By Mooi Troues hoor ons baie van paartjies wat mekaar al op laerskool geken het maar eers nadat hulle uit die skool is mekaar weer ontmoet en ‘n verhouding begin. So was dit ook met Ruaan en Liezel. Wat die paartjie na mekaar aangetrek het was hul droë sin vir humor en lawwigheid. Dis min ouens wat op ‘n bed op en af spring (amper soos Tom Cruize op Oprah se bank) om sy liefde te verklaar teenoor sy droom vrou. Hulle lyk sjarmant tog gemaklik tydens hulle verlowings fotosessie deur DGR Fotografie. Tussen fynbos en proteas vang die fotograaf mooi en intieme oomblikke tussen die mooi paartjie vas. Ten midde van die mooi natuurskoon om hulle, het hulle net oë vir mekaar.
Hoe het julle die eerste keer ontmoet?
Ek was in Gr1 en Ruaan was in Gr2 toe ons mekaar ontmoet het. Ek het op hoërskool die grootste ” crush” op hom gehad. September 2014 het ons paaie weer gekruis en ‘n week later was ons op ons eerste afspraak. Ons is albei bietjie mal koppies en met ons vreemde droë sin vir humor het dinge net gewerk. Elke pot het sy deksel, al is beide die pot en die deksel bietjie skeef.
Hoe het julle verloof geraak?
Ons het die aand na ‘n troue by ‘n gastehuis oorgebly. Nadat ons terug gekeer het na ons kamer ( papnat gereën) het Ruaan soos ‘n stout kind op die bed gespring en verklaar: “Die storie werk nie meer vir my nie, ons verhouding moet “upgrade”. Ring in die hand staan hy toe daar en giggel. Heng, ek dog hy is besig om my te “dump”. Ek het net besef, as ‘n man jou regtig so lief het dat hy jou nat gereën en deurmekaar sal vra om te trou, moet dit ware liefde wees!!!!
Wanneer beplan julle om te trou?
Ons trou 1 Oktober 2016.
[section=Klik hier vir meer diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: DGR Photography
