Ons deel graag Ryan en Simonè se strand troue in Struisbaai met julle op Mooi Troues. Julle mag dalk die paartjie herken van hul verlowing fotosessie by die Sirkus wat ons gepubliseer het. Klik hier om na hul verlowing fotosessie te kyk.
Simonè en Ryan het hul seremonie op die strand geniet. Vissersbootjies op die potblou water was die agtergrond van die paartjie se seremonie. Hulle trou dekor het ingepas by die strand troue tema van hul troudag. Simonè en Ryan, asook die strooimeisies en strooijonkers het almal neutrale trou uitrustings gehad in skakerings van wit en sagte sand kleure.
Die trou venue het sand op die grond gehad onder die tafels, wat ons voel ʼn lekker plat op die aarde gevoel gee aan die paartjie se trou tema. Wit en sand kleurige skakerings met tikseltjies blou was die kleure wat jy duidelik kon sien by hul trou dekor. Die naam kaartjies se illustrasies op die tafel het die bruid self geteken. Op die tafels was daar ook ʼn klomp kerse, wat ʼn romantiese atmosfeer gee aan die paartjie se trou onthaal.
Is jy verloof en opsoek na oulike diensverskaffers wat jou troudag spesiaal sal maak? Besoek Mooi Troues se Trougids. As jy meer wil sien van Ryan en Simonè se strand troue in Struisbaai asook hul liefdesreis as paartjie, rol gerus af.
Paartjie se Liefdesreis:
Dit is nogal ʼn snaakse storie. Ons het op universiteit ontmoet, maar ons was nie eens na dieselfde kollege toe nie. Ek was by Potchefstroom NWU en Ryan was by Bloemfontein Universiteit. Ons het ontmoet op ʼn prettige partytjie aand, tydens ʼn universiteit toernooi, NWU teen Bloem. Hy het vir my ʼn drankie by die kroeg gekoop aangesien ek nogal lank gewag het om gehelp te word, ons het kort gesels, nommers uitgeruil en ons eie weë gegaan.
Ons het elke maand of drie net vinnig op Whatsapp gesels, maar het mekaar nooit weer gesien nie. Hy het in Gauteng begin werk, ek het na Italië verhuis en daar begin werk.
Maande later het ek teruggetrek Suid-Afrika toe in Kaapstad vir ʼn nuwe werk as troukoördineerder en ingetrek na hierdie lieflike landgoed in Somerset-Wes. Ek het vir hom ʼn ewekansige boodskap gestuur, soos ons altyd doen, met my nuwe uitsig van waar ek woon. Ek het ʼn antwoord terug gekry met dieselfde uitsig, net uit ʼn ander woonstel!
Dit blyk dat ons albei nou in Somerset-Wes woon en dit in dieselfde landgoed! Hoe snaaks? Ons het vir roomys gegaan, baie goeie vriende geword en dit was nie lank nie of hierdie vriendskap het ons vir altyd geword!
Ons verlowing storie:
Ryan het my gevra – nog ʼn snaakse storie. Ek het gedink ek en my vriendin gaan op ʼn meisies naweek. Toe ons by die pragtige huisie buite in Gansbaai kom het sy vir my gesê ek moet uitklim en ingaan, sy wou net haar ma bel om vir haar te sê ons het veilig aangekom.
Toe ek by die deur kom, sien ek ʼn ou aan die ander kant met blomme en kerse en musiek – ek het nie my bril op gehad nie en kon nie so ver sien nie – ek hardloop terug na my vriendin toe om vir haar te sê ons moet dadelik vertrek aangesien ons op die verkeerde plek is en ons iemand se verlowing bederf.
Sy moes drie keer vir my sê om net in te gaan voor ek klik dit was nie iemand anders se verlowing wat ek bederf het nie – dit was myne!!! Dit was absoluut pragtig – Ryan het alles uitgehaal met kerse rondom, roosblaar-wandelpad, ons gunsteling-ete en ʼn bietjie vonkelwyn!
Die Verlowing Tydperk:
Ons was net minder as ʼn jaar verloof – Ryan het op 30 April 2021 my gevra om te trou en ons het op 9 April 2022 getrou. Ons het beslis ʼn troubeplanner gehad. Gelukkig was daardie troubeplanner ek. 🙂 Ek het my eie maatskappy, Dear Grace Event Specialists, en ek het presies geweet wat ons wou hê en hoe om die beplanning gesorteer te kry.
Ryan het altyd net genoem waarvan hy hou en die res aan my oorgelaat, hy het geweet ek sal dit vir hom kry. So ek dink jy kan sê ons het die beste van albei wêrelde gehad – ons het dit self beplan, maar het beslis ʼn troubeplanner gehad om die werk gedoen te kry. Haha!
Trou Begroting:
Snaaks genoeg het ons nie regtig ʼn trou begroting gehad nie. Ons het geweet wat ons wou hê en was bereid om te betaal vir die belangrike elemente wat ons wou hê – ʼn ontspanne troue, geen “ditjies-en-datjies”, op die strand met die mense wat vir ons die belangrikste is en alle elemente wat vir ons iets spesiaals dra.
Ons hoofdoel was om pret te hê en op ʼn heerlike wittebrood te gaan. So ons het net seker gemaak ons het alles wat ons wou hê. Op die einde van die dag hou jy net een keer in jou lewe ʼn troue en wittebrood en ons wou hê dit moet die fokus en hoofdoel wees. Ons het 60 gaste onthaal.
Raad wat ek kan gee:
Moet nie op die klein dingetjies fokus nie. Vind die elemente wat vir jou die belangrikste is vir jou spesiale dag (byvoorbeeld: die kos moet mooi wees, of die tafeldekor moet mooi wees, of die trourok ens.) en fokus daarop dat dit perfek is. Maak jou dag jou eie en moenie geld spandeer op dinge wat nie altyd nodig is nie.
Gunsteling Diensverskaffers:
Die troubeplanner – Beste Grace Event Specialists hahaha, Dit het die verskil gemaak om te weet wat om te doen en om ʼn professionele persoon daarmee te wees. Ryan was meer gestres as wat ek ooit was! Maar al die verskaffers was regtig ongelooflik, ons kan net een nie kies nie!
Merkwaardigste Oomblikke:
- Die oomblik toe ek my geloftes hardop voor almal moes aflê, voor God en vir my man. Belowe ʼn leeftyd saam.
- Die fotosessies met ons gaste, met ons gevolg en paartjie fotosessie. Dit was winderig en koud, maar dit was opwindend en pret.
- Die toesprake van ons naaste familie en vriende – hulle het alles uitgehaal, dit pret gemaak en spesiaal gemaak. Dit het die wêreld vir ons beteken.
Paartjie se styl:
My trourok is spesifiek ontwerp rondom my pêrel kopband. Die rok was elegant genoeg om ʼn trourok te wees, maar afgerond om by die strand trou tema te pas. Die klein besonderhede (klein pêrelagtige kraletjies) op die rok het die pêrel kopband en oorbelle gekomplimenteer. Ek het geweet wat ek wou hê en my rok ontwerper het dit alles laat gebeur.
Bruidegom se drag is gekies om by die strandtroue en die kleure van die troue (sjampanje) te pas. Ligte beige broek, met ʼn wit hemp en bruin bykomstighede (skoene, gordel, horlosie). Sy jas was klassiek, maar nie te formeel om by die strandtroue in te pas nie.
Die bruid se trouring is klassiek, tydloos en simplisties. Groot ovaal diamant met twee klein diamantjies aan elke kant en ʼn dun witgoud band. Die bruidegom se trouring is ʼn verfynde wolfram tradisionele band met matte afwerkings en hoë skyn kante.
Die Besluitnemingsproses:
Ek (die bruid) het al die kreatiewe besluite geneem en die bruidegom het al die finansiële besluite geneem. Geen familie of vriende was betrokke by die besluitnemingsproses nie – ons het alles self gedoen en wou net hê ons familie en vriende moet die dag saam met ons geniet.
Spesiale Tradisies:
Familie tradisie – My (bruid se) familie het ʼn liedjie oor ons en ons liefdesverhaal geskryf en die hele familie het hierdie liedjie vir ons gesing op ons troudag. Nogal groot vermaak! Hulle het dit alles geoefen en geharmoniseer tydens ons paartjie fotosessie toe ons weg was, so vir een oefening het hulle dit voldoen! 🙂
Venue & Dekor:
Om die trou venue te kies was maklik – albei van ons wou ʼn strandtroue hê. Ek wou hê dit moet in Struisbaai by die hawe wees waar ek en my gesin altyd vir Desember vakansies gegaan het en ʼn plek waarvoor my ma altyd lief was. My Ma is net voor ons troue oorlede en dit was ʼn manier om die troue spesiaal en uniek te maak en my ma deel te maak van ons troudag.
Die trou dekor was ʼn weerspieëling van ons – neutraal, simplisties, maar elegant met ʼn plof kleur. Alles by die troue het ʼn betekenis en ʼn unieke plek gehad. Ek het self die illustrasies vir tafel plasings geteken – vir ons was dit dat ons iets spesiaals gemaak het vir ons gaste wat van ver af gekom het.
Die ‘nie-so-perfek’ oomblikke:
Haha – Ons trou liedjie het te vroeg begin, so ons moes dansvloer toe hardloop om te begin dans. 😀 Maar nee, niks het verkeerd geloop op ons dag nie, ons was mal oor elke oomblik daarvan en die klein dingetjies wat nie beplan was nie, was nogsteeds nie enigsins ʼn probleem.
Advies aan toekomstige bruide & bruidegomme:
Raad van die bruidegom:
Los die kreatiewe beplanning aan die vrou en kry ʼn troubeplanner as vrou! 😀
Raad van die bruid:
Moenie bekommerd wees oor die klein onvolmaakthede nie, geniet jou dag, maak elke oomblik tel en neem alles in, dit gaan heeltemal te vinnig verby!
Eerste Dans:
Die eerste dans was op die liedjie “At the beginning” van Richard Marx en Donna Lewis. Die woorde van die liedjie beskryf ons liefdesverhaal perfek en daarom het ons dit gekies. Dit het ook baie goed gewerk vir dans op strand sand, stadig en gee ons tyd om te beweeg.
Ons het elke Dinsdag en Donderdag vir 4 weke vir dansklasse gegaan. Ons was nogal verskriklike dansers, maar ons dans-instrukteur was ongelooflik en ons trou dans was perfek alhoewel dit moeilik was om op strand sand te dans.
Wittebrood:
Ons is Mauritius toe op ʼn alles-insluitende pakket. Ons het dit spesifiek gekies aangesien ons strand mense is, ons is mal oor die see, ons wou snorkel, ontspan en hope skemerkelkies drink. Ryan was ook nog nooit oorsee nie, so dit was vir ons baie belangrik om iets in die buiteland te geniet, ʼn ander kultuur te ervaar en ʼn ander land te sien.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ʼn diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf:
- Venue: Catch Cook Restaurant, Struisbaai
- Bruidegom-pak: Woolworths + Zara +Truworths
- Dekor: Dear Grace Event Specialists
- Gaste Geskenke: Dear Grace Event Specialists
- Hare + Grimering: Che Makeup and Hair
- Huwelik kontrak: Le Roux (Eckaard) Attorneys
- Huurdienste: Candle Hire
- Huweliksbevestiger: Ds. Louis Buys
- Pêrel kopband: Daisy Daywear
- Pêrel oorbelle: Bruide se Ma
- Skoene: H&M
- Diamant oorbelle, halssnoer + armband: American Swiss
- Koördineerder: Dear Grace Event Specialists
- Platejoggie: DJ Jaco
- Paartjie se verblyf: Langezandt Fisherman’s Village Estate
- Strooijonkers bykomstighede: Woolworths + The Groom & co. + Fossil
- Skoene: Woolworths
- Skryfbehoeftes: Dear Grace Event Specialists + Fine Line Studio
- Strooimeisie-rokke: Kostuum Designs
- Trourok: Kostuum Designs
- Trouring – Bruid: Prins & Prins
- Trouring – Bruidegom: Grand Diamonds
- Troukoek: The Cake Duchess
- Wittebrood plek: Radisson Blu Poste Lafayette, Mauritius
