5 Jaar nadat Morné en Cindy saam is trou hulle in die uitgestrekte Swartland landskap. Trane loop vrylik oor die bruidegom se wange toe sy bruid aan haar pa se arm te voorskyn kom. Nooit in sy drome sou hy kon dink dat dié Mej kollege finalis wat sy hart gesteel het nog mooier kon lyk nie. Geklee in ‘n rok van IIse Roux Bridal slaan sy hoorbaar asems weg. ‘n Sagte briesie pluk aan haar los blonde hare waarin ‘n kroontjie met die sonstrale speel. Die diamante in die blommetjies wat op haar trourok vasgewerk is skep ‘n euforie van lig wat die bruid omring.
Al die fotos van Nadia Basson Fotografie is baie besonders. Wat uitstaan is egter waar die paartjie en hul gevolg poseer in ‘n veld vol laventel struike. As mens daarna kyk kan jy jou amper verbeel jy voel die wind wat die geur van laventel in jou neus laat op stuif.
Later stap die bruidspaar op ‘n foto hand aan hand op ‘n grondpad tussen boorde olyfbome. Dit pas mooi by die paartjie se geloof om hul huweliks pad nie alleen nie maar saam met God te stap.
Hoe het julle die eerste keer ontmoet?
Dit was met ons eerste jaar van Kollege. Ons ouers het saam met ons gegaan met die inskrywings ens. en ons het n tipe van ‘n span bou oggend gehad. Ons het met aankoms na die area gegaan waar ons bymekaar moes kom. Ek het nie veel notisie van Morné geneem nie omdat ek op daardie stadium ‘n kêrel gehad het. My ma het opgemerk, ”DAAR IS JOU VOLGENDE KêREL” Ons eintlike ontmoeting was met die Mnr en Mej Kollege oefening. Dit was ‘n warm middag in Februarie. Ek sou Indië toe gaan maar dit het toe nie gerealiseer nie. Ek is weer terug kollege toe om uit te vind dat ek in my afwesigheid vir Mej. Kollege genomineer is. Ons moes almal in ‘n half maan staan. Skielik het ek en hy oog kontak gemaak en my bene het “jelly” geraak. Ek wens ek kan daardie gevoel beskryf. Tot op ons troudag toe ek na hom stap was daar net “MAGIC”!!!
Hoe het julle verloof geraak?
Ons was op vakansie in Johannesburg besig om sy oom en tannie te help met al hulle trou reëlings. Liefie sou eers Kersdag vir my gevra het, maar toe kon hy nie langer wag en vra toe sommer op hulle troue!!
Hoe lank was julle saam voor jul getrou het?
Ons was 5 jaar saam voor ons getrou het.
Advies wat julle aan ander paartjies kan gee?
Kommunikeer en vertrou altyd op mekaar. Werk altyd aan julle verhouding. Dis nie ‘n kwessie van sy of hy is nou joune en klaar nie. Bid saam !!!! Hoe nader julle aan God is hoe absoluut meer fantasties en sterker word jul liefde vir mekaar. Wees altyd lief vir mekaar!
[section=Klik hier vir diensverskaffers]
Besoek Mooi Troues se aanlyn Trougids. Hier sal jy betroubare diensverskaffers in Suid-Afrika vind vir jou troudag vanaf enige plek waar jy ‘n internet konneksie het en ‘n toestel wat gekonnekteer is tot ‘n aktiewe internet konneksie, wees dit jou slimfoon, skootrekenaar of ‘n rekenaar. Ons het seker gemaak ons lys slegs betroubare diensverskaffers wat jy kan vertrou om hulle beste te gee vir jou troudag. Indien jy nie vind waarvoor jy soek nie, kontak ons asseblief.
Is jy ‘n diensverskaffer wat op Mooi Troues wil adverteer? Klik hier vir ons advertensie kostes.
Artikel Diensverskaffers:
- Fotograaf: Nadia Basson Photography
- Rok: Ilze Roux Bridal
- Venue: Org de Rac
- Dekor Verhuring: Function hiring 4u
- Videograaf: Moments on film
- Platejoggie: BAHA Entertainment
- Hare en Grimering: Ma van die bruid
- Skryfbehoeftes: Troulantyntjies
- Blomme: Tersia & Dominque
- Spyseniering: Spitmaster
