Pieter en het ‘n lieflike Boheemse troue gehad by ‘n trou venue in Mpumalanga. Hulle het onlangs ook saam ‘n besigheid begin wat die ruikers vir die meisies en dekor van die troue gedoen het.
Dit lyk in die fotos of dit ‘n baie gemaklike en lekker troue was en Pieter en Leticia deel goeie advies vir paartjies wat besig is om hul troue te beplan.
Hoe het julle die eerste keer ontmoet?
Ek en Leticia het ontmoet deur ‘n my goeie vriend, Gerhard wat ook ‘n strooijonker op ons troue was. Ons het eers vir drie maande lank via SMS en Facebook kontak gehou tussen Tailand en Suid Afrika. Toe ons mekaar die eerste keer sien was die koeël deur die kerk.
Hoe het julle verloof geraak?
Ek het in die geheim ‘n naweek weg gereël met die hulp van Leticia se jongste suster Amarencia. Ek het Leticia na Kaapschehoop net buite Nelspruit geneem om die lekkerste pannekoek te gaan eet. Net voor ons gaan eet het, het ons eers gaan stap om die mooiste uitsig te gaan sien op Kaapschehoop se uitkyk punt, toe ons bo kom moes ons eers asem skep en toe vrae ek vir Leticia om die res van haar lewe saam my te spandeer.
Hoe lank was julle saam voor julle getrou het?
Ons was amper twee jaar saam.
Advies wat julle aan ander paartjies kan gee?
Trou advies sal ons sê beplan van dag een af self julle troue, ons wou ons eie ding doen met ons troue, dinge wat ons van hou die venue, kos, musiek, die dekor ens, doen wat julle van hou en nie wat jy dink die gaste sal van hou nie. Moet nie onnodige skuld gaan maak vir julle troue nie. Wanneer die troudag aanbreek geniet elke oomblik daarvan, want dis in ‘n oogwink verby. Spandeer op ‘n goeie fotograaf, lekker kos en ‘n goeie platejoggie dit sal die gaste gelukkig hou.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ʼn internet konneksie het en ʼn toestel wat gekonnekteer is tot ʼn aktiewe internet konneksie, wees dit jou slimfoon, skootrekenaar of ʼn rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Florence Guest Farm
- Trourok: F & H Creation
- Bruid en strooimeisies se ruikers: Platteland Ontwerpe
- Bruidegom se pak: Woolworths
- Strikdasse: Bak Gat Ontwerpe
- Mansjet- knope: Marise Giani Laser
- Mason Jar gaste boek: Marise Giani Laser
- Fotograaf: FRR Styletography & Design
- Greinering: SonelleDavel en Elanie Meyer
- Hare: Creative Cutz, Ermelo
- Uitnodigings : Ink Creations, Newcastle
- Dekor : Platteland Ontwerpe
