Ons deel die mooiste Kaapstad Spaar die Datum trou kaartjie met julle. Hierdie oulike spaar die datum kaartjie is ontwerp deur Invitation Café. Die inspirasie agter die trou kaartjie is Kaapstad as geheel. Verskillende van Kaapstad toerisme besienswaardighede is bymekaar geplaas om hierdie kunswerk te ontwerp.
Diep en helder waterverf kleure was gebruik op ʼn roomkleurige agtergrond en bottel groen koevert. Alles pas só mooi bymekaar. Ons weet nie van julle nie, maar ons sal baie opgewonde wees as ons só ʼn mooi spaar-die -datum kaartjie in die posbus moet ontvang.
Dit is ʼn gemaklike A6-grootte kaartjie met ronder hoeke. Die koevert is ʼn C6-grootte hand gemaakte koevert, met ʼn mooi waterverf illustrasie binnekant wat mooi deur vloei vanaf die spaar die datum kaartjie. Hierdie is ʼn prettige kleurvolle, maar nogsteeds stylvolle trou skryfbehoefte tema wat ons baie graag by meer troues wil sien.
Rol af om meer te sien van die oulike spaar die datum kaartjie. Wil jy jou eie een laat ontwerp vir jou troue? Kontak gerus vir Invitation Café.
Meer oor Skryfbehoeftes op Mooi Troues
Trou skryfbehoeftes speel ʼn belangrike rol in jou troudag. Daarom deel Mooi Troues weekliks trou skryfbehoefte inspirasie van ons bydraers. Hulle is professionele grafiese ontwerpers met ondervinding in die trou bedryf. Die bydraers verstaan waarna die moderne bruidspaar opsoek is en ken die nuutste tendense. Mooi Troues het ʼn groot verskeidenheid skryfbehoeftes aanlyn, wat ontwerp is deur talentvolle grafiese ontwerpers.
Die trou uitnodiging is een van die eerste indrukke wat jou gaste van jou troue sal kry. Wanneer gaste die venue binnekom, is die eerste dinge waarna hulle soek die sitplek kaartjie, asook die naamkaartjies op die tafels. Wanneer jou gaste by hul sitplek sit, is almal gewoonlik nuuskierig om te weet wat hulle gaan eet. Dus sal die spyskaart op die tafel ook deel wees van jou gaste se eerste indruk van die onthaal.
Is jy opsoek na trou skryfbehoeftes vir jou grootdag? Mooi Troues bied gratis trou skryfbehoeftes inspirasie, beskikbaar aanlyn. Elke bruidspaar wat opsoek is na iets uniek vir hulle troue, sal by Mooi Troues iets vind.
Ons het ook ʼn groot verskeidenheid gratis aflaaibare trou skryfbehoeftes beskikbaar. Jy kan gratis vanaf Mooi Troues aflaai, laat druk en vir jou troudag gebruik. Klik hier om te kyk na ons gratis skryfbehoeftes.
Jy kan kies en keur tussen honderde verskillende trou uitnodigings, spyskaarte, naam kaartjies en vele ander items. Indien jy opsoek is na skryfbehoefte ontwerpers wat Mooi Troues aanbeveel, klik hier om ons Trougids te besoek.
Mooi Troues hoop jy geniet die bron van inspirasie wat ons vir jou troudag bied.
Artikel Krediet:
- Skryfbehoeftes: Invitation Café
