Hierdie waterverf blommekrans uitnodiging is as inspirasie ontwerp deur die talentvolle Something Gold Designs. Hier is twee verskillende afwerkings van die uitnodiging te sien onder. Eerste variasie se teks is in Groen gedruk en met die tweede ontwerp is die teks gedruk in goue foelie. Die verskillende afwerkings pas by verskillende style van troues en wys dat ‘n klein verandering, in die geval die kleur van die teks, ‘n groot verskil kan maak aan die uiteindelike gevoel van die uitnodiging. Goue foelie is byvoorbeeld perfek vir ‘n meer elegant en formele troue, waar die Groen drukwerk weer beter sal pas by ‘n middag of semi-formele troue. Die waterverf blomkrans eindig die uitnodiging mooi af en gee ook ‘n baie sagte en stylvolle gevoel aan die uitnodiging.
Meer oor Skryfbehoeftes op Mooi Troues
Trou skryfbehoeftes speel ‘n belangrike rol in jou troudag. Daarom deel Mooi Troues weekliks trou skryfbehoefte inspirasie van ons bydraers. Hulle is professionele grafiese ontwerpers met ondervinding in die trou bedryf. Die bydraers verstaan waarna die moderne bruidspaar opsoek is en ken die nuwe tendense. Mooi Troues het ‘n groot verskeidenheid skryfbehoeftes aanlyn wat ontwerp is deur talentvolle grafiese ontwerpers.
Die trou uitnodiging is een van die eerste indrukke wat jou gaste van jou troue sal kry. Dan volg die sitplekkaartjie, asook die naamkaartjies op die tafels wat die eerste dinge is waarna gaste soek wanneer hulle die venue binnekom. Wanneer jou gaste by hul sitplek sit, is almal gewoonlik nuuskierig om te weet wat hulle gaan eet. Dus sal die spyskaart op die tafel ook deel wees van jou gaste se eerste indruk van die onthaal.
Is jy opsoek na trou skryfbehoeftes vir jou grootdag? Mooi Troues bied gratis trou skryfbehoeftes inspirasie, beskikbaar aanlyn. Elke bruidspaar wat opsoek is na iets uniek vir hulle troue, sal by Mooi Troues iets vind.
Ons het ook ‘n groot verskeidenheid gratis aflaaibare trou skryfbehoeftes beskikbaar. Jy kan gratis vanaf Mooi Troues aflaai, laat druk en vir jou troudag gebruik. Klik hier om te kyk na ons gratis skryfbehoeftes.
Jy kan kies en keur tussen honderde verskillende trou uitnodigings, spyskaarte, naam kaartjies en vele ander items. Indien jy opsoek is na skryfbehoefte ontwerpers wat Mooi Troues aanbeveel, Klik hier om ons Trougids te besoek.
Artikel Krediet:
- Skryfbehoeftes: Something Gold Designs
