Hier by Mooi Troues is ons opgewonde om met ons lesers Deon en Lara se bruilofsfees in ʼn wynkelder met julle te deel. Hierdie paartjie se bruilofsfees is iets anders as die norm.
Lara vertel dat sy self in die konferensie-bedryf werk. Sy was opsoek was na iets anders vir haar en Deon se troue. Hulle het terwyl hul eendag gery het toevallig op hul trouvenue met ʼn wynkelder gevoel in Durbanville, Kaapstad afgekom. Die Kaapse wynlande is vreeslik populêr onder paartjies wat trou, veral die Stellenbosch-wynroete. In die foto’s hieronder sal julle sien net hoe mooi Durbanville se wynroete ook is vir troues. Daar baie spog trouvenues wat uitstekende diens lewer.
Baie dankie aan Gustav Klotz Photography vir die pragtige foto’s wat ons nou met ons lesers in die inskrywing kan deel. Julle kan rustig afrol en Gustav Klotz Photography se werk geniet. Indien julle aanklank vind by die talentvolle fotograaf se werk, kan julle Gustav Klotz Photography op met Gustav Klotz Photography in kontak te tree.
Lara vertel ook hoe sy tot haar trourok gekom het. Eers het sy ʼn spesifieke styl rok oral op webblaaie en sosiale media gesien, en dadelik besef sy hou nie van hierdie styl trourok nie! Daarna het sy deur vele trourok aanpassings gegaan om te besef waarvan sy nie hou nie. So was haar trourok spesiaal vir haar ontwerp en gemaak, sy het beeldskoon gelyk op hul troudag.
Die paartjie het plaaslik hul wittebrood gehou en ons lesers sal bly wees om te lees dat ons al in die verlede van die plekke besoek het en selfs resensies oor die wittebrood plekke geskryf het. Ons hoop julle geniet dit 🙂
Nou toe, rol af en geniet Deon en Lara se bruilofsfees in Durbanville se wynroete.
Paartjie se Liefdesreis:
Lank lang gelede met ʼn glasie wyn het ʼn meisie en ʼn kêrel mekaar ontmoet en die koers van hul sterre het vir altyd verander … Ons verhaal het op 25 Desember 2018 begin wat bedoel was as ʼn vinnige ontmoeting en ʼn Kersfees-heildronk op ʼn glas wyn.
Ons wil graag dink dat ons ʼn liefdesverhaal van die 21ste eeu het: ons het in Desember 2018 op ʼn gewilde “dating-app” ontmoet en daardie noodlottige ontmoeting gehad nadat ons middagete met ons onderskeie gesinne geëet het. Daar is beslis ʼn vonk van die begin af, maar ons het aanvanklik flirterig gespeel met raai speletjiese van albei kante om dinge aan die gang gehou. Maar dinge het op 24 Januarie 2019 verander toe ons albei besef dat hier beslis iets meer spesiaals was en dat ons dit moes vashou.
Een warrelwind van ʼn jaar later het Deon vir Lara gevra om te trou in die mees romantiese onverwagte verlowing op 25 Januarie 2020 terwyl hul weg was by The Arabella vir sy verjaardag-naweek.
Die Verlowing Tydperk:
Ons moes aanvanklik op 8 Augustus 2020 getroud wees, want ons hou albei van die koeler weer. Weens die feit dat Covid-19 en Lara se ma in die Verenigde Koninkryk onder grendeltydperk was en nie in SA kon terugkeer nie, is ons troue tot 5 Desember 2020 uitgestel.
Ons was verloof vir net oor die 10 en half maande voordat ons getrou het.
Lara het die hele troue beplan, van konsep tot dekor tot verkryging van trou diensverskaffers.
Ons het ʼn trou-koördineerder op die dag van ons troue gehad. Ons kerk seremonie en trouvenue vir die onthaal was apart. Die koördineerder moes verseker alles verloop glad.
Finansiële Aspekte:
Ons het glad nie by ons oorspronklike begroting gehou nie. Ons het oorspronklik gedink om so tussen R60,000 en R70,000 te spandeer op ons troue. Die totaal vir ons troue het by die R130,000 gedraai.
Ons was streng met ons begroting, maar daar was sekere items wat baie belangrik was vir ons en dit het ons oor begroting laat gaan. Ook het ons ongelukkig geld verloor weens ʼn trou diensverskaffer wat besigheid moes toemaak weens KOVID-19.
Daar was 65 gaste by ons troue.
Ons het besluit op ʼn kontant-kroeg en slegs vir “pre-drinks” betaal.
Daar was glad nie geskenke aan ons gaste nie.
Geen programme was gedruk vir ons kerk seremonie.
In plaas daarvan om voorgeregte te hê, het ons besluit om dit uit te ruil en ʼn Oestafel. Dit beteken dat ons niks ekstra vir canapés hoef te betaal nie.
Daar was nie vermaak gedurende die welkom drankies nie. Lara het van haar Pa (hy is oorlede) se gunsteling liedjies gespeel en die het baie goed gewerk.
Spesiale Tradisies:
Aangesien albei pa’s oorlede is, het ons gesorg dat hulle op een of ander manier by die troue deel was. Ons het ʼn foto van hulle elk gehad, asook ʼn roos in die sitplekke in die kerk waar hulle sou gesit het. Ons het ook twee kerse laat druk, een vir Deon wat “Pa” gesê het en een vir Lara wat “Dad” gesê het. Dat het ons elkeen ons huwelikskers by die kerk aangesteek. Lara het haar pa se blou sakdoek saam af die toegang gedra en dit tydens die seremonie gebruik.
Sy polisie-kenteken was in haar boeket blomme en haar ma het ʼn kousband van sy das gemaak.
Ons huwelikseremonie was ʼn tradisionele Katolieke troue.
Merkwaardigste Oomblikke:
Lara:
Toe ek Deon sien wag aan die einde van die trougang. Ek was senuweeagtig om in die trougang te loop sonder my Pa en was nie seker of ek dit sou kon doen nie. Ja, daar was baie trane, maar om Deon te sien het dit makliker gemaak. Ek het niemand anders gesien nie, net hom in die oomblik.
Deon:
Die trou onthaal. Na al die formaliteite afgehandel was en ons kon dans en die aand geniet saam al ons familie en vriende.
Paartjie se styl:
Trourok:
Ek het altyd geweet min-of-meer wat ek wou hê, maar was nie presies seker nie. Daar was ʼn tipe trourok wat ek heeltyd gesien het op Webblaaie en Sosiale Media. Vinnig het ek besluit dat ek nie so trourok wil hê nie, wat van illusie gaas, kant en tulle gemaak was. Ek het gedink dat ek ʼn kant trourok wil hê, maar na 2 rok aanpassings het ek besef ek hou glad nie van kant nie. Na aanpassings van baie verskillende tipe trourokke het Elizabeth Stockenström vir my ʼn pasgemaakte trourok gemaak. Die trourok het ʼn kralewerk korset lyfie. met ʼn pragtige swaar wit satyn rok, en ʼn dramatiese trein. Elizabeth en haar span het ʼn fantastiese werk gedoen en die rok klaar gemaak binne 3 weke. Ek het die laaste aanpassing gehad die week van ons troue en ek was absoluut lief vir my trourok.
Troupak:
Deon wou ʼn donkerblou pak met ʼn dun snit hê, wat hy by Suit Hire kon kry
Trouringe:
Deon het besluit op ʼn Tungsten ring, terwyl Lara ʼn diamant “eternity band” gekies het om by haar diamant-halo-verloofring te pas.
Gunsteling Diensverskaffers:
Beslis ons fotograaf. Gustav Klotz het ʼn wonderlike energie. Hy het ʼn wonderlike werk gedoen met ons verlowings foto’s, troufoto’s en trou hoogtepunt video. Na die troue het ek nog steeds gesê dat ek die fotograwe nie eers tydens die toesprake of tydens die huwelikseremonie gesien het nie, maar elke oomblik is op die kamera vasgevang. Was so tevrede met ons keuse om hom te bespreek as ons troufotograaf.
Vermaak:
Ons het ʼn DJ vir die onthaal gehad en Lara het ʼn snitlys saamgestel van haar pa se gunsteling liedjies wat tydens die verwelkomings drankie gespeel is (haar pa is oorlede).
Die ‘nie-so-perfek’ oomblikke:
My welkom-bord by die kerk was nie wat ek bestel het nie. Nie een van my gaste sou dit weet nie, maar dit stem nie eens ooreen met wat ek bestel/bespreek het nie.
Die wind was buitengewoon sterk. Net voor ek die kerk binnestap, waai my sluier amper weg. Ons kon nie vanweë die wind ons foto’s neem soos ons beplan het nie, maar Gustav het ʼn plan gemaak en ons het dit na ʼn bietjie later geskuif tot net voor die opening van die dansvloer, toe die wind ʼn bietjie gesak het en terwyl die gaste aandete geëet het.
Venue & Dekor:
Lara:
Ek wou nog altyd ʼn venue hê wat nie lyk soos ʼn trouvenue nie. Ek werk in die konferensie-bedryf en het nog altyd gesê dat dit nie mag lyk asof u ʼn konferensie kan hou in die lokaal wat ek vir my troue gekies het nie. Dit het beteken dat ek iets anders wou hê, nie die norm nie, met baie natuurlike lig en glas.
Toevallig het ons Canto Wines gesien terwyl ons verby dit ry. Hierdie pragtige klein trouvenue in die middel van wingerde. Omdat ons weet dat ons in die Katolieke Kerk van Durbanville wou trou, moes ons ʼn plek vind wat naby is. Ons het ʼn afspraak gemaak om die venue te sien en dit het ʼn regmerkie in al die boksies vir ons gemaak.
Ons klein hoeveelheid gaste sal nie in die lokaal verlore raak nie, want die grootte is ideaal vir ʼn intieme troue. Die lokaal is warm, baie natuurlike lig en iets heeltemal anders.
Baie Pinterest-tyd het in die dekor gegaan 🙂 Van die oomblik dat ons die troue begin beplan het, het ons geweet dat ons kleure blos-pienk, room en goud sou wees. Ons wou iets elegant hê, maar nie oorbodig nie, en het nogtans gesorg dat dit ontspanne voel en dat ons ʼn warm, aangename omgewing vir ons gaste skep. Dit is moontlik gemaak deur baie groen, kerse en feetjie liggies te gebruik.
Advies aan toekomstige bruide & bruidegomme:
Lara
Dit is een van die stresvolste tye wat ek nog beleef het. Moontlik omdat dit vererger is deur ʼn wêreldwye pandemie, maar ek het nog altyd gedink dat ek ʼn rustige bruid sou wees, maar ek was nie. Probeer sover moontlik kalm bly en die proses geniet en neem alles in.
Praat met jou “bride tribe” en jou ma, myne was ʼn groot bron van ondersteuning vir my, sowel as my verloofde. Dit is waar wat hulle sê, dit is binne ʼn oogwink verby. Geniet dus elke oomblik, absorbeer dit alles, absorbeer die proses en skep vir julself herinneringe.
En jy en jou verloofde sal mekaar vererg, veral net voor die troue, maar dit is alles normaal. En die beste deel van alles is om op die trougang af te loop en te sien hoe jou toekomstige man op jou wag. Dit maak alles die moeite werd en om jul troue saam met vriende en familie te geniet, ʼn herinnering wat julle vir altyd na aan jul harte sal hou.
Deon
Hou dit klein en probeer om binne jul begroting te bly.
Die Besluitnemingsproses:
Lara het die meeste besluite geneem 🙂 Deon het net op die dag opgedaag 😉
Ek het al my idees van my ma sowel as my strooimeisies gedeel. Ons het ʼn WhatsApp-groep gehad en ek het deurlopend prentjies van idees gestuur wat ek gesien het, of as ek kwotasies ontvang het om hulle te vra wat hulle dink.
Voordat ek finale besluite geneem het, het ek Deon gewys, maar uiteindelik het hy dit aan my oorgelaat om te besluit 🙂
Eerste Dans:
Ons het wel ʼn eerste dans gehad, dit was My Alles van Bobby van Jaarsveld. Ons het die paar weke voor die troue ʼn paar danslesse gehad.
KOVID 19 se uitwerking op jul troudag:
Ja, ons troue is beïnvloed deur KOVID-19.
Ons sou op 8 Augustus 2020 trou, maar omdat Lara se ma steeds in die Verenigde Koninkryk vasgevang is en nie kon terugkeer na Suid-Afrika nie, het ons die troue na 5 Desember 2020 geskuif in die hoop dat ons op daardie datum trou.
Ons was baie gelukkig dat daar mettertyd ʼn gaping was wat ons in staat gestel het om te trou en dat Lara se ma weer in SA kon kom.
Aangesien ons al ons troudiensverskaffers se deposito’s betaal het, moes ons ʼn datum vind wat vir almal kon werk. Ons het drie alternatiewe datums gekies en almal gevra wanneer hul beskikbaar is. 5 Desember was die datum wat vir ons bedoel was 🙂
Wittebrood:
Aangesien ons nie kon reis nie, het ons besluit om plaaslik te bly. Ons het ʼn reisagent gebruik om ons met ons besprekings te help en het ʼn reis in die Wes-Kaap onderneem.
Ons het die eerste aand in Swellendam begin. Vandaar het ons twee nagte in Gondwana Game Reserve deurgebring, voordat ons nog twee dae na die Knysna Treetops gebly het. Van daar af het ons teruggekeer na Kaapstad en ʼn nag in die Arabella Hotel & Spa oorgebly, want dit is ʼn plek wat ons na aan die hart lê. Ons wittebrood by Kol Kol afgesluit het.
Dit is die eerste keer dat ons albei ʼn plaaslike reis soos hierdie onderneem, en wat ons opgemerk het, is dat ons ʼn pragtige land het wat soveel bied. Die diensvlak van al die plekke was van wêreld gehalte en so lekker soos dit is om na die buiteland te reis, het ons soveel om te bied reg hier by ons eie voorstoep. Ons was lief vir elke minuut van ons wittebrood, dit was ons klein geluksaligheid. Om ʼn troue te beplan is nogal stresvol en dit is absoluut ʼn seën om hierdie tyd alleen na die troue met mekaar te kan hê.
- Fotograaf: Gustav Klotz Photography
- Platejoggie: DJ Jinx
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ʼn diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Canto Wines
- Blomme: Flowers by Anchane
- Bruidegom-pak: Mr Suit Hire Bellville
- Dekor: Flowers by Anchane
- Grimering: Ceclia Fourie Makeup
- Hare: Lezanne Voges
- Huwelik kontrak: Virtual Lawyers
- Huweliksbevestiger: Fr. Michael van Heerden
- Juweliersware: Opari
- Koördineerder: The Wedding Fairy
- Paartjie se verblyf: Meerendal Boutique Hotel
- Bruid Skoene: Opari
- Bruidegom skoene: Arthur Jack
- Skryfbehoeftes: Soapberry Design Studio
- Strooimeisie-rokke: Next UK
- Trourok: Elizabeth Stockenström
- Trouring: Wolf Bros
- Troukoek: Angel Cakes
- Videograaf: Miracle Media
- Wittebrood plek: Garden Route & Overberg
