Met opgewondenheid deel ons Johan en Crystal se verlowing fotosessie in Stellenbosch Middedorp op Mooi Troues. Stellenbosch is ʼn geskiedkundige dorpie vol bome, pragtige argitektuur en soveel kultuur, die perfekte plek vir ʼn verlowing fotosessie.
Die paartjie het slegs ʼn maand gewag voor hulle getrou het na hul verlowing, sjoe dit wil gedoen wees! Om ʼn troue in só ʼn kort tydperk te beplan is nie sommer iets wat enige iemand wil aanpak nie. Dit kan gedoen word as jy die regte trou diensverskaffers het. Besoek Mooi Troues se Trougids vir professionele trou diensverskaffers.
Die paartjie se verlowing fotosessie is so oulik gewees. Hulle het verskillende elemente deel gemaak van hul fotosessie. Een van dit was foto’s in ʼn oulike koffie winkel in die hartjie van Stellenbosch. Die res van die foto’s was in die strate van Stellenbosch geneem en pragtige historiese geboue was die agtergrond van hul foto’s.
ʼn Verlowing fotosessie is so belangrik en partymaal oorgekyk deur paartjies. Dit gee julle die kans om jul trou fotograaf beter te leer ken. Julle sal self leer hoe om te poseer en ook meer gemaklik te wees voor die kamera, sodat jul minder ge stres voorkom op jul trou foto’s. Rol af om meer foto’s van Johan en Crystal se verlowing fotosessie in Stellenbosch Middedorp en hul liefdesreis.
Die paadjie wat gelei het tot die verlowing:
Ons het in graad 4 ontmoet en was 8 jaar lank vriende voor ons besluit het om te begin uitgaan. Ons het op die slegste tyd moontlik verlief geraak… Net voor ek die land verlaat het om in Amerika te gaan studeer. Johan het in SA gebly en by Stellies gestudeer. Ons het besluit om langafstand te doen omdat ons albei gevoel het dat dit ʼn ewige soort liefde was. In ons 6 jaar van uitgaan was ons fisies saam (in dieselfde land) vir 18 maande. Ek het 1-2 keer per jaar huis toe gevlieg. Ons het vir ʼn paar jaar gespaar dat Johan vir my ook in Amerika kon kuier.
Die groot vraag:
Ons het verloof geraak op presies dieselfde plek waar ons verlief geraak het – bo-op ʼn heuwel wat oor die stad uitkyk. My 2 susters was daar – hulle het vir my gesê ons gaan ʼn ‘sister’s photoshoot’ doen. Intussen het Johan gewag met ʼn verloofring, pragtige rose, en ʼn piekniekmandjie vol van my gunsteling-happies.
In Oktober 2021, terwyl ek nog in Amerika studeer het, het Johan ’n werksaanbod gekry om in Nederland te gaan werk. Ons het oor die aanbod gepraat en besluit dat ons na Nederland wil trek en trou voor ons verhuis. So, ons het ons Suid-Afrikaanse Februarie 2022-troue in Oktober/November 2021 begin beplan, terwyl ek in Amerika was en my tesis voltooi het. Johan kon eers die 15de Januarie 2022, die dag nadat ek in Suid-Afrika geland het, “regtig” my vra om te trou. So voor die “regte” verlowing het ons reeds die hele troue beplan, insluitend die trou uitnodigings gestuur en RSVP’s ontvang, haha.
Hoekom ons mekaar liefhet:
Johan se gunsteling eienskappe van Crystal:
Ek is mal oor hoe avontuurlik Crystal is. Altyd op soek na iets nuuts en toon belangstelling in my passies en stokperdjies. Sy is ʼn bondeltjie vreugde en energie – ʼn sonstraaltjie. Die beste ding van haar is dat sy dink ek is snaaks, haha ;). Uiteindelik hou ek daarvan dat ons die beste vriende is. Ons het altyd soveel pret saam – ek kon my nie die lewe sonder haar voorstel nie.
Crystal se gunsteling eienskappe van Johan:
Johan het die beste sin vir humor – hy laat my ten minste een keer per dag huil van die lag. Wat ek die meeste van hom hou, is dat hy dit sy missie maak om seker te maak dat ek altyd sy liefde vir my kan voel. Hy gaan uit sy pad uit om vir my te wys hoe lief hy vir my is. Of dit nou lukraak vir my blomme koop, soggens vir my koffie maak, vir my woorde van bemoediging stuur wanneer ek ʼn slegte dag het, vir my bid, ens. die beste mens.
Tydperk voordat die knoop deurgehak word:
Ons was ongeveer 1 maand verloof voor ons troue, haha.
Die verloofring:
Johan het mooi in-detail versoeke van die bruid ontvang oor die styl van die ring, haha. Ek het ʼn paar spesifikasies gegee van wat ek absoluut wou hê (geelgoud, dun band, slegs 1 diamant), maar hy het die vorm van die rots (ovaal) gekies en of dit ʼn stralekrans het of nie (hy het ʼn versteekte stralekrans gekies).
Inspirasie agter die verlowing fotosessie:
Ons wou baie graag ʼn prettige en gemaklik verlowingsfotosessie doen op ʼn plek waar ons baie tyd saam spandeer het tydens ons verhouding. Albei van ons is ook baie lief vir koffie afsprake, so ons wou ʼn oulike koffiewinkel kies vir die begin van dié fotosessie. Ons het die dorp Stellenbosch gekies omdat dit is waar Johan gestudeer het en waar ons baie goeie herinneringe het van hoe ek by hom gekuier en Stellies toe gevlieg het vir Huisdans.
Verwagtinge en vrese vir die verlowing tydperk :
Die verlowings tydperk was baie kort en onkonvensioneel. Ons het so 4 maande gehad om ʼn troue in die Wes-Kaap te beplan. Ek was in Amerika en Johan in Pretoria. Dit was ʼn groot uitdaging! Ek was op die laaste stuk van my meestersgraad. Besig om vir my raad eksamen te studeer. My internskap te voltooi en my tesis te finaliseer. Terwyl ek dit gedoen het, moes ek alles wat ek besit verkoop en begin pak om terug te trek na Suid-Afrika vir die troue, en dan gereed maak om na Europa te trek.
Ons was baie geseënd om ons vriende en familie te help met die trou beplanning op enige manier wat hulle kon. Ek dink ons albei het geweet die troue gaan nie “alles waarvan ons ooit gedroom het” wees gegewe die omstandighede nie. Maar ons was albei gevul met soveel vreugde oor die pure feit dat ons dit gemaak het, na 6 jaar van langafstand. En dat as ons eers sê “I do” ons nooit weer uitmekaar hoef te wees nie. Die troue was net ʼn groot viering van ons liefde en toewyding aan mekaar. Dit is al waarvoor ons omgegee het. “As die koek val, hoop ek net iemand kry ’n foto daarvan vir die herinneringe” is die ingesteldheid wat ons gekies het om te hê.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Charne Delport
- Fotosessie Venue: Legado Coffee
- Verloofring: East West Gem Company
