Anton en Lize-Mari het hul trou proses afgeskop met ʼn see en sand fotosessie saam hul geliefde spaniels! Baie dikwels het mense die indruk dat verlowingsfotosessie ʼn formele storie is en dat die paartjie op hul héél beste moet lyk. Alhoewel Anton en Lize-Mari pragtig gelyk het, getuig hulle dat ʼn verlowingsfotosessie pret is en dat die paartjie slegs hulself hoef te wees. Hierdie foto’s is vir jou en jou aanstaande om saam te koester tot jul oudag – jy hoef niemand anders te beïndruk nie. Anton, Lize-Mari en hul twee spaniels het ʼn heerlike dag op die strand geniet, met die talentvolle Lucille Scheepers Photography wat hulle spesiale oomblikke moeiteloos vasgevang het.
Rol af en geniet dié liefdevolle amper-gesinnetjie se verlowing foto’s.
Vertel ons van jul ontmoeting?
Ons het ontmoet by ons kerk se klein groepie. Ons weet nie regtig wanneer alles gebeur het nie, maar voor ons ons oë kon uitvee was ons albei dolverlief!
Lize-Mari:
Anton se passie vir die Here, sy sagte hart en sy nederigheid is my drie gunsteling eienskappe van hom. Ek sal altyd aangetrokke tot hierdie eienskappe van Anton wees.
Anton:
Wat my die meeste na Lize-Mari toe aangetrek het, is haar energie en passie vir die lewe asook haar groot drome vir die toekoms. Die manier hoe sy omgee vir ander het dadelik my oog gevang.
Vertel ons wie het wie gevra om te trou?
Anton het die groot vraag gevra met die mooiste ring wat ek al ooit gesien het. Met klein bietjie hulp van ons twee spaniels en die mooiste Weskus son sak, kon ek nie anders as om ja te sê nie!
Vertel ons die inspirasie agter die verlowing fotosessie?
Die inspirasie agter ons fotosessie was ons twee spaniels – hulle het immers ʼn groot rol gespeel toe Anton die groot vraag gevra het. Ons moes ʼn plekkie kies waar hulle ook kon deel wees. Lucille Scheepers, ons wonderlike fotograaf, het toe ʼn strand fotosessie aanbeveel. Ons is baie dankbaar vir Lucille se insette. Ons see, sand en spaniel fotosessie het pragtige foto’s opgelewer!
Wat het jul laat besluit oor die verlowing fotosessie?
As trou koördineerder weet ek hoe vinnig die verlowing tydperk verbygaan. Met al die trou reëlings wat druk op paartjies plaas, is al die spanning soms die enigste nagedagte wat paartjies van hul verlowing het. Ons wou graag die mooi van ons verlowing onthou. Ek moet bieg, ons het ook ʼn paar leë foto rame gehad en ʼn verlowing fotosessie was die perfekte oplossing!
Vertel ons meer wat het jul ingedagte vir jul droom troue?
Ek het nog altyd gedroom van ʼn wintertroue met warm sjokolade, gebraaide malvalekkers en ʼn gesellige atmosfeer. Omdat ek in die trou industrie is, was dit ook baie maklik om Anton te oortuig dat ʼn wintertroue die perfekte opsie is.
By ons troue sal daar ʼn koffie stasie wees waar ʼn barista ons gaste gaan bederf. Die gaste sal ook goeie geselskap, lekker rooi wyn en heerlike kos geniet. Ons wil graag hê dit moet ʼn dag van feesviering saam met ons naaste vriende en familie wees. Ons wil hê ons gaste moet deel in ons vreugde. Hulle moet getuies wees wanneer ek en Anton in die huwelik met mekaar verbind word, sodat ons saam kan lag, droom en mekaar altyd kan liefhê.
- Fotograaf: Lucille Scheepers Photography
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Grimering: Mac Cosmetics, Somerset-Mall
- Ring: Terusa Anne Jewellery
- Honde versorging: Dogs 4 Us
- Anton Haarstilis: Edge for Men, Somerset-Mall
