ʼn Groep talentvolle diensverskaffers het vanjaar hul kreatiwiteit en vaardighede na The Conservatory in Franschhoek gebring. Hierdie gestileerde fotosessie bied trou inspirasie vir die moderne bruid wat nie sal skroom om die nuutste modes en tendense aan te pak nie, maar ook lief is vir tradisionele romanse. Die diensverskaffers het ʼn ongelooflike prentjie bymekaargesit wat deur die veelsydige lente-seisoen en The Conservatory se moderne argitektuur geïnspireer is. Hul keuse van styl en dekor beeld die prag van lente uit, met effense spatsels van die vorige winter seisoen.
Hierdie fotosessie laat ons opnuut die skoonheid van ons land se seisoen-veranderinge waardeer, asook waarmee Suid-Afrika se talentvolle diensverskaffers reg onder ons neuse aan die werk is. Rol af as jy jouself kan sien trou by ʼn pragtige venue, omring deur ʼn moderne lentefees. Verkry trou inspirasie uit die unieke gestileerde fotosessie.
Wie het die fotosessie gereël?
Moderne Lentefees was ’n gesamentlike poging van Karoelien Rust van Krust Photography en Lienkie van Eeden van Love Lienkie Events.
Inspirasie vir die fotosessie?
Met die aanbreek van lente, kom onverskrokke skoonheid. Pragtige blomme begin kop uitsteek, maar tog talm die tekens van winter. Die Boland is soms traag om sy winter-kombersie af te skud en gee dus vir ons die mooi van altwee seisoene. Grys grou reënerige dae word opgekikker deur die spatsels kleur van veldblomme. Die diep blou wolke wat die pragtige berge omring sorg vir die perfekte agtergrond.
Die kontras tussen warm en koud was ons inspirasie vir ons Moderne Lentefees fotosessie – perfek vir die bruid wat hou van moderne simplisiteit, maar tog ook romanse.
Hoekom is die span diensverskaffers gekies om saam te werk?
The Conservatory, weg gesteek tussen die berge van Franschhoek, was die perfekte venue. Die moderne lyne van die glas, staal en beton struktuur sit ʼn raam om die majestueuse berge. Dit lyk kompleet soos ‘n dak tot vloer landskap kunswerk.
Die minimalistiese dekor van sement-tekstuur kershouers en minimalistiese eetgerei word opgekikker deur kleurvolle blomme van Anna Botany en fluweel meubels van NConcepts and Designs. Elbeth Gilles se skeppings sal enige bruid laat JA sê. Juwele van Anine Roos en die keurige grimering van Corlé Barnard het ons lentefees af afgerond met ‘n tikkie weelde.
Ons diensverskaffers was ’n gedugte span wat bestaan het uit slegs vrouens. Dit het die atmosfeer vrolik, grapperig en stres-vry gehou.
Agter die skerms inligting
Moderne Lentefees is gereël binne slegs twee weke! In hierdie industrie waar mense graag ver vooruit datums vasmaak, kan dit ’n probleem raak. Maar, soos reeds genoem, was hierdie ’n gedugte span vrouens. Almal was gereed en gemotiveerd om in te spring en te help.
Wat was vir jou die spesiaalste deel van die fotosessie?
Dit was ʼn baie spesiale oomblik toe ons waarneem hoe die hele prentjie bymekaarkom. Mens het altyd ’n idee in jou kop oor hoe iets moet lyk, maar eers wanneer al die elemente in plek val, sal jy weet of die droom ’n sukses raak. Gewoonlik met visie en toewyding is die eindresultaat mooier as wat mens verwag.
Advies wat aan paartjies gegee kan word wat die inspirasie wil volg?
Moenie bang wees om kontrasterende elemente saam te gooi nie. In ons geval was ons mal oor die minimalistiese voorkoms van sement en staal, asook sagte romanse. Op die ou einde het die kleurvolle blomme die minimalistiese voorkoms pragtig gekomplimenteer.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
-
- Venue : The Conservatory
- Fotograaf : Krust Photography
- Koördineerder : Love Lienkie Events
- Trourokke : Elbeth Gilles
- Grimering : Corlè Barnard
- Hare : Delightful You
- Juwele : Anine Jewelley
- Blomme : Anna Botany
- Dekor : N Concepts and Designs
- Skryfbehoeftes : Susan Brand
- Koek : Sugar and Spice Patisserie
- Kerse : Candles 4 U
- Eetgerei : Functions and Events Hiring
- Kousband : Limerence Garters
Modelle:
- Elrine
- Liané
- Martine
