gevul het.
Vermaak:
Ons het selfgemaakte speletjies (sus en haar man) gehad, fotohoekie, viool speler bo by die seremonie, regstreekse musiek (deel van die platejoggie) tydens foto’s en verwelkoming, platejoggie vir die onthaal en backup DJ (Ian se pa a.g.v. Covid se 12uur reël wat ons platejoggie vriendelik verplig het om huis toe te gaan). Meeste gaste het hul tente gebring en op die plaas gekamp.
Spesiale Tradisies:
Ons het die something old, something new, something borrowed, and something blue gehad. Ons het dan ook ʼn Ierse tradisionele gebed oor die ringe as simbool van die huwelik gehad (bruid se familie oor die bruidegom se ring en andersom). Familie het almal in geklap om te help met dekor, kos en opstel van alles.
Die ‘nie-so-perfek’ oomblikke:
Die bruid was 40 min laat, nie omdat sy langer aan haar hare of grimering spandeer het nie. Dit was die eerste van vele meer wiele wat dit nie gemaak het nie deur die aand nie. Dink daar was in totaal nege punctures. Ons het mos gesê die pad is bietjie wild, maar min het ons geweet daar was ʼn ysterpen wat almal se wiele sou verskeur het! Tiger Wheel en Tyres was baie dankbaar vir ons troue. Elke troue het sy storie nê, wel die was definitief ʼn groot deel van ons storie. Met die, sou ek absoluut NIKS verander het nie. Die dag was perfek van wiele en rooi riviere tot stokbrode om die bonfire 3uur die oggend!
Paartjie se styl:
My man sal nou weer sê hy het net my instruksies gevolg en dit was my troue, haha maar dit was sprokies mooi. Styl sal ons sê klassiek, elegant en dan was dit maar ook ʼn mengsel van temas sou ek sê, daar was bietjie sprokies, bietjie rustiek, bietjie outdoor, bietjie tradisioneel, bietjie antiek en ek dink ek kan aangaan hahaha. Ek het gegaan met waarvan ek hou met verskillende dele van die troue.
Gunsteling Diensverskaffers:
Aanbevelings:
Uit en uit my tannie se bloemiste, Flower Heart, net omdat soos ek genoem het, dit was deel van my hoogte punt, dis wat alles bymekaar gebring het. Die blomme was asemrowend mooi.
Die viool speler, Hannelie, was ook een van my hoogtepunte!
Dan natuurlik ons fotograaf en as ek kon, my sus ook .. maar sy doen dit net vir familie! Sy is amazing as dit kom by enige partytjies of viering. Sy maak dit lyk soos jy dit in jou kop insien. My kombuistee is nóg ʼn voorbeeld daarvan. So amper almal wie ons gebruik het, ha!
Advies aan toekomstige bruide & bruidegomme:
Bruid:
Don’t sweat the small stuff. Ek weet dis baie cliché en dit word aan almal gesê, maar regtig hoe meer jy net die foute ook geniet, die foute wat net julle weet is foute, tensy dit nou iets soos ons wiele storie was, wat almal weet is foute hahaha. Leef net in die oomblik, jy gaan nie veel kan verander behalwe dat jy in ʼn goeie gemoedstoestand gaan bly regdeur die aand!
Bruidegom:
Dit is baie eenvoudig, sê net ja, wees daar en doen wat vir jou gesê word.
Venue & Dekor:
Die venue sou van die begin af op ons familie plaas wees, toe Covid tref, was dit net nóg ʼn bonus! Ons het baie planne op ons plaas en ons sou eers in ons skuur trou. Lang storie kort, dit was nog nie reg nie en ek het toe, na ons wilde kamp bo op ons berg, besluit dis waar ek die seremonie baie graag sou wou hê. So draai dit net presies in ʼn Allie en Ian troue uit.
Ons is mal oor hikes, wilde kamp, kamp en enige iets buite. Ons het toe my broer en sy vrou gevra of ons hul een Cottage (wat hul as selfsorg uitverhuur, te gebruik vir die onthaal). Dit was presies reg, en die weer het ook perfek uitgedraai!
Dekor inspirasie, was maar liggies en blomme. Dis wat ek wou hê en dis wat ek gekry het. So sprokies, dink ek kom maar sterk weer hier uit.
Eerste Dans:
Ons het deur baie moontlike opsies gegaan. Ons is beide modern country liefhebbers en het dus so paar van hulle eerstens as opsie gehad, maar ons het toe op die ou end met If I Ever Saw Heaven, van Roan Ash gegaan. Dit was vir ons ʼn not so common, lekker liedjie gewees wat ook mooi vertel hoe ons voel, definitief die woorde wat ons keuse maklik gemaak het. Definitief nie klasse geneem nie, hahaha. Alhoewel, my man is Engels en kon nie altyd lekker sokkie nie, maar oefening maak beter nê.
Wittebrood:
Dit sou ʼn wel beplande Vietnam trippie gewees het deur my man, maar ongelukkig was Covid maar deel van die besluit om dit local is lekker te hou. Ons het toe Drakensberge toe gegaan, waar ons natuurlik Tugela Falls gaan slaap het, hikes beplan (kon nie almal doen nie omdat die bruid haar enkel gekneus en ligamente geskeur het – lekker swanger en boot na die wittebrood)! Dit was die perfekte uitstappies vir ons en afgesien van die enkel, wat darem die begin van die tweede week eers gebeur het, het ons steeds gegaan vir ons voet massering wat beplan was na ons lang hike en ons vierwiel avontuur met ʼn hiking stewel wat my enkel gestabiliseer het.
- Fotograaf: Kaitlyn de Villiers Photography
- Venue: Privaat Plaas
- Blomme: Flowerheart – Weddings, Functions, Flowers
- Bruidegom-pak: The Tux Tailor
- Huwelik kontrak: Curran attorneys
- Huurdienste: Function hire Hermanus
- Huweliksbevestiger: Ds Anton Smith Duvenhage
- Platejoggie: John the Frank
- Paartjie se verblyf: Rooi assie Krakeelpoort herberg
- Skoene: Mooo Shoes
- Trourok: Elizabeth Stockenstrom
- Trouring: Daniel Jacobs Jewelry
- Troukoek: Cuppacakes by Michelle
- Wittebrood plek: Berghouse and cottages, Drakensberg
