Dillyn en Nazli se buitelug verlowing fotosessie is een vir die boeke. As jy ʼn natuurliefhebber is en ʼn oulike idee wil hê vir ʼn buitelug verlowing fotosessie, dan is die een perfek vir jou. Ons is mal oor die kleur pallet van die paartjie se uitrustings en hoe mooi dit inpas by die verskillende natuurtonele.
Ons is gek oor ʼn buitelug verlowing fotosessie soos die van Dillyn en Nazli! Die rede hiervoor is dat jy verskillende agtergronde het en die geleedheid het om gebruik te maak van die natuurskoon. Jy kon sien die paartjie het dit baie geniet. Hulle foto’s is so spontaan en die foto’s het ʼn warm gevoel gevul met glimlagte en liefde.
Beplan jy om verloof te raak? Boek jou fotograaf deur Mooi Troues se Trougids te besoek. Onthou om ook vooraf met die fotograaf te reël as dit ʼn verrassing fotosessie is, sodat jy nie die speletjie weggee nie. Daar is soveel wat mens kan doen! Vir nou kan julle die fotosessie van Dillyn en Nazli geniet. Rol af om meer te sien en te lees oor hul verlowing fotosessie.
Die paadjie wat gelei het tot die verlowing:
Ons is deur ʼn gemeenskaplike vriend voorgestel aanmekaar. Albei van ons het onmiddellik in mekaar belanggestel. Was dit liefde met die eerste oogopslag? Wie weet, maar ons het 5 jaar uitgegaan voordat ons verloof geraak het!
Die groot vraag:
Die verlowing was ʼn verrassing! Ons het nog altyd oor toekomsplanne gepraat, maar nie te veel oor wanneer ons sou wou trou nie. Al ons vriende het hom gehelp om die ring uit te soek!
Tydperk voordat die knoop deurgehak word:
Hopelik nie te lank nie. Ons sal binnekort in Frankryk woon, dus sal ons nie te lank wag om die knoop vas te maak nie!
Die verloofring:
Groot verrassing! Ek en my beste vriend het na foto’s van ringe vir iemand anders gekyk, en ek het gesê dat ek van ʼn Marques -snit hou. Min het ek geweet dat sy na inligting vir hom soek. Hy het met die ring voorgestel waarna ek en my vriend gekyk het!
Rede vir die verlowing fotosessie:
Ons verlowing was baie privaat, en ons wou die oomblik vaslê in foto’s en as ʼn bonus, gebruik vir die die trou-uitnodigings.
Inspirasie agter die verlowing fotosessie:
Ons het eintlik niks in gedagte gehad nie. Ons fotograaf, Sasha, het dit alles gedoen. Ek en Dillyn het opgedaag en sy het ons vertel wat om te doen, en die foto’s is pragtig!
[section=Klik hier vir diensverskaffers]
- Fotograaf: Sasha West Photography
- Verloofring: Prins & Prins Diamonds
