Ons deel dié simplistiese elopement trou inspirasie spesiaal vir ons lesers wat ʼn kleiner intieme trou beplan. Die fotosessie kan ook werk vir paartjies wat reeds getroud is en nét weer ʼn romantiese fotosessie wil hê. ʼn Fotosessie propvol inspirasie wat jou wys jul hoef nie ʼn bank te beroof om ʼn fotosessie vir jul troue te hou nie. in die artikel is daar advies oor vrae wat julle aan julle fotograaf kan vra. Doen ondersoek en soek na ʼn ligging wat minder populêr is en spandeer eerder julle fondse op ʼn ordentlike fotograaf wat onder enige omstandighede kan werk.
Net omdat julle ʼn kleiner intieme troue hou, beteken dit glad nie dat die bruid op haar trourok moet terughou nie. Daar is nie meer vandag reëls wat mens terughou nie. ʼn Korter trourok is hoogmode en na die troue kan mens sommer die romantiese strate van ʼn besige stad of stil dorpie in gemak verken!
Rol af en geniet die inskrywing. Deel dit asseblief met al jou vriendinne.
Wie het die fotosessie gereël?
Janitha Photography & Mrs V Atelier
Inspirasie vir die fotosessie?
Ons inspirasie vir die foto’s was die natuurskoon wat tot ons beskikking is sonder om duur venue fooie te betaal. Daar is die mooiste plekke waar paartjies kan foto’s neem indien hulle sou besluit op ʼn intieme fotosessie vir kleiner troues.
Hoekom is die span diensverskaffers gekies om saam te werk?
Ons is almal kennisse in die industrie. Dit is altyd lekker om saam met mense te werk wat dieselfde werksetiek het en wat idees bymekaar kan sit om iets mooi te skep.
Agter die skerms inligting bv. probleme met onvoorsiene omstandighede
Ons het beplan vir ʼn goue sonsak oor die Stellenbosch-berge, maar toe verras die weer ons en moes ons werk met bewolkte weer sonder goue sonlig met selfs ʼn paar reëndruppels. ʼn Ervare fotograaf sal in enige weersomstandighede die beste daarvan maak met kreatiewe foto’s.
Wat was vir jou die spesiaalste deel van die fotosessie?
Dit was spesiaal hoe alles so mooi uitgewerk het, ten spyte van die weer. Die diensverskaffers het lekker saamgewerk en almal het idees na die tafel gebring om die mooiste foto’s te kon skep.
Advies wat aan paartjies gegee kan word wat die inspirasie wil volg?
Foto’s: Indien julle ʼn elopement of intieme troue beplan, vra gerus vir die fotograaf of hy/sy nie van minder bekende plekke weet om te gaan foto’s neem. ʼn Mens hoef nie altyd duur venue fooie te betaal om die voordeel van ʼn mooi ligging te kry nie.
Rok: ʼn Korter rokkie is wonderlik vir ʼn meer informele troue. Daar is nie meer vandag reëls wat mens terughou nie. Dit kan vir oggendtroues en aandtroues gedra word. Maar werk die heel beste vir ʼn elopement. Dit is hoogmode en na die troue kan mens sommer die romantiese strate van ʼn besige stad of stil dorpie in gemak verken!
Hare: Indien jy los hare wil ‘rock’ gee dit altyd ʼn sagte krul, dit skep beweging en gee ʼn mooi tekstuur van lig en donker om mee te speel. Vir ekstra tekstuur of belangstelling sit ʼn vlegsel of vintage kammetjie by.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Janitha Photography
- Rok: Mrs V Atelier
- Grimering & Hare: Sophie Jean
- Paartjie: Jana Retief + Dameon Venter
- Ligging: Stellenbosch
