Die troue van Johan en Mareli was op perde plaas in Mpumalanga gehou waar die paartjie se seremonie onder die bome was. Die gaste het Mareli sien aankom in haar mooi wit rok met kant om die skouers op ‘n perdekar. Ons is absoluut verlief op die dekor wat Mareli, haar ma en ouma self gedoen het. Die perde was self nie skaam om model te speel terwyl Johan en Mareli geposeer het vir hul fotos.
Maandag se artikel was oor versteekte kostes en een van die punte was om familie en vriende betrokke te maak by jou trou reëlings.
Ons weet julle sal die troue se fotos geniet soos ons dit geniet het.
Hoe het ons die eerste keer ontmoet?
3 April 2014. Ons al twee is baie lief vir hardloop en het aangesluit by Nelspruit se marathon klub waar ons mekaar letterlik raak gehardloop het. Dit was sonder twyfel liefde met die eerste oogopslag. Ons het begin gesels, uitasem en moeg, maar die vlinders was reeds daar.
Hoe het ons verloof geraak?
12 Junie 2015. Elf maande later het Johan ‘n Vrydag middag Mareli onkant gevang met ‘n skattejag. Haar hele familie was betrokke en het gehelp. Johan het Mareli deur hulle hele verhouding se hoogtepunte gevat waar elke familielid met ‘n protea en die volgende raaisel vir haar gewag het. By die laaste punt, op ‘n berg buitekant Nelspruit, het Johan gewag op sy knieë en ‘n ring in die sak.
Hoe lank was ons saam voor jul getrou het?
Een en ‘n halwe jaar.
Advies wat ons aan ander paartjies kan gee?
Moenie laat klein jakkalsies julle troue bederf nie. Die troue is net ‘n dag in jou lewe, die huwelik vir altyd. Fokus op mekaar en moet nooit sê MY troue nie, want dit is ONS troue.
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Venue: Dunkeld Country Estate
- Fotograaf: Marné van Dyk
- Rok: Bridal Room
- Hare: Anzel van Dyk van Paintbrushbeauty
- Grimering: Dinette Prinsloo
- Dekor verhuring: Jean-Marie Steenberg Graphic Design
- Skryfbehoeftes: Jean-Marie Steenberg Graphic Design
- Videograaf: Ludwig Sevenster en Darren Rix
- Dekor: Meeste van ons dekor en trou goed is self gemaak deur Mareli, haar ma en ouma.
