Ons deel vandag ʼn baie stylvolle en elegante swart en goud trou uitnodiging ontwerp. Invitation Café het gebruik gemaak van swart en goud foelie om ʼn baie kreatiewe ontwerp te skep.
Die ontwerp is gedoen in ʼn 60’s Hollywood-glans tema met ʼn moderne aanslag. Dit skep ʼn formele, elegante en glansende gevoel. Perfek vir ʼn troue waar jy wil hê dit moet ʼn swart das geleentheid wees.
Daar is gebruik gemaak van growwe tekstuur swart papier vir die uitnodiging sowel as die koevert. ʼn Kreatiewe insetsel van swart en goud foelie is sigbaar in die geskrewe sowel as die rant van die koevert. Die ontwerper het dimensie geskep in die ontwerp deur swart foelie te gebruik op die swart agtergrond van die kaartjie.
Rol nou af om meer te sien van die swart en gou trou uitnodiging ontwerp.
Meer oor Skryfbehoeftes op Mooi Troues
Trou skryfbehoeftes speel ʼn belangrike rol in jou troudag. Daarom deel Mooi Troues weekliks trou skryfbehoefte inspirasie van ons bydraers. Hulle is professionele grafiese ontwerpers met ondervinding in die trou bedryf. Die bydraers verstaan waarna die moderne bruidspaar opsoek is en ken die nuutste tendense. Mooi Troues het ʼn groot verskeidenheid skryfbehoeftes aanlyn, wat ontwerp is deur talentvolle grafiese ontwerpers.
Die trou uitnodiging is een van die eerste indrukke wat jou gaste van jou troue sal kry. Wanneer gaste die venue binnekom, is die eerste dinge waarna hulle soek die sitplek kaartjie, asook die naamkaartjies op die tafels. Wanneer jou gaste by hul sitplek sit, is almal gewoonlik nuuskierig om te weet wat hulle gaan eet. Dus sal die spyskaart op die tafel ook deel wees van jou gaste se eerste indruk van die onthaal.
Is jy opsoek na trou skryfbehoeftes vir jou grootdag? Mooi Troues bied gratis trou skryfbehoeftes inspirasie, beskikbaar aanlyn. Elke bruidspaar wat opsoek is na iets uniek vir hulle troue, sal by Mooi Troues iets vind.
Ons het ook ʼn groot verskeidenheid gratis aflaaibare trou skryfbehoeftes beskikbaar. Jy kan gratis vanaf Mooi Troues aflaai, laat druk en vir jou troudag gebruik. Klik hier om te kyk na ons gratis skryfbehoeftes.
Jy kan kies en keur tussen honderde verskillende trou uitnodigings, spyskaarte, naam kaartjies en vele ander items. Indien jy opsoek is na skryfbehoefte ontwerpers wat Mooi Troues aanbeveel, klik hier om ons Trougids te besoek.
Mooi Troues hoop jy geniet die bron van inspirasie wat ons vir jou troudag bied.
Artikel Krediet:
- Skryfbehoeftes: Invitation Café
