Intundla Game Lodge & Bush Spa is geleë in die pragtige Dinokeng area slegs 30-minute se ry vanaf Pretoria en 55 minute se ry vanaf OR Tambo lughawe. Vir ʼn Bos troue en onthaal in ʼn wilds reservaat is Intundla die perfekte keuse met ou-wêreldse sjarme, nostalgie, gasvryheid en ʼn rustige atmosfeer rondom ʼn skilderagtige dam onder die Bobbejaansberg.
Trou Venue
Die meer formele Bos Kapel, Boma, Hippo saal of selfs onder die sterre, is elke fotograaf se droom met vele romantiese foto geleenthede vir jou gaste en ook die paartjies se fotosessie.
Al hulle funksie lokale, ontvangs en presidensiële suite is aan die voet van die berg en aan die ander kant van die dam is daar 37 luukse en-suite eenhede as ook ʼn wittebrood suite.
Een van die voordele by Intundla is die feit dat hulle slegs een troue op ʼn slag doen vir eksklusiwiteit redes. Baie paartjies gebruik Intundla as ʼn bestemming trou venue, omdat akkommodasie vir jou en jou gaste ingesluit is teen ʼn spesiale prys, en bied binne en buite geriewe van jou keuse om te gebruik. Dit maak nie net jou troudag effens langer nie, maar gee jou ook die tyd om kwaliteit tyd met jou gaste te spandeer sonder om gejaag te voel.
Foto krediet: Rianka’s Weddings
Die venue is eksklusief vir paartjies vir 10 ure, vanaf 3nm tot 1vm. Daar is ‘n opsie om oortyd te gaan teen ʼn uurlikse koste of anders sonder toesig gebruik te maak van hulle Boma area.
Om by Intundla te trou is meer as net ʼn troue, dit is ʼn wegbreek vir jou en jou gaste. Weg van die stad se gejaag en net ʼn heerlike naweek van rus en pret. Geniet ʼn rustige swem in hulle swembad met ʼn skemerkelkie terwyl jy die son-sak bekyk.
Foto: Celeste Cilliers
Bush Spa
As jy voel jy kort ʼn bietjie meer vir ontspanning, boek ʼn spa sessie by hulle Bush Spa wat daagliks oop is vanaf 8vm tot 6nm. Geniet ʼn ontspannende spa sessie en voel lekker uitgerus by jou troudag. Dit is die perfekte plek vir die toekomstige bruid en haar Ma, Skoonma en Strooimeisies om hulle self, lekker te bederf voor die troue.
Foto verskaf deur Intundla Game Lodge
Kontakbesonderhede
Kontak Intudla by 012 735 9913 vir meer inligting, of stuur hulle ʼn e-pos na info@intundla.co.za. Volg hulle ook op sosiale media: Facebook, Twitter, Google+, YouTube en Pinterest.
