Ons deel graag Pauli en Deveny se stedelike troue in Pretoria met julle op Mooi Troues. Hul liefdes storie is uniek en word so uit gespieël in hul troudag waarvan ons lesers meer sal sien en lees hieronder in die inskrywing.
Die bruide het vir ʼn moderne, simplistiese trou dekor styl gegaan en elemente inkorporeer wat getrou is aan hulself. Swart, wit en groen met tikseltjies goud was die kleurskema van die paartjie se trou dekor en het perfek gepas by die moderne dak trou venue. Die kristalglase met goue rante bied weer daardie elegansie aan die paartjie se trou dekor. Die lang maer kerse op die tafels skep weer ʼn baie gesellige en warm atmosfeer in kontras met die industriële afwerkings van die trou venue.
Deveny en Pauli wou nie blomme hê by hul troue nie, maar wel huis plante. The Floristry Studio het ʼn fantastiese werk gedoen met die groenigheid. As jy opsoek is na ʼn kreatiewe bloemis vir jou troue, dan moet jy The Floristry Studio besoek. Haar passie vir pragtige blom ontwerpe is presies wat elke paartjie nodig het vir hul troue.
Mode Weddings het seker gemaak die paartjie se trou dekor weerspieël presies wat Pauli en Deveny ingedagte gehad het vir hul troudag. As julle opsoek is na ʼn fantastiese trou stilis en -beplanner, dan is MODE Weddings die perfekte keuse vir julle.
Albei bruide het beeldskoon gelyk in hul pragtige trourokke uniek na elk se styl. Die paartjie het elkeen hulle eie trourok styl gehad, wat so mooi mekaar gekomplimenteer het. Een trourok met baie fyn kant detail op en ʼn ander met ʼn meer simplistiese satyn styl.
Rol af om meer te lees oor Pauli en Deveny se liefdesreis en om meer te sien van hul stedelike troue in Pretoria.
Paartjie se Liefdesreis:
Hoe ons ontmoet het:
Ons het 3 Januarie 2017 in ʼn stowwerige kantoor in Witbank hospitaal ontmoet. ʼn Plek wat ek vir altyd sal onthou.
Toe ons hoor ons gemeenskapsdiens gaan in Witbank wees, het ons albei gemengde gevoelens daaroor gehad. Om eerlik te wees – ek dink ons albei wou glad nie gaan nie! Nie geweet wie en wat op ons gewag het nie. Ek het daardie dag eerste daar aangekom, want ek haat dit om laat te wees. Toe ek instap, kry ek ʼn gemaklike plek om te gaan sit. ʼn Paar minute later het Deveny saam met ʼn paar ander kollegas opgedaag en ons oë ontmoet. Dadelik het ek geweet iets gaan verander en dat dit anders voel om in hierdie persoon se teenwoordigheid te wees. Ek het iets geweet – maar ek het net nie presies geweet wat hierdie gevoel was nie.
Ek sou graag wou sê dat ons storie die tipiese Aspoestertjie-storie was met “happily ever after” sodra daardie aandklok 12h00 geslaan het, maar ons het ʼn entjie gehad om te gaan. Ons het nogal ʼn pad gehad om nog te loop – maar gelukkig kon ons dit saam doen.
Deveny, synde wie sy is, het vroeg daardie jaar vir my gesê sy gaan nog met my trou. As ek net tóé geweet het wat ek nou weet, sou ek hierdie woorde nie so ligtelik opgeneem het nie. Dit het baie groei van my kant af en baie laataand hart-tot-hart gesprekke gevat om hierdie wonderlike sprokies-liefde te bou.
Ons het verloor deur die jare, maar ons het soveel meer gekry. Ons het liefde, veiligheid en ʼn tuiste gekry wat ons verwelkom vir wie ons is.
Toe ek daardie dag in haar oë gekyk het, het ek dit nie destyds geweet nie, maar ek het reg in my verewige “tuiste” gekyk.
Die eerste verlowing soos vertel deur Deveny:
Die storie begin soos alle romantiese verhale … en met ʼn neus bloei! Ja, dit word nie oordryf nie, Pauli se neus het begin bloei die oomblik toe ons die huis verlaat.
Pauli is ʼn “literatuur liefhebber”. Sy spandeer ure om tussen die rakke in ʼn boekwinkel te verdwaal en vind elke boek meer interessant as die volgende. En ek, nie veel van ʼn leser nie, gun haar die belangstelling deur haar gretig van rak tot rak te volg. Ek is heimlik mal oor die uitdrukking wat sy kry as sy ʼn nuwe boek vind! Dit was dus relatief maklik om ʼn plek te kies om haar te vra om met my te trou!
Die 13de Maart 2021 het baie vinnig omgekom. Ek het die ring, die blomme en bowenal die boeke gehad. Ek het vir Pauli gesê ons gaan uit vir St. Patrick’s Day, maar ons moes eers stop want ek wou vir haar ʼn paar oulike plekkies in Melville wys. Ons was op die punt om die huis te verlaat en Pauli se neus het begin bloei.
Vir almal van julle wat ons ken is dit nogal ernstig. Bloeiende neus het vereis dat ek moet ophou waarmee ek besig was en Pauli gehelp het. Sy is tog immers my koningin. Maar nie vandag nie, want ons was op ʼn streng skedule. Die boekwinkel het geweet wanneer ons daar sou aankom en dinge moes volgens plan verloop. Pauli was uiters deurmekaar oor my gebrek aan empatie en “faffing” maar het nietemin in die motor gespring.
Spring voorentoe in tyd, ons is nou in die boekwinkel. Ek het my toespraak oor en oor geoefen op pad soontoe. Ek was gereed! Nou, al wat ons moes doen was om Pauli te kry om die boek in die winkel te kry met die boodskap nét vir haar. Baie maklik! Jy sou so dink maar nie vandag nie, vandag sal Pauli aan elke enkele kiewe boek in “Love Books” raak behalwe “Love Poems by Great Men”. Uiteindelik het sy by die boek uitgekom! Sy het die lint losgemaak en ek het die briefie gelees wat my tot op een knie gebring het. Die volgende paar woorde wat gevolg het was die maklikste en natuurlikste woorde wat ek nog ooit uitgespreek het!
Wanneer jy weet, weet jy! Ek gaan trou met die meisie wat my hart laat gaan staan het, toe ek by die Witbank Hospitaal instap, die heel eerste dag wat ek haar ontmoet het!
Die tweede verlowing soos vertel deur Pauli:
Wat volgende gekom het, kan woorde skaars beskryf. Sy het my gevra om met haar te trou en om te sê ek is gelukkig sou ʼn onderskatting wees. Iets moes net nog gedoen word! My romantiese verloofde het ʼn oomblik van haar eie verdien. Dit is nie net ’n gegewe dat sy ja sal sê om ook met my te trou nie. En ek was gestres! Aan die van julle wat nie weet nie – ek praat glo in my slaap as ek gestres raak. Ek het in die weke voordat ek die liefde van my lewe gevra het om met my te trou, haar onwetend elke aand gevra om “asseblief net ja te sê”. Ek was nog nooit goed daarmee om iets vir Deveny weg te steek nie en dié geleentheid was nie anders nie.
Deveny is soekend na alle dinge wat wonderlik, uniek en eg is – en dit vertaal ook na wat sy drink, eet, luister en met wie sy haarself omring. Een van haar liefdes is REGTIG ʼn goeie koppie koffie, iets waarop ek heimlik trots is en eienaarskap neem aangesien sy nie koffie gedrink het toe ek haar ontmoet het nie.
Ek het ʼn plek gekry wat ʼn “cupping morning” (amper soos wynproe) aanbied en het vir ons elkeen ʼn plek bespreek. Ons het verskillende soorte koppies koffie geniet en sodoende ʼn lekker oggend gehad. Net na die koffie het ek myself verskoon om vinnig die “ladies’ room” te gebruik. Toe ek die tafel verlaat het ʼn dame vir Deveny ʼn fotoboek oorhandig met redes waarom ek so lief is vir haar en aan die einde haar gevra of sy my die eer sou doen om met my te trou.
Sy is toe gesê om na die dak van die koffiewinkel te gaan waar ek op een knie gewag het en hierdie wonderlike vrou gevra het om met my te trou.
Ek sal vir die res van my lewe vir haar lief wees!
Die Verlowing Tydperk:
Ons was nie baie lank verloof nie, onder 12 maande, en in hierdie 12 maande het ons heen-en-weer gegaan om die troue van ons drome saam te beplan. Ons het van geen troubeplanner gebruik gemaak nie – ons het begin soek na unieke en talentvolle klein besighede wat ons drome kan laat lewe.
Trou Begroting:
Ons het ʼn trou begroting van R70 000 gehad, maar ons het uiteindelik sowat R80 000 bestee. Daar was altesaam 40 gaste onthaal, net ons naaste vriende en familie was by ons troue. Ons het verstandig met ons geld probeer beplan deur ons trourokke by The Big Bridal Pop-up te koop. Koffiewinkel/restaurant soos Moonshot Café as ʼn venue te gebruik, en nie die oor oorbenutte diensverskaffers wat ons dalk te veel sou vra te gebruik nie. Ons het ook nie ʼn driegang-maaltyd gedoen nie en eerder ons troukoek as nagereg gebruik omdat dit só lekker was!
Merkwaardigste Oomblikke:
Die dag was gevul met merkwaardige oomblikke. Ons het seker gemaak daarvan deur elke dingetjie te beplan om spesiaal te wees. Ons het nie in die trougang afgeloop soos wat tradisioneel verwag word nie – ons het albei gelyktydig van die kante af gekom en na mekaar toe gestap. Dit was ʼn ongelooflike gevoel om die persoon wat jy liefhet na jou toe te sien loop terwyl jy na hulle toe kan stap.
Ons vermaak, Stella Rose, het ons weggewaai! Ons het nog nooit voorheen ʼn persoonlike optrede beleef nie en dit was ook die eerste keer dat meeste van ons gaste ʼn optrede van hierdie aard beleef het!
Om ʼn oomblik na die seremonie te hê om saam met ons gaste te spandeer, voor foto’s, was ook spesiaal – soos ʼn vinnige inboek om te sien hoe dit met almal gaan.
Het julle enige diensverskaffers van Mooi Troues gekry?
The Floristry Studio en Mode Weddings
Paartjie se styl:
Ons style was heeltemal anders, maar het mekaar pragtig aangevul.
Deveny het ʼn manjifieke satyn rok en goue bykomstighede gehad. Haar hare was in ʼn hoë poniestert wat langs haar rug afgeval het. Sy het pragtige druppel oorbelle en ʼn delikate armband gedra. Enigste ander bykomstigheid was haar goue ring. Die ring het ʼn ongelooflike 8 karaat Aleksandriet met 7 diamante aan elke kant. Die goud en die diamante wat Pauli van Deveny se oorlede ouma se trouring gekry het. Sy het goue blok hakskoene en ʼn sluier met satyn afwerking gedra.
Pauli het ʼn vintage noupassende kant rok met ʼn lang sluier gedra. Sy het roosgoud hangende oorbelle en ʼn roosgoud armband gedra. Haar hare was in ʼn los “upstyle” aan die agterkant van haar kop. Pauli het roosgoud Steve Madden-stilettos gedra. Pauli se ring is ʼn vintage-styl ring met ʼn moissaniet klip en ʼn diamant stralekrans rondom dit.
Die Besluitnemingsproses:
Baie soos in ons daaglikse lewe maak ons ʼn wonderlike span. Ons het albei gelyke besluite geneem en ons vriende en familie was bly om te hoor waarop ons besluit het nadat alles afgehandel is.
Gunsteling Diensverskaffers:
Dit is nie moontlik nie. Ons het soveel ongelooflike mense gehad wat bymekaar gekom het en ieder en elk het ʼn groot impak op ons spesiale dag gemaak. Elke persoon het hul eie kuns gebring en na ons storie geluister en dit perfek vasgevang.
Spesiale Tradisies:
Ons het ons eie familie tradisie van ʼn roos seremonie begin. Dit was vir ons albei baie spesiaal en tydens die seremonie het ons rooi rose uitgeruil as ʼn simbool van ons liefde.
Venue & Dekor:
Ons het ʼn ongewone venue gesoek om ons intieme troue aan te bied. Ons het ook na ongewone venues gesoek aangesien ons by party venues van die hand gewys is aangesien ons ʼn LGBTQ+ paartjie is. Albei van ons is mal daaroor om na koffiewinkels te gaan en het gedink dit sal perfek wees om ons troue in ʼn soortgelyke omgewing te hou.
Ons het begin rondkyk vir klein restaurante of koffiewinkels wat ons soort moderne atmosfeer het. Deveny het Moonshot Café op ʼn Instagram-bladsy genaamd Jozicoffeespots gevind en ons was mal oor die voorkoms. Toe ons instap het ons geweet dit is ons trouvenue. Ons het toe begin soek na inspirasie vir dekor.
Ons het The Floristry Studio en Mode Weddings op Mooi Troues se Instagram gevind en was mal oor wat hulle gedoen het! Vir ons het dit gelyk of hulle ʼn paartjie se identiteit kon vasvang in die manier waarop hulle elke individuele troue versier het. Ons het met hulle gepraat en aan hulle verduidelik hoe lief ons vir ons huisplante is en hoe ons huis gevul is met baie. Ons voel dit bring lewe. Hulle was mal oor die idee en ons trou tafel was versier met groen huisplante wat ons huis toe geneem het na die seremonie. Ons families wil ons graag herinner dat dit die eerste troue was waar hulle was sonder enige blomme. Dit het ons net goed gepas.
Lee-Anne en Sanel het ʼn dramatiese, dog minimalistiese moderne atmosfeer geskep wat gepaard gaan met die groenigheid van die plante. Ons kleurskema was swart, wit en groen saam met ʼn paar goue afwerkings. Ons het een lang tafel gehad – ons wou hê al ons gaste moet ons omring op ons gelukkige dag en dit was perfek gedek! Die tafel was gedek met wit Nordiese onderborde, swart linne servette en swart maan eetgerei. Kristalglase met ʼn goue rand is gebruik. Om die atmosfeer te gee is swart kandelaars met swart kerse op die tafel geplaas.
Om alles te kroon, was ʼn idee wat ons baie van gehou het om al ons gaste te vra om swart te dra. Dit was die perfekte agtergrond om ons wit rokke op die dag en in foto’s te beklemtoon. Sanel, van The Floristry Studio, het ons bygestaan met twee botaniese bruidsruikers wat heeltemal van groen gemaak is.
Die ‘nie-so-perfek’ oomblikke:
Nie een van ons het geweet van enigiets wat verkeerd geloop het nie. Ons het albei bietjie laat by die venue aangekom. Ons diensverskaffers was almal uitstekend en die mense wat ons daardie dag gevra het om saam met ons te staan, ons strooimeisies en seremoniemeester, het enige en alle foutjies uitgestryk lank voor ons van enige geweet het.
Advies aan toekomstige bruide & bruidegomme:
Ons raad klink dalk cliché, DIT IS JULLE DAG! Moet asseblief nie probeer om iemand anders gelukkig te maak nie. Moenie te bekommerd wees oor klein goedjies wat jy in elk geval nie sal onthou nie. Ontspan en geniet elke oomblik. Moenie oor die begroting gaan en jouself ook bekommernisse op die pad vorentoe veroorsaak nie. Onthou die dag gaan oor jou en die persoon met wie jy trou – die res maak op die ou end nie veel saak nie. O, en laastens – maak seker jy dra gemaklike skoene!
Vermaak:
Hierdie is een van ons gunsteling aspekte van ons troue! Ons was gelukkig genoeg om Stella Rose, ʼn plaaslike fopdosser, by ons troue te laat optree! Ons was absoluut mal oor elke oomblik van haar optrede en dit het ʼn ekstra spesiale bietjie “magic” na ons dag gebring. Sy het vier Broadway-styl liedjies uitgevoer om ons dansvloer oop te maak.
Ons platejoggie, Dylan Rix, het die gaste verskillende speletjies laat speel om ons gaste voor nagereg te vermaak. Ons het dit gekies om die hetero-normatiewe tradisie om die ruiker te gooi, te vervang. Die gaste het dit baie geniet om ʼn skattejag te voltooi vir items soos ʼn vrou se linkerskoen, of ʼn gordel van ʼn lang man. Dit het al die gaste in onbeheerbaar laat lag en albei bruide met net een skoen gelaat.
Eerste Dans:
Daar was nie ʼn eerste dans nie. Ons geniet dit dikwels om met mekaar te dans, maar het gedink dit was nie nodig of prakties vir ons om daardie dag te dans nie. Die dag wou ons net geniet en nie gestres voel oor enigiets nie. Ons het gekies dat ons kunstenaar, Stella Rose, die dansbaan oopmaak. Na sy die vloer oopgemaak het, het ons die hele nag om gedans en het blase op ons voete gehad om dit te bewys.
Wittebrood:
Ons het geweet toe ons, ons dag begin beplan het dat ons die perfekte dag sou hê en dan later weer sou spaar vir die perfekte wittebrood. Ons is egter grootliks geseën deur familielede wat ons geskenk het met ʼn wonderlike week weg in Clarence in ʼn huisie genaamd die Rose Cottage. Weereens is ons ʼn les geleer – dit gaan nie oor waar jy is nie, dit gaan beslis alles daaroor om saam met jou persoon daar te wees.
- Blomme: The Floristry Studio
- Dekor: Mode Weddings
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ʼn diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Major and Me
- Venue + Koördineer: Moonshot Café
- Grimering: Polished by Dayna
- Hare: Ella RockAfella
- Huwelik kontrak: Unique Vows
- Huweliksbevestiger: Soul Healers Jo
- Juweliersware: Lovisa
- Platejoggie: DJ Rix
- Paartjie se verblyf: Pienk Brooklyn
- Skoene: Steve Madden
- Skryfbehoeftes: Major and Me
- Strooimeisie-rokke: YDE
- Trourok: The Big Bridal Popup
- Trouring: Mark of A
- Troukoek: Winterberry and Whisk
- Vermaak: Stella Rose
- Vervoer: Kia South Africa
- Wittebrood plek: 414 Rose Cottage
