Met opgewondenheid deel ons met julle die Tydlose Toskaanse trou inspirasie by ʼn oulike Toskaanse styl trou venue in Muldersdrift. As jy opsoek is vir trou inspirasie vir jou eie troue, dan sal jy oulike idees in hierdie artikel vind. Die tema sal ook perfek werk vir ʼn selfdoen troue.
Hulle het gegaan vir ʼn meer neutrale kleurskema. Die gebruik van perske-kleur en ook skakerings van bruine het só mooi ingepas by die hele tema van die fotosessie. Met die sagte kleure van die blom ontwerpe en dekor op die rou hout tafel en die hout stoele staan so mooi uit en pas perfek in by die hele tema.
Hierdie tafel uitleg is net genoeg vir ʼn mooi selfdoen troue. Daar is slegs drie potjies blomme op die tafel en dit lyk só mooi! Jou gaste kan nogsteeds lekker gesellig wees en oor die blom ontwerpe met mekaar gesels sonder dat iets in hul pad is. Die gebruik van goue potte werk perfek saam met die sagte perske-kleur. In kontras is daar die dun glas kershouers met spierwit kerse in. Dit gee weer ʼn moderne gevoel aan die tafel.
Is jy besig om jou troue te beplan en opsoek na diensverskaffers vir jou troue? Besoek Mooi Troues se Trougids. Ons het betroubare en professionele diensverskaffers.
Rol af om meer te lees oor die tydlose Toskaanse trou inspirasie fotosessie.
Wie het die fotosessie gereël?
Blommekind Photography
Inspirasie agter die fotosessie:
In 2016 het ek Italië besoek. Dit is tot op hede een van my gunstelinge plekke in die wêreld. Die kos, kultuur, landskap en argitektuur is alles genoeg om jou knieë lam te maak. The Moon and Sixspence se Tuscan Venue het vir my dieselfde gevoel gegee tydens ʼn fotosessie wat ek daar gedoen het, dit het my die inspirasie gegee vir die fotosessie. Om die Italiaans geïnspireerde venue te gebruik om die tydlose beeldskoonheid wat Italië bied te herskep hier in Suid Afrika.
Hoekom is die span diensverskaffers gekies om saam te werk?
Al die diensverskaffers gekies vir die fotosessie het ek al voorheen saam mee gewerk of is op aanbeveling van mense saam met wie ek voorheen gewerk het. Ek weet hulle almal lewer uitmuntende werk en plaas met trots my naam langs hulle sin.
Agter die skerms van die fotosessie:
In hierdie Tydlose Toskaans fotosessie was tyd ons grootste probleempie op die dag. Weens onvoorsiene omstandighede was van ons verskaffers laat, wat die hele dag se beplanning agter skedule geplaas het.
Merkwaardigste deel van die fotosessie:
Die merkwaardigste deel van die fotosessie is hoe alles so perfek bymekaar gekom het, wat dit laat voel het asof ek in die strate van Italië rondloop.
Kleurskema:
Die neutrale en perske kleurskema is gekies om die bruin tone van die Toskaanse venue te komplimenteer en om die tema al hoe meer uit te beeld.
- Juweliersware: Miekeraai
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Blommekind Photography
- Blomme: Colour Country Flora
- Dekor: Eastco Party Hire
- Grimering: ZC Make Up
- Hare: ZC Make Up
- Trourok: Nicha Clothing
- Venue: The Moon and Sixpence
