Herfs sorg vir die mooiste kleure en dit is hoekom Vincent en Bernadette besluit het om hul verlowing fotosessie gedurende die seisoen te hê. Ons is absoluut versot oor hoe Vincent vir Bernadette gevra het om te trou en dit neem baie moed om so waaghalsig te wees, maar ons glo hy was seker van sy saak voordat hy dit gewaag het. Blaai deur die mooi fotos geneem deur Lucille Scheepers Photography en geniet die paartjie se storie.
Vertel ons van jul ontmoeting?
So meer as agt jaar terug het ons mekaar ontmoet by ‘n braai by vriende se huis. Ons het mekaar aantreklik gevind en het albei gehou van mekaar se persoonlikheid. Die tweede keer wat ons mekaar gesien het het ons kans gekry om lekker te gesels. Ons het mekaar toe meer begin sien en toe sewe jaar later verloof geraak.
Hoe het julle verloof geraak?
Ons was Oudtshoorn toe vir ons vriende se troue. Vincent het toe die aand voor die troue vir die mans vertel dat hy my wil vra om te trou. Ons vriende het toe gereël dat Vincent my op hul troue sal vra om te trou. By die onthaal het my vriendin my op geroep, haar blomme vir my gegee. Toe ek omdraai toe staan Vincent op sy knee met die ring in sy hand. Dit was een van die beste dae ooit!
Vertel ons van jul verlowing fotosessie.
Ons was al voorheen by Lourensford en dit is regtig baie mooi daar. Ons het toe gedink omdat dit herfs is sal dit baie mooi lyk vir die verlowings foto.
- Fotograaf: Lucille Scheepers Photography
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Plek: Lourensford Wine Estate
