Ons deel die romantiese verlowing gestileerde inspirasie fotosessie vir ons lesers wat ʼn verlowing fotosessie beplan. Hierdie fotosessie was by Whispering Thorns trouvenue in Mpumalanga. Paartjies wonder altyd wat hul kan doen vir hul verlowing fotosessie. Nou het ons die perfekte voorbeeld van wat moontlik is. Alhoewel hierdie fotosessie ʼn gestileerde fotosessie is, is dieselfde moontlik vir jou verlowing fotosessie.
Met ʼn bietjie beplanning en professionele diensverskaffers, kan jy ʼn verlowing fotosessie hê waaroor almal sal praat. Die gestileerde fotosessie het soveel elemente waaroor ons mal is. Eerstens, dit kan perfek werk in die winter weer ook, omdat dit binnehuis gedoen is. Die skakerings van sagte blou, wit en rottang kleur is ʼn wen kombinasie. ʼn Tafel vir twee was ook gedek en ʼn moderne koek bedien!
Die fotosessie se uitleg en tema kan ook werk vir ʼn klein troue. As jy opsoek is na idees vir jou verlowing fotosessie is jy op die regte plek. Die paartjie het ʼn fotosessie gewen by die groepie talentvolle diensverskaffers wat die fotosessie moontlik gemaak het. Rol af om meer te lees oor die fotosessie en baie mooi foto’s te sien.
Wie het die fotosessie gereël?
Die fotosessie is gereël deur al die betrokke diensverskaffers.
Inspirasie agter die fotosessie:
Die tema was ʼn koel kleur palet met grys en wit; daar is pink en roos goud ingebring om die sessie tog bietjie warmte te gee. Loop skrif op die skryfbehoeftes en die self getekende hande op die koek het bygevoeg tot die romantiese aspek.
Hoekom is die span diensverskaffers gekies om saam te werk?
Al die diensverskaffers is gevestig in die Laeveld. Hul het saam ʼn kompetisie gehardloop waarvan die gestileerde fotosessie die prys was.
Agter die skerms van die fotosessie:
Ons het op die dag besluit ons wil graag twee uitrustings doen vir die fotosessie. Om dit meer verskeidenheid te gee ten opsigte van foto’s. Marinda van Whispering Thorns het sommer vinnig die pragtige wit rok uit haar kas gaan haal.
Merkwaardigste deel van die fotosessie:
Hoe mooi alles saam werk en bymekaar gekom het. Natuurlik praat al die diensverskaffers en bespreek die tema en gevoel van die sessie vooraf. Dit bly altyd merkwaardig om te sien hoe goed al die verskillende elemente mekaar komplimenteer en ʼn algehele gevoel skep vir die foto sessie.
Dekor:
Marinda en Carmen van Whispering Thorns is die twee wat verantwoordelik was vir die pragtige tafel en blomme. Die fotosessie het ook geskied in hul mooi venue.
Daar is aan al die diensverskaffers ʼn kleur palet gestuur en op ʼn Whatsapp groep bespreek wat die gevoel van die sessie is. Van daar af het hulle hul eie inisiatief geneem met die tafel en dekor.
Ons het ʼn koel kleur palet gehad maar het tog warm elemente ingebring om nogsteeds ʼn romantiese gevoel te skep, soos die materiaal plek maatjies en die hout kershouers.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Marné Photography
- Blomme + Dekor: Whispering Thorns
- Grimering + Hare: Beautiful You Salon
- Juweliersware: Annabeton
- Troukoek: Royal Treats
- Skryfbehoeftes: 4 Keep Sakes
- Geel rok: Hello Gorgeous Clothing
- Venue: Whispering Thorns
