Ons deel die gestileerde Stylvolle Boheemse Soiree trou inspirasie, perfek vir die moderne paartjie wat hul verbeelding wil bevry. Boheemse-tema beïnvloed al vir ʼn geringe tydjie ʼn rol in trou dekor. Die styl word al hoe meer gewild en begin meer gesien word in paartjies se troues. So tema is ‘n gemaklike en informele tema wat jy verskillende elemente bymekaar kan sit om ʼn mooi styl te vorm.
Ons is mal oor die neutrale kleurpalet wat gebruik was vir die dekor van dié gestileerde fotosessie. Wit en skakerings van neutrale sand kleure gee die fotosessie ʼn sagte gevoel. Alhoewel dit daardie sagte gevoel het, het dit ook ʼn baie stylvolle elemente. Die uitgedroogde blomme trek onmiddellik jou aandag en dra by tot die tema van die fotosessie. Dan is daar sagte pienk en koraal uitgedroogde Hortensia’s wat bietjie kleur bring tot die dekor.
Die model, Mila, het pragtig gelyk in haar vintage styl trourok. ʼn Lieflike vloeiende trourok met soveel sagte detail op. Migael, het dapper gelyk in ʼn bruin en neutrale kleur skakerings troupak. Jy hoef nie altyd ʼn baadjie en broek aan te hê wat as eenheid verkoop word nie. Dit is wel baie belangrik om te gaan met ʼn baadjie wat wel perfek inpas by jou broek.
Hierdie fotosessie is ʼn voorbeeld van hoe mooi ʼn troue kan wees as diensverskaffers goed saam werk. Vir top diensverskaffers, besoek Mooi Troues se Trougids. Rolf af en geniet hierdie stylvolle Boheemse soiree trou inspirasie fotosessie.
Wie het die fotosessie gereël?
Griselda van Events Société en Maryke van Mooikrans Venue & Garden het koppe bymekaar gesit en so het die tema en inspirasie vir die fotosessie ontstaan.
Inspirasie agter die fotosessie:
Bevry jou verbeelding, sê tata vir die gewone en vervelige en laat jou kreatiwiteit mal perd galop. Die Boheemse styl is surrealisties is groter as groot. Lekker raserig, speels en los die deur wawyd oop om ʼn opwindende, plesierige ervaring vir jou , jou vriende en familie ʼn realiteit te laat word.
Hoekom is die span diensverskaffers gekies om saam te werk?
Tesame het ons besluit om gebruik te maak van verskeie verskaffers waarmee ons al in die verlede saam gewerk het. Verskaffers op wie ons kon staatmaak om die kreatiewe, speelse styl van die fotosessie te weerspieël.
Advies aan toekomstige paartjies wat troue beplan:
Neem inspirasie vanuit die natuur, wees kreatief en speels. ʼn Mens het nie altyd weelderige blomme en dekor nodig om jou spesiale dag stylvol te laat lyk nie. Neem jou gaste op ʼn persoonlik reis wat jul unieke, spontane, sorgvrye, gelukkige verhaal weerspieël.
Agter die skerms van die fotosessie:
Tenspyte daarvan dat dit die koudste dag hierdie winter was, het ons as ʼn span soveel pret gehad. Die wind het soms als omgewaai. Mila, ons model het ge-bibber van die koue. Almal se positiewe gesindheid en bereidwilligheid het gesorg vir ʼn fantastiese en suksesvolle dag.
Merkwaardigste deel van die fotosessie:
Dit was vir ons besonders spesiaal om vir die eerste keer na die grendel tyd weer te kon doen waaroor ons almal so passievol is. Dit was asof die rus en die paar maande wat ons nie kon werk nie ʼn nuwe kreatiewe lus in ons almal opgewakker het.
Dekor:
Dit was vir ons belangrik dat die dekor elemente ʼn spontane, sorgvrye atmosfeer skep. Met ʼn paar fokus elemente soos die waaierpalm wat uit bruinpapier gemaak is en die gedroogte takke. Die lang wit tafel was die perfekte doek om op te werk. Dit het alles as geheel saamgebring en skoon en natuurlik laat lyk.
Stylvolle Boheemse Soiree Trou Inspirasie
Kleurskema:
Die winter landskap was ons inspirasie met aardse kleure soos koper, bruin, grys en sand.
Venue en Ligging:
Mooikrans is soos ʼn juweel in die middel van Pretoria. Sodra jy deur die hekke gestap het voel dit asof jy jouself in ʼn oases bevind. Die tuine is asemrowend. Dan is daar die venue wat baie stylvol en gemeubeleer is. Dit bied kliënte soveel meer as net ʼn venue. Ons het besluit om die fotosessie buite in die granadilla kapel te doen, die sement en klip vloere en mosaïek teëls afwerking was die perfekte agtergrond.
Trourok en bruidegom pak:
Ons het die voorreg gehad om van Marlize Meeding se ontwerpe te gebruik vir die fotosessie. Haar vintage, Boheemse styl ontwerpe het perfek by die tema gepas. Vir Migael se uitrusting het ons gefokus om die aardse kleure en Boheemse styl uit te bring, met ʼn chino-broek en knopies hemp afgerond met ʼn tweed baadjie wat gesorg het vir tekstuur en kontras.
[section=Klik hier vir diensverskaffers]
- Fotograaf: Martinet Blomerus Photography
- Blomme + Dekor: Events Societe
- Grimering: Art On Faces Makeup Artist
- Hare: About The Hair
- Troukoek: Honey Bee Baker
- Koördineerder: Events Societe
- Skryfbehoeftes: Le Grand Design
- Trourok: Marlize Meeding
- Venue: Mooikrans Venue & Garden
