By Mooi Troues hou ons daarvan om mooi selfdoen troues met ons lesers te deel. Ons vind regtig plesier daarin om te sien hoe kreatief Afrikaners is. As Afrikaners is ons ook baie familie vas en dit is altyd ‘n voorreg as ons familie lede ons help ‘n groot dag, veral soos ‘n troudag, met ons deel in die sin van hul handewerk, tyd en moeite insit. So, kan ons suster-liefde sien vandag in Andreas en Joanne se selfdoen troue wat Photography by Lize op haar kamera vasgevang het vir verewig.
Vertel ons van julle ontmoeting?
In 2006 in die begin van ons Universiteit loopbaan het ons oudste susters ons aan mekaar voorgestel. Na ‘n vriendskap van 5 jaar het ons die liefde n kans gegee. Andreas is ‘n hardwerkende goed gemanierde man en ‘n boerseun in murg en been. Enige vrou se droom. Joanne se eerlikheid, sag geaardheid en die feit dat sy ‘n mense mens is het my na haar aangetrek.
Vertel ons van die tema van jul troue?
Beide van ons is lief vir die natuur en hou daarvan om iets self te doen as ons kan. Ons wou graag hê die troue se dekor moet weerspieël wie en wat ons is en waarvan ons hou. Met vier wonderlike skoonsusters en my eie suster was dit moontlik om al die dekor self te doen.
Advies wat jul aan ander paartjies kan gee?
Om mekaar baie goed te ken voor ‘n mens in die huwelik tree help ongelooflik baie. Kommunikasie en die inagneming van mekaar skakel beslis misverstande uit.
Waar het julle gegaan vir julle Wittebrood?
Ons is baie lief vir die plaas- en seelewe. Ons het dus ‘n paar dae in die Weskus spandeer en Kol-Kol by Botrivier was ons plaas wegbreek.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Photography by Lize
- Venue: Chris-Elle, Buffeljachts
- Spysenering: Rooikombuis in Barrydale
- Hare: Get the look Hairsalon Swellendam
- Grimering: Skin deep clinic
- Musiek: FBL the wedding DJ
