Die Eendracht Hotel & Apartments is ʼn goeie opsie vir verblyf in Stellenbosch. As julle ʼn paartjie is wat opsoek is na ʼn oulike wegbreek bestemming in Stellenbosch, dan is jy nou op die regte plek. Hierdie sjarmante hotel sal ook perfek werk vir jou trou gaste om hulself hier te vestig. Maak sommer ʼn lekker naweek kuier van julle troue en bespreek dié hotel vir ʼn hele naweek.
Die gebou is gerekonstrueer deur die Lutz Trust en bly getrou aan die oorspronklike argitektoniese ontwerp. Eendracht Hotel & Apartments spog met 13 en suite-slaapkamers en drie nuut opgeknapte selfsorg-eenhede in ʼn gerestoureerde 1928 Deko-styl huis. Oorgenoeg slaapplek vir julle trou gaste.
Vir die gholf liefhebbers, die Eendracht Hotel & Apartments is slegs vier kilometers vanaf die Stellenbosch Gholfklub. So pak jou gholfstokke in vir ʼn rondte golf oor die naweek.
Die Eendracht Hotel & Apartments staan bekend vir hulle vriendelike en professionele diens, asook fantastiese verblyf. Rol af om meer te lees oor die Eendracht Hotel & Apartments en hoekom dit ʼn oulike opsie is vir verblyf.
Ligging:
Stellenbosch is een van die mees populêre dorpe wanneer dit kom by plaaslike toerisme. Omring deur pragtige wynplase, berge en landskappe maak Stellenbosch die perfekte bestemming vir paartjies opsoek na ʼn romantiese wegbreek.
Eendracht Hotel & Apartments is geleë in Dorp Straat in die hartjie van Stellenbosch Middedorp. Stapafstand vanaf die populêre Moeder Kerk in Sentraal Stellenbosch, asook uitstekende restaurante, koffiewinkels, museums, kunsgalerye, teaters, sokker-, atletiek- en rugby sportgronde.
As gevolg van die hotel se perfekte ligging, maak dit die Eendracht Hotel & Apartments ʼn populêre keuse vir gaste wat ʼn wegbreek na Stellenbosch wil geniet.
Senobia’s @ Eendracht
Die Senobia’s Restaurant is geleë binne die hotel en bied beide ontbyt en middagetes vir gaste. Senobia’s Restaurant het oulike seisoenale spyskaarte en tradisionele Suid-Afrikaanse disse. Die restaurant is oop vir hotelgaste en óók die publiek. So as julle volgende keer in Stellenbosch is en opsoek is na lekker tradisionele Suid-Afrikaanse disse, dan weet julle waar om in te loer.
Klik hier om meer te lees oor Senobia’s en ook na hul spyskaarte te kyk.
The Huddle Room:
As jy opsoek is na ʼn bestemming vir ʼn gesellige familie ete voor jul troudag, of ʼn oulike kombuistee kuier, dan is The Huddle Room perfek vir só ʼn geleentheid. Dit is geskik vir tot-en-met agt gaste, so as jy julle ʼn kleiner groep gaste is, sal die lokaal perfek wees daarvoor. Ontbyt en Middagete by Senobia’s is ingesluit by die halfdag of voldag pakket. Ander spysenering opsies kan vooraf met die hotel bespreek word.
Die lokaal is toegerus met moderne videokonferensiefasiliteite – vir die gaste wat nie die kuier kan bywoon nie. Hoëspoed internettoegang en al die ander toerusting wat nodig is vir vandag se onvermydelike Zoom-tipe kuier.
Maak seker dat The Huddle Room op julle kortlys is vir jou intieme kombuistee of familie ete voor jul troudag.
Verblyf:
Die Eendracht Hotel & Apartments bied gaste ʼn verskeidenheid verblyf opsies. As julle in die Stellenbosch, Franschhoek area trou, dan is die Eendracht Hotel & Apartments perfek. Die hotel het 13 stylvol versierde hotelkamers en ook 3 woonstelle beskikbaar vir gaste.
Hotel Kamers Geriewe:
Hotel kamers sluit in gratis Wi-Fi, lugverkoeling, ʼn haardroër in die badkamer, televisie, skryf tafel, koffie- en tee maak fasiliteite, kluis, en ʼn horlosie. Meeste van hulle kamers het ʼn bad in, behalwe een tiener kamer, so jy kan verseker wees dat jy ʼn heerlike bad kan geniet.
Die hotel kamers kry klomp natuurlike lig deur die lekker groot ruite van die hotel. Ons is veral gaande oor die lekker höe plafon.
Woonstel Geriewe:
Eendracht Hotel & Apartments se drie selfsorg woonstelle het ʼn Art Deco dekor styl met moderne dekor elemente. Al drie woonstelle is verskillende groottes. Daar is ʼn twee slaapkamer eenheid, ʼn een slaapkamer eenheid en ʼn studio woonstel.
Die woonstelle sluit in ook in gratis Wi-Fi, lugverkoeling, ʼn haardroër in die badkamer, televisie, skryf tafel, koffie- en tee maak fasiliteite, kluis, ʼn horlosie, basiese kombuis toerusting, en handdoeke & linne word verskaf. Al die badkamers in die woonstelle het slegs ʼn stort.
Toekennings:
Eendracht Hotel & Apartments is bekroon met die 2019 Lilizela Toerisme-toekenning vir Beste Klein Hotel in Suid-Afrika, en is ook ʼn reeks ontvanger van die Trip Advisor se Beste-van-die-Beste Reisigers keuse-toekenning. Dié hotel is in Julie 2021 opgegradeer van ʼn 3-ster-hotel, tot ʼn 4-ster-boetiekhotel deur die Tourism Grading Council of South-Africa.
Fasiliteite en Aktiwiteite:
Waar begin mens? Daar is so baie om te doen in Stellenbosch. Geniet skemerkelkies by die hotel in die pragtige tuin stoep wat ʼn buite-plonspoel het as jy bietjie wil afkoel.
Besoek museums, restaurante, koffiewinkels, markies, kroeë, natuurreservate en parke óf doen kuns en kultuur aktiwiteite, fietsry, gholf, dag toere, en vele meer.
Adventure Shop:
ʼn Lid van Cape Country Routes Adventure Shop, gebaseer in Stellenbosch, is ʼn pro-omgewings besigheid wat glo daarin om plaaslike werknemers te koop en werknemers en die gemeenskap in die breë te ondersteun en gerig is op avonture.
Dit is sedert 2000 in werking en fokus op begeleide fiets- en e-fietstoere deur Stellenbosch, en die omliggende Wynlande, die Vine Hopper hop-on-hop-off diens op die Stellenbosch Wynroete, 4×4 wyn toere, verskeie staptogte en staptogte. Stellenbosch te voet, kuns te voet, begeleide staptogte in die Jonkershoek Natuurreservaat en ook sampioene soek, die Fynbos Opvoedkundige Staptog, medisinale en ander nuttige plante Praat en Stap, onder andere.
Lid van die Cape Country Routes:
Eendracht Hotel & Apartments is ʼn lid van Cape Country Routes. Cape Country Routes Suid-Afrika is ʼn bekende en bekroonde groep akkommodasie- en aktiwiteit ondernemings. Hotelle wat deur eienaars besit en bestuur word.
Hulle het meer as 20 hotelle, oorde en gastehuise in privaat besit. Wat op die skilderagtige en historiese roetes in die Wes- en Oos-Kaap geleë is. Almal sorgvuldig gekies vir hul karakter, sjarme en romanse. Elke een van hierdie bestemmings bied die beste akkommodasie- en aktiwiteit opsies vir elke individuele smaak en begroting.
Bespreek jou wegbreek:
Besoek Eendracht Hotel & Apartments se webtuiste om direk te bespreek. Jy kan ook vir hulle ‘n e-pos stuur as jy wil. As jy meer wil sien oor die nuutste gebeure by die hotel, volg hulle gerus op Instagram en Facebook.
As jy in die Stellenbosch omgewing is en ‘n drankie geniet of ‘n lekker ete by die hotel besoek hulle gerus by 161 Dorp Straat, Stellenbosch. Klik hier vir aanwysings.
Artikel Krediet:
- Foto’s: Verskaf deur Eendracht Hotel & Apartments
